મોરબીમાં કેમિકલયુક્ત પાણી ડેમમાં ભળતું હોવાનો વીડિયો વાયરલ, ખેડૂતોને નુકસાનની ભીતિ

મોરબીના ટંકારામાં કેમકિલયુક્ત પાણી બંગાવાડી ડેમમાં ભળતું હોવાનો વીડિયો સોશિયલ મીડિયામાં વાયરલ થયો છે. વીડિયોમાં જોઇ શકાય છે કે કેમિકલ યુક્ત પાણી ડેમમાં ભળી રહ્યું છે. કેમકિલયુક્ત પાણીને લઇને ખેડૂતોની ચિંતા વધી રહી છે. ખેડૂતો દ્વારા આરોપ લગાવવામાં આવી રહ્યા છેકે કેમિકલયુક્ત પાણીનો ઉપયોગ ખેતરમાં કરવાથી ખેતરના પાકને નુકસાન થઇ શકે છે. ઉલ્લેખનીય છે કે આ સમગ્ર મામલે કેમિકલયુક્ત પાણી ક્યાંથી આવ્યું અને કોણે છોડ્યું તે અંગે કોઇ જાણકારી ન હોવાથી ખેડૂતો તપાસની માગ કરી રહ્યા છે.