Breaking News : એમેઝોનના વેરહાઉસ પર દરોડા, અંદાજે 1 હજાર વસ્તુઓ જપ્ત કરાઈ

ઈ-કોમર્સ કંપનીઓ એમેઝોનનો ઉપયોગ હવે મોટા શહેરોની સાથે નાના શહેરોમાં પણ વ્યાપકપણે થઈ રહ્યો છે. બજાર દર કરતા ઓછા ભાવે ઘરેથી ખરીદી કરવાથી ઈ-કોમર્સ કંપનીઓ દરેક માટે સુલભ બની ગઈ છે. પરંતુ ઘણી વખત ડિલિવર કરાયેલ ઉત્પાદન મોબાઇલ પર જોવા મળતી ઉત્પાદન કરતા અલગ હોય છે. આવી ઘણી ફરિયાદો અગાઉ પણ મળી છે. જે બાદ હવે બ્યુરો ઓફ ઇન્ડિયન સ્ટાન્ડર્ડ્સ (BIS) ની ટીમ એમેઝોનના વેરહાઉસ પર દરોડા પાડી રહી છે.

આદેશોનું ઉલ્લંધન જોવા મળ્યું

BISના અધિકારીઓએ સોહના સમીપ એમેઝોનના વેરહાઉસમાં દરોડા પાડ્યા હતા. અહી માલના ગુણવત્તા નિયંત્રણ અંગેના આદેશોનું ઉલ્લંઘન કરવામાં આવ્યું હોવાનું જણાયું હતું. બીઆઈએસ ફરીદાબાદના નિદેશક વિભા રાનીના નિર્દેશ પર એમેઝોન સેલર સર્વિસે પ્રાઈવેટ લિમિટેડના વેરહાઉસમાં અભિયાન ચલાવવામાં આવ્યું હતુ. દરોડા દરમિયાન અંદાજે 1 હજાર વસ્તુઓ જપ્ત કરવામાં આવી હતી. કહેવામાં આવ્યું કે, જપ્ત કરેલી વસ્તુઓમાં ભારત સરકાર દ્વાર જાહેર કરાયેલા ગુણવત્તા નિયંત્રણ આદેશોનું ઉલ્લંધન જોવા મળ્યું હતુ. બીઆઈએસ સ્ટાન્ડર્ડ માર્કનો દુરુપયોગ મળી આવ્યો હતો.

એમેઝોનના વેરહાઉસ પર દરોડા

જપ્ત કરાયેલી વસ્તુઓમાં રમકડાં, એલ્યુમિનિયમ ફોઇલ, સ્ટેનલેસ સ્ટીલની પાણીની બોટલો, વાયરલેસ માઇક્રોફોન, સ્પોર્ટ્સ શૂઝ વગેરેનો સમાવેશ થાય છે. ડિરેક્ટર વિભા રાનીએ જણાવ્યું હતું કે, ભવિષ્યમાં પણ આવા જ દરોડા ચાલુ રહેશે.બ્યુરો ઓફ ઇન્ડિયન સ્ટાન્ડર્ડ્સ એ રાષ્ટ્રીય ધોરણો સંસ્થા છે. જે BIS કાયદા હેઠળ ઉત્પાદનો, પ્રક્રિયાઓ અને સેવાઓ માટે ભારતીય ધોરણો નક્કી કરવા અને અનુપાલન મૂલ્યાંકન યોજનાઓ લાગુ કરવા માટે ફરજિયાત છે.

આ પહેલા પણ બ્યુરો ઓફ ઇન્ડિયન સ્ટાન્ડર્ડ્સ (BIS)એ એમેઝોન અને ફ્લિપકાર્ટના વેરહાઉસ પર મોટા પાયે દરોડા પાડ્યા હતા અને યોગ્ય ગુણવત્તા પ્રમાણપત્ર ન ધરાવતા હજારો ઉત્પાદનો જપ્ત કર્યા હતા.

દિલ્હી એક કેન્દ્રશાસિત પ્રદેશ છે. ઘણા લોકો દિલ્હી અને નવી દિલ્હીને એક જ માને છે, પરંતુ આ બંને જગ્યાઓ સંપૂર્ણપણે અલગ છે. અહી ક્લિક કરો