Assembly Election: નરેન્દ્ર મોદી સ્વતંત્ર ભારતમાં સૌથી લોકપ્રિય વડાપ્રધાન, અમિત શાહે કહ્યું- ભાજપ ચારેય રાજ્યોમાં સરકાર બનાવવા જઈ રહી છે

Assembly Election: નરેન્દ્ર મોદી સ્વતંત્ર ભારતમાં સૌથી લોકપ્રિય વડાપ્રધાન, અમિત શાહે કહ્યું- ભાજપ ચારેય રાજ્યોમાં સરકાર બનાવવા જઈ રહી છે
Amit Shah - File Photo

અમિત શાહે કહ્યું કે અમે ચાર રાજ્યો (ગોવા, ઉત્તરાખંડ, મણિપુર, ઉત્તર પ્રદેશ)માં સરકાર બનાવવા જઈ રહ્યા છીએ. અમે પંજાબમાં અમારી સ્થિતિમાં ઘણો સુધારો કરીશું. તેમણે કહ્યું કે અમે પહેલીવાર પંજાબમાં ગઠબંધનની સૌથી મોટી પાર્ટી તરીકે ચૂંટણી લડ્યા છીએ.

TV9 GUJARATI

| Edited By: Bhavesh Bhatti

Mar 05, 2022 | 7:08 PM

કેન્દ્રીય ગૃહ પ્રધાન અમિત શાહ (Amit Shah) અને ભાજપના રાષ્ટ્રીય અધ્યક્ષ જેપી નડ્ડાએ શનિવારે દિલ્હીમાં બીજેપી (BJP) હેડક્વાર્ટર ખાતે સંયુક્ત પ્રેસ યોજી હતી. આ દરમિયાન અમિત શાહે કહ્યું કે અમે ચાર રાજ્યો (ગોવા, ઉત્તરાખંડ, મણિપુર, ઉત્તર પ્રદેશ)માં સરકાર બનાવવા જઈ રહ્યા છીએ. અમે પંજાબમાં અમારી સ્થિતિમાં ઘણો સુધારો કરીશું. તેમણે કહ્યું કે અમે પહેલીવાર પંજાબમાં ગઠબંધનની સૌથી મોટી પાર્ટી તરીકે ચૂંટણી લડ્યા છીએ. કેન્દ્રીય ગૃહમંત્રીએ વધુમાં કહ્યું કે યોગી આદિત્યનાથના નેતૃત્વમાં ઉત્તર પ્રદેશમાં કાયદો અને વ્યવસ્થાની સ્થિતિમાં મોટો ફેરફાર આવ્યો છે. રાજ્યમાં તમામ પ્રકારની ગુનાહિત ઘટનાઓમાં 30% થી 70% સુધીનો ઘટાડો થયો છે. તમામ માફિયાઓ જેલમાં છે. મહિલાઓ અને છોકરીઓ હવે સુરક્ષિત અનુભવે છે.

તેમણે કહ્યું કે બૂથ લેવલથી લઈને વડાપ્રધાન અને આપણા રાષ્ટ્રીય અધ્યક્ષ સુધીના તમામ કાર્યકર્તાઓ એક જ દિશામાં એક જ લય અને ઝડપ સાથે વિવિધ માધ્યમો દ્વારા જનસંપર્ક કરે છે. લગભગ સાડા સાત વર્ષથી દેશમાં નરેન્દ્ર મોદીના નેતૃત્વમાં ભાજપની પૂર્ણ બહુમતની સરકાર ચાલી રહી છે. વડાપ્રધાનના નેતૃત્વ હેઠળની અમારી સરકારે દેશના લોકોને અહેસાસ કરાવ્યો છે કે ચૂંટાયેલી સરકાર તેમનું જીવનધોરણ ઊંચું કરવા માંગે છે.

નરેન્દ્ર મોદી સ્વતંત્ર ભારતમાં સૌથી લોકપ્રિય વડાપ્રધાન- અમિત શાહ

અમિત શાહે કહ્યું કે આ પાંચ રાજ્યોમાં નરેન્દ્ર મોદીજીની લોકપ્રિયતા સ્વતંત્ર ભારતના કોઈપણ વડાપ્રધાનની લોકપ્રિયતાથી ઉપર જોવામાં આવી હતી અને આ ચૂંટણીમાં ભાજપને તેનો સીધો ફાયદો મળી રહ્યો છે. મોદીજી પોતે ઉત્તર પ્રદેશના સાંસદ છે. તેમણે વધુમાં કહ્યું કે જ્યારે કાશીમાં મોદીજીનો રોડ શો યોજાયો હતો, ત્યારે જનતા તેમના માટે કામ કરનારા તેમના પ્રિય નેતાનું કેવી રીતે સ્વાગત કરે છે. લોકશાહીમાં તેનું ઐતિહાસિક ઉદાહરણ આપણે ઉત્તર પ્રદેશના પ્રચારમાં જોયું છે.

શાહે કહ્યું કે આજે આપણે ઉત્તર પ્રદેશમાં જ્ઞાતિવાદ, પરિવારવાદ, તુષ્ટિકરણ, આ ત્રણેયથી મુક્ત થઈને લોકશાહીને પ્રથમવાર ખીલતી જોઈ રહ્યા છીએ. ઉત્તરાખંડમાં ભ્રષ્ટાચારના એક પણ આરોપ વિના ભાજપની સરકાર પાંચ વર્ષ સુધી ચાલી. વન રેન્ક-વન પેન્શનની સિદ્ધિ ઉત્તરાખંડના નિવૃત્ત સૈનિકોના ઘર સુધી પહોંચી છે. તમને જણાવી દઈએ કે પાંચ રાજ્યોમાંથી ચાર રાજ્યોમાં મતદાન થયું છે. ઉત્તર પ્રદેશમાં હજુ અંતિમ તબક્કાનું મતદાન થવાનું બાકી છે. યુપીમાં સાતમા અને છેલ્લા તબક્કાનું મતદાન 7 માર્ચે થશે.

આ પણ વાંચો : Manipur Election 2022: મણિપુરના બીજા અને છેલ્લા તબક્કાના મતદાનમાં હિંસા, બે લોકોના મોત

આ પણ વાંચો : Russia Ukraine War: અભ્યાસ છોડીને યુક્રેનથી પરત ફરનારા વિદ્યાર્થીઓ માટે સારા સમાચાર, ભારતમાં ઈન્ટર્નશિપ પૂર્ણ કરી શકશે


Follow us on

Related Stories

Most Read Stories

Click on your DTH Provider to Add TV9 Gujarati