Uttarakhand Rain Updates: ઉત્તરાખંડમાં વરસાદે તબાહી મચાવી, ઠેર-ઠેર રસ્તા પર પહાડ ટુટીને પડતા બદ્રીનાથ હાઈવે બંધ
Uttarakhand Rain Updates: દેશના અનેક રાજ્યોની જેમ ઉત્તરાખંડમાં પણ વરસાદે તબાહી મચાવી છે. ચમોલી જિલ્લામાં વરસાદને કારણે ઘણી જગ્યાએ ભૂસ્ખલન થયું છે.
Uttarakhand Rain Updates: દેશના અનેક રાજ્યોની જેમ ઉત્તરાખંડ(Uttarakhand rain)માં પણ વરસાદે તબાહી મચાવી છે. ચમોલી જિલ્લામાં વરસાદને કારણે ઘણી જગ્યાએ ભૂસ્ખલન થયું છે. જિલ્લાના કર્ણપ્રયાગ પાસે ભૂસ્ખલનને કારણે બદ્રીનાથ હાઈવે પણ બંધ થઈ ગયો છે. મંગળવાર રાતથી પડી રહેલા વરસાદને કારણે સર્વત્ર ભૂસ્ખલનની ઘટનાઓ બની રહી છે. કર્ણપ્રયાગ-બદ્રીનાથ નેશનલ હાઇવે, ઉમતા ધાર પાસે પહાડી પરથી આવતા કાટમાળને કારણે બે પોકલેન્ડ મશીન તેની પકડમાં આવી ગયા છે સાથે જ એક ઢાબાને પણ નુકસાન થયું છે. હકીકતમાં મંગળવારથી રાજ્યમાં વરસાદની શરૂઆત થઈ ગઈ છે. હવામાન વિભાગના જણાવ્યા અનુસાર આજે પણ તમામ જિલ્લાઓમાં વરસાદની સંભાવના છે. દેહરાદૂન, પૌરી, ચંપાવત, નૈનીતાલ, ચમોલી અને ઉધમસિંહ નગર જિલ્લામાં ગાજવીજ સાથે ભારે વરસાદ થઈ શકે છે.
ભૂસ્ખલન બાદ બદ્રીનાથ હાઇવે બંધ
Uttarakhand | Badrinath highway closed due to landslide at various places in Chamoli district pic.twitter.com/VXt2tGomCe
— ANI UP/Uttarakhand (@ANINewsUP) July 13, 2022
જાહેર જીવન અસ્ત વ્યસ્ત થઈ ગયુ
પહાડો પર પડેલા વરસાદને કારણે જનજીવન અસ્તવ્યસ્ત બન્યું છે. ભૂસ્ખલન અને મોટા પ્રમાણમાં કાટમાળના કારણે ત્રણ રાષ્ટ્રીય ધોરીમાર્ગો સહિત 212 રસ્તાઓ બંધ થઈ ગયા છે. રુદ્રપ્રયાગ અને પિથોરાગઢમાં બે પુલને નુકસાન થયું છે. આ ઉપરાંત ઘણી જગ્યાએ વીજળી અને પાણીની લાઈનો પણ ક્ષતિગ્રસ્ત થઈ ગઈ છે. જેના કારણે લોકોને મુશ્કેલીનો સામનો કરવો પડી રહ્યો છે.
17મી જુલાઇ બાદ વરસાદી માહોલમાં વધારો થશે
હવામાન વિભાગના જણાવ્યા અનુસાર આજે કુમાઉ ડિવિઝનના મોટાભાગના વિસ્તારોમાં હળવાથી મધ્યમ વરસાદની શક્યતા છે. વિભાગે આગામી બે દિવસ સુધી પહાડી વિસ્તારોમાં ભારે વરસાદ માટે યલો એલર્ટ જાહેર કર્યું છે.આજે દેહરાદૂન, નૈનીતાલ, બાગેશ્વર, પિથોરાગઢ જિલ્લામાં કેટલીક જગ્યાએ ભારે વરસાદ પડી શકે છે. હવામાન વિભાગનું કહેવું છે કે 14 જુલાઈએ નૈનીતાલમાં વરસાદમાં થોડો ઘટાડો થઈ શકે છે.
ટિહરીમાં કાર નદીમાં ખાબકી
ટિહરી ગઢવાલના કૌડિયાલામાં આજે સવારે એક કાર નદીમાં પડી હતી. SDRF રેસ્ક્યુ ટીમને ઘટનાસ્થળે બોલાવવામાં આવી છે. નદીના પટમાંથી નંબર પ્લેટ મળી આવી છે. ડીપ ડાઈવિંગ ટીમ ઘટના સ્થળે પહોંચી ગઈ અને કોરીની શોધખોળ આદરી હતી.
Uttarakhand | Car plunges into river, search on
A car plunged into a river in Kaudiyala, Tehri Garhwal, earlier today. An SDRF rescue team was called to the scene. The number plate was recovered from the river bank. Deep-diving team dispatched to spot: SDRF pic.twitter.com/1QADT9GUe7
— ANI UP/Uttarakhand (@ANINewsUP) July 13, 2022