Russia Ukraine Conflict : રશિયા- યુક્રેન વિવાદ વચ્ચે રશિયાના રાષ્ટ્રપતિ પુતિને કરી યુદ્ધની જાહેરાત
રશિયા- યુક્રેન વિવાદ વચ્ચે રશિયાએ યુક્રેન સામે યુદ્ધની જાહેરાત કરી છે. આ સાથે જ યુક્રેનની રાજધાનીમાં મિસાઈલ એટેક શરૂ થઇ ગયા છે.
રશિયા- યુક્રેન (Russia Ukraine) વિવાદ વચ્ચે રશિયાએ યુદ્ધની જાહેરાત કરી છે. તો આ વચ્ચે અમેરિકાએ રશિયન પ્રમુખ વ્લાદિમીર પુતિનને ચેતવણી આપી છે કે જો રશિયા યુક્રેન પર આક્રમણ કરશે તો પુતિનને ગંભીર પરિણામોનો સામનો કરવો પડશે. અમેરિકાએ કહ્યું કે છેલ્લા બે દિવસમાં રશિયા વિરુદ્ધ જાહેર કરાયેલા પ્રતિબંધો માત્ર શરૂઆત છે.
રશિયન પ્રમુખ પુતિને નાટોને ધમકી આપી છે કે જો યુક્રેન સહયોગ કરશે તો તેના ગંભીર પરિણામો આવશે. આ નિવેદન બાદ તરત જ યુક્રેનમાં વિદ્રોહીઓના કબજાવાળા વિસ્તારમાં મોટા વિસ્ફોટ થયાના અહેવાલો છે. રશિયાના રાષ્ટ્રપતિ વ્લાદિમીર પુતિને ગુરુવારે સવારે ડોનેસ્કમાં પાંચ વિસ્ફોટો બાદ યુક્રેન વિરુદ્ધ સૈન્ય કાર્યવાહીની જાહેરાત કરી છે. ડોનેત્સ્ક જ્યાં 5 બ્લાસ્ટ થયા હતા, તે બે ક્ષેત્રોમાંથી એક છે જેને રશિયાએ નવા દેશ તરીકે માન્યતા આપી છે.રશિયન સૈનિકો ક્રિમિયા થઈને યુક્રેનમાં પ્રવેશ કરી રહ્યા છે. બે લાખથી વધુ રશિયન સૈનિકો સરહદ પર તૈનાત છે.
યુએન સુરક્ષા પરિષદે યુક્રેન પર ઈમરજન્સી બેઠક શરૂ યોજી હતી.
સંયુક્ત રાષ્ટ્ર સુરક્ષા પરિષદે બુધવારે રાત્રે યુક્રેન પર ઈમરજન્સી બેઠક યોજી હતી. આના થોડા કલાકો પહેલાં ડઝનેક દેશોના રાજદ્વારીઓએ દેશ વિરુદ્ધ રશિયાની કાર્યવાહીની નિંદા કરી હતી અને યુરોપમાં નવા યુદ્ધની આશંકા વધવા માટે રાજદ્વારી માટે આહવાન કરવા જનરલ એસેમ્બલીમાં હાજરી આપી હતી.
યુક્રેનમાં ઇમરજન્સી જાહેર કરવામાં આવી
રશિયન પ્રમુખ વ્લાદિમીર પુતિનને તેમના દેશની બહાર લશ્કરી બળનો ઉપયોગ કરવાનો અધિકાર આપવામાં આવ્યા પછી યુક્રેન બુધવારે દેશવ્યાપી કટોકટીની સ્થિતિ જાહેર કરી. દરમિયાન, પશ્ચિમી દેશોએ રશિયા સામે શ્રેણીબદ્ધ પ્રતિબંધોની જાહેરાત કરી હતી અને મોસ્કોએ યુક્રેનમાં તેના દૂતાવાસની જગ્યા ખાલી કરી હતી અને રાજદ્વારી કર્મચારીઓને ખાલી કર્યા હતા.
યુક્રેનના ધારાશાસ્ત્રીઓએ ગુરુવારથી 30 દિવસ સુધી ચાલનારી દેશવ્યાપી કટોકટી લાદવાના રાષ્ટ્રપતિ વોલોડીમીર ઝેલેન્સકીના આદેશને મંજૂરી આપી દીધી છે.યુએસએ રશિયન પ્રમુખ વ્લાદિમીર પુતિનને ચેતવણી આપી છે કે જો રશિયા યુક્રેન પર આક્રમણ કરશે તો પુતિનને ગંભીર પરિણામો ભોગવવા પડશે. અમેરિકાએ કહ્યું કે છેલ્લા બે દિવસમાં રશિયા વિરુદ્ધ જાહેર કરાયેલા પ્રતિબંધો માત્ર શરૂઆત છે.
અગાઉ ડોનેત્સ્કમાં હાજર અલગતાવાદીઓએ રશિયા પાસેથી મદદ માંગી હતી. આ મદદની માંગ અમેરિકાની ધમકી બાદ કરવામાં આવી છે, જેમાં કહેવામાં આવ્યું હતું કે તેના પડોશીઓ પર રશિયા દ્વારા કરવામાં આવેલા હુમલાનો સામનો કરવાની તૈયારી કરવામાં આવી છે. યુક્રેન બોર્ડર પર બગડતી પરિસ્થિતિને કારણે ઘણી એરલાઈન્સે તે વિસ્તારને ડુ નોટ ફ્લાય ઝોન તરીકે પણ જાહેર કર્યો છે. આવું કરનારાઓની યાદીમાં યુરોપિયન કેરિયર્સનો પણ સમાવેશ થાય છે. કોમર્શિયલ એવિએશને સ્પષ્ટતા કરી છે કે યુક્રેન-રશિયા સરહદ હવે પ્રતિબંધિત જગ્યા છે. ખાર્કિવ સહિત યુક્રેનના ઘણા એરપોર્ટે હવે તમામ ફ્લાઇટ્સ સ્થગિત કરી દીધી છે.
આ પણ વાંચો : Russia-Ukraine Conflict : યૂક્રેન વિવાદ પર UNSCની ઇમરજન્સી બેઠક, કહ્યું કે, રશિયા પોતાના સૈનિકોને રોકે
