Pahalgam terror attack : ‘ગોળી મારા વાળને અડીને નિકળી ગઇ ‘પહેલગામમાં આતંકી હુમલા બચી ગયેલા પરિવાવારે જણાવી આપવીતી

Pahalgam Terror Attack:પીડિતો હવે ધીમે ધીમે 22 એપ્રિલ 2025 ના રોજ જમ્મુ અને કાશ્મીરના પહેલગામમાં થયેલા આતંકવાદી હુમલાના ભયાનક દ્રશ્યનું વર્ણન કરી રહ્યા છે. આવો જ એક પરિવાર કર્ણાટકનો હેગડે પરિવાર હતો જે પહેલગામ ફરવા ગયો હતો અને બાળકના આગ્રહને કારણે તેમનો જીવ બચી ગયો. પરિવારના એક સભ્યએ જણાવ્યું કે ગોળી તેમના વાળ અડીને નિકળી ગઇ

પ્રદીપ હેગડે, તેમની પત્ની શુભા અને તેમનો 12 વર્ષનો પુત્ર સિદ્ધાંત બૈસરન ખીણ જોવા માટે કાશ્મીર ગયા હતા. પ્રમુખ મીડિયાના અહેવાલ મુજબ, શુભા હેગડે 22 એપ્રિલના દુર્ભાગ્યપૂર્ણ દિવસે બચી ગયા હતા, જ્યારે આતંકવાદીઓએ ખીણ પર હુમલો કર્યો હતો અને 26 લોકોએ જીવ ગુમાવ્યા હતા.

બાળકની જીદથી હેગડે પરિવારનો જીવ બચી ગયો

હેગડે પરિવારે જણાવ્યું કે તે દિવસે, તેઓ મુશ્કેલ અને કાદવવાળા રસ્તા પરથી એક કલાક ઘોડેસવારી કર્યા પછી બૈસરન ખીણ પહોંચ્યા, જ્યાં તેઓ થોડા સમય માટે પર્યટન સ્થળોની મુલાકાત લીધી એડવેન્ચર એક્ટિવીટી કરવાના હતા, ત્યારે સિદ્ધાંતને ભૂખ લાગી અને તેણે આગ્રહ કર્યો કે તેઓ પહેલા ખાઈ લેશે અને પછીએડવેન્ચર એક્ટિવીટી કરશે.

પ્રદીપ હેગડેએ કહ્યું, “રાત્રે લગભગ 1:45 વાગ્યે, અમે ત્યાં જવાનું વિચાર્યું પણ મારા દીકરાએ કહ્યું કે તેને ભૂખ લાગી છે. અમે તેને સમજાવવાનો પ્રયાસ કર્યો કે જતા પહેલા આપણે કંઈક ખાઈ શકીએ છીએ પરંતુ તે ન માન્યો. તેથી અમે ફૂડ સ્ટોલ તરફ ગયા. અમે મેગીનો ઓર્ડર આપ્યો. પછી મારી પત્ની લગભગ 500 મીટર દૂર વોશરૂમમાં ગઈ. તે પે-એન્ડ-યુઝ ટોયલેટ હતું, તેથી તે પાછી આવી, પૈસા લીધા અને પછી ચાલી ગઈ. ત્યાં સુધીમાં, અમે ભોજન કરી કરી લીધું હતું અને તેથી મારી પત્નીએ ઝડપથી ભોજન પુરૂ કર્યું.”

‘આતંકવાદીઓને બંદૂકો સાથે જોયા’

તેમણે આગળ કહ્યું, “લગભગ 15-20 સેકન્ડ પછી, અમે બે લોકોને મોટી બંદૂકો સાથે જોયા. તેઓ સતત ગોળીબાર કરી રહ્યા હતા.” તેમણે કહ્યું કે એક આતંકવાદી ઘાટીના નીચેના ભાગમાં હતો જ્યારે બીજો તેમની તરફ આગળ વધી રહ્યો હતો. પ્રદીપે કહ્યું, “શરૂઆતમાં અમને સમજાયું નહીં કે શું થઈ રહ્યું છે. પછી અમે સૂઈ ગયા. આ સમયે મારી પત્નીએ ટેબલ પર રાખેલી મારી બેગ ઉપાડવાનું વિચાર્યું. તેમાં અમારા ઓળખપત્રો અને ફોન હતા. તે બેગ ઉપાડવા માટે ઉભી થઈ અને તેને લાગ્યું કે તેના જમણા કાન પાસે કંઈક પસાર થઈ ગયું છે. તે ગોળી હતી.”

શુભાએ યાદ કરતાં કહ્યું, “કંઈક મારા વાળને સ્પર્શ્યું. શરૂઆતમાં મને ખ્યાલ ન આવ્યો કે તે ગોળી હતી, પરંતુ પાછળ ફરી જોયું તો ખબર પડી કે આતો ગોળી હતી.અમને ભગવાને બચાવી લીધા. ”