વિદેશમાં બેઠેલા ખાલિસ્તાની આતંકવાદીઓ સામે NIAની મોટી કાર્યવાહી, મોસ્ટ વોન્ટેડ લિસ્ટમાં વધુ 21 નામ ઉમેર્યા
NIA ટૂંક સમયમાં સાન ફ્રાન્સિસ્કો પણ જશે, જ્યાં તે ભારતીય દૂતાવાસ પર હુમલાની તપાસ કરશે. NIAએ બ્રિટન, અમેરિકા અને કેનેડામાં ભારતીય હાઈ કમિશનમાં હુમલાના મામલામાં ખાલિસ્તાની આતંકવાદીઓની યાદી પણ તૈયાર કરી છે.
કેન્દ્રીય તપાસ એજન્સી NIAએ વિદેશમાં બેઠેલા ખાલિસ્તાની આતંકવાદીઓ વિરુદ્ધ મોટી કાર્યવાહી કરી છે. આ દરમિયાન મોસ્ટ વોન્ટેડની યાદીમાં 21 ખાલિસ્તાનીઓના નામ દાખલ કરવામાં આવ્યા છે. આ ખાલિસ્તાનીઓના નામ NIAની વેબસાઈટ પર તેમના ફોટા સાથે મુકવામાં આવ્યા છે. આ યાદીમાં લખબીર સિંહ લાંડા, મનદીપ સિંહ, સતનામ સિંહ, અમરીક સિંહ સહિત કેનેડા, અમેરિકા અને પાકિસ્તાનમાં હાજર આતંકવાદીઓના નામ સમાવેશ થાય છે.
તે દરમિયાન NIAના સૂત્રોએ જણાવ્યું છે કે તપાસ એજન્સીની 5 સભ્યોની ટીમ ટૂંક સમયમાં અમેરિકાના સાન ફ્રાન્સિસ્કો જશે અને ભારતીય દૂતાવાસ પર હુમલાની તપાસ કરશે. કહેવામાં આવી રહ્યું છે કે આ ટીમ 17 જુલાઈ પછી અમેરિકા જશે. આ હુમલો ખાલિસ્તાની સમર્થકોએ માર્ચમાં કર્યો હતો.
NIAએ ખાલિસ્તાની સમર્થક અને ખાલિસ્તાની આતંકવાદીઓની સંપૂર્ણ યાદી તૈયાર કરી
ગુપ્તચર સૂત્રોના જણાવ્યા અનુસાર, સુરક્ષા એજન્સીઓએ NIA, IB અને રાજ્ય પોલીસ સાથે મળીને એક ડોઝિયર તૈયાર કર્યું છે. તાજેતરમાં બ્રિટન, અમેરિકા અને કેનેડાના દૂતાવાસ પર થયેલા હુમલાના મામલામાં NIAએ ખાલિસ્તાની સમર્થિત અને ખાલિસ્તાની આતંકવાદીઓની સંપૂર્ણ યાદી તૈયાર કરી હતી. કહેવામાં આવી રહ્યું છે કે તપાસ એજન્સીઓની યાદીમાં શીખ ફોર જસ્ટિસના ભાગેડુ ગુરપતવંત સિંહ પન્નુનું નામ ટોચ પર છે.
20-25 ખાલિસ્તાની આતંકવાદીઓ વિરુદ્ધ લુક આઉટ નોટીસ
માહિતી અનુસાર, NIAએ શીખ ફોર જસ્ટિસ (SFJ), બબ્બર ખાલસા ઈન્ટરનેશનલ (BKI), ખાલિસ્તાની લિબરેશન ફોર્સ (KLF), ખાલિસ્તાન ટાઈગર ફોર્સ (KTF), ખાલિસ્તાન ઝિંદાબાદ ફોર્સ (KZF), ખાલિસ્તાન કમાન્ડો ફોર્સ (KCF)ની ધરપકડ કરી છે. વિદેશમાં બેસીને ઇન્ટરનેશનલ શીખ યુથ ફેડરેશન (ISYF) અને દલ ખાલસા ઇન્ટરનેશનલ (DKI)ના સભ્યોની યાદી તૈયાર કરવામાં આવી છે. આ સિવાય 20થી 25 ખાલિસ્તાની આતંકવાદીઓ વિરુદ્ધ લુક આઉટ સર્ક્યુલર પણ જાહેર કરવામાં આવ્યો છે.
ખાલિસ્તાની સમર્થકોની આજે ‘કીલ ઈન્ડિયા’ રેલી
બીજી તરફ ખાલિસ્તાની સમર્થકો 8મી જુલાઈએ ‘કીલ ઈન્ડિયા’ નામની એક રેલી દ્વારા ભારત અને ભારતીય રાજદ્વારીઓ વિરુદ્ધ વિરોધ પ્રદર્શન કરવા જઈ રહ્યા છે. મળતી માહિતી મુજબ, આ રેલીનું આયોજન અમેરિકાથી કેનેડા સુધી કરવામાં આવ્યું છે. અહેવાલ છે કે ગુપ્તચર એજન્સીઓએ આ રેલીમાં હિંસા થવાની સંભાવના પણ વ્યક્ત કરી છે.
દેશના તમામ સમાચાર વાંચવા માટે અહીં ક્લિક કરો
