PM Narendra Modi’s Total Wealth: જાણો કેટલી છે PM મોદીની કુલ સંપતિ, પાછલા વર્ષ કરતાં આટલો થયો વધારો
વડાપ્રધાન નરેન્દ્ર મોદીની સંપત્તિમાં વધારો મુખ્યત્વે સ્ટેટ બેંક ઓફ ઇન્ડિયા (SBI) ની ગાંધીનગર શાખામાં તેમની ફિક્સ્ડ ડિપોઝિટને કારણે થયો છે
PM Narendra Modi’s Total Wealth: વડાપ્રધાન નરેન્દ્ર મોદી ની કુલ સંપત્તિ 3.07 કરોડ છે. સત્તાવાર આંકડાઓ અનુસાર, તેમની સંપત્તિ ગયા વર્ષે 2.85 કરોડ રૂપિયા હતી, જેમાં આ વર્ષે 22 લાખનો વધારો થયો છે. અન્ય ઘણા મંત્રીઓની જેમ પીએમ મોદીનું શેરબજારમાં કોઈ રોકાણ નથી. વડાપ્રધાને કરેલા સ્વ-ઘોષણા મુજબ, તેમનું રોકાણ 8.9 લાખના રાષ્ટ્રીય બચત પ્રમાણપત્રો, 1.5 લાખની જીવન વીમા પોલિસી અને એલ એન્ડ ટી ઇન્ફ્રાસ્ટ્રક્ચર બોન્ડના રૂપમાં છે. જે તેણે વર્ષ 2012 માં 20,000 રૂપિયામાં ખરીદી હતી.
વડાપ્રધાન નરેન્દ્ર મોદીની સંપત્તિમાં વધારો મુખ્યત્વે સ્ટેટ બેંક ઓફ ઇન્ડિયા (SBI) ની ગાંધીનગર શાખામાં તેમની ફિક્સ્ડ ડિપોઝિટને કારણે થયો છે. પીએમ દ્વારા દાખલ કરાયેલા સ્વ-ઘોષણા મુજબ, 31 માર્ચ, 2021 ના રોજ ફિક્સ્ડ ડિપોઝિટની રકમ 1.86 કરોડ રૂપિયા હતી, જે ગયા વર્ષે 1.6 કરોડ હતી. પીએમ મોદી પાસે કોઈ વાહન નથી. તેની પાસે 1.48 લાખની કિંમતની ચાર સોનાની વીંટીઓ છે. 31 માર્ચ, 2021 ના રોજ તેમનું બેંક બેલેન્સ 1.5 લાખ રૂપિયા અને રોકડ રૂપિયા 36,000 છે જે ગયા વર્ષ કરતા ઓછું છે.
વડાપ્રધાન બન્યા પછી નવી સંપત્તિ ખરીદી નથી પીએમ નરેન્દ્ર મોદીએ 2014 માં વડાપ્રધાન બન્યા બાદથી કોઈ નવી સંપત્તિ ખરીદી નથી. 2002 માં ખરીદેલી તેની એકમાત્ર રહેણાંક મિલકતની કિંમત 1.1 કરોડ રૂપિયા છે. તે એક સંયુક્ત સંપત્તિ છે અને તેમાં પીએમનો માત્ર એક ચતુર્થાંશ હિસ્સો છે. 14,125 ચોરસ ફૂટની આ કુલ મિલકતમાંથી પીએમ મોદી 3,531 ચોરસ ફૂટ જમીનના માલિક છે.
અટલ બિહારી વાજપેયીના કાર્યકાળ દરમિયાન સરકારે નક્કી કર્યું હતું કે જાહેર જીવનમાં વધુ પારદર્શિતા માટે તમામ કેન્દ્રીય પ્રધાનોએ દરેક નાણાકીય વર્ષના અંતે સ્વેચ્છાએ તેમની સંપત્તિ અને જવાબદારીઓ જાહેર કરવી પડશે. પીએમ મોદીની ઘોષણાઓ સાર્વજનિક ડોમેનમાં ઉપલબ્ધ છે અને વડાપ્રધાનની વેબસાઈટ પર જોઈ શકાય છે.
આ પણ વાંચો: Vadodara સેન્ટ્રલ જેલમાં કેદીઓ અને જેલ સત્તાધીશો વચ્ચે સંઘર્ષનો કેસ, બે કેદીઓને હોસ્પિટલમાં લવાયા
Latest News Updates
