જૈશ આતંકવાદીનો NSA અજિત ડોભાલ પર હુમલાનો પ્લાન, ઓફિસની રેકીનો વિડીયો મોકલ્યો સીમા પાર

રાષ્ટ્રીય સુરક્ષા સલાહકાર (NSA) અજીત ડોભાલની સુરક્ષા વ્યવસ્થા વધારી દેવામાં આવી છે. જૈશથી જોડાયેલ હિદાયત-ઉલ્લાહ મલિક પાસેથી ડોભાલમો ઓફિસની રેકીનો વીડિયો મળી આવ્યા પછી આ પગલું લેવામાં આવ્યું. કાશ્મીરના શોપિયામાં રહેતા મલિકની 6 ફેબ્રુઆરીએ ધરપકડ કરવામાં આવી હતી.

કહેવામાં આવી રહ્યું છે કે આ રેકી ગયા વર્ષે કરવામાં આવી હતી. મલિકે શ્રીનગરમાં ડોભાલની ઓફિસ અને અન્ય વિસ્તારોનો વીડિયો રેકોર્ડ કર્યો હતો. મલિકે આ વીડિયો પાકિસ્તાનમાં તેના માસ્ટર્સને મોકલ્યા હતા. માહિતી મળતાની સાથે જ સુરક્ષા એજન્સીઓને એલર્ટ કરી દેવામાં આવી છે.

થઇ ધરપકડ

આ મામલે એફઆઈઆર પણ નોંધવામાં આવી છે. મલિક વિરુદ્ધ જમ્મુના ગંગ્યાલ પોલીસ સ્ટેશનમાં કલમ 18 અને 20 હેઠળ કેસ નોંધવામાં આવ્યો છે. મલિકને જૈશના ફ્રંટ ગ્રૂપ લશ્કર-એ-મુસ્તફાનો વડો કહેવામાં આવી રહ્યો છે. અનંતનાગથી તેની ધરપકડ કરવામાં આવી. મલિક પાસે શસ્ત્રો અને વિસ્ફોટકો મળી આવ્યા છે.

આતંક ફેલાવવાનું કાવતરું
ગુપ્તચર એજન્સી અનુસાર પાકિસ્તાનના આતંકવાદી સંગઠનો જમ્મુ-કાશ્મીરમાં ફરી આતંક ફેલાવવાના ષડયંત્ર રચી રહ્યા છે. ગુપ્તચર એજન્સીઓએ ગૃહ મંત્રાલયને કહ્યું છે કે જમ્મુ-કાશ્મીરમાં જમાત-એ-ઇસ્લામી લશ્કર, જૈશ અને હિઝબુલ મુજાહિદ્દીનને વિશાળ ભંડોળ મળ્યું છે. પાકિસ્તાનની ગુપ્તચર એજન્સી ISI દ્વારા દુબઇ તુર્કીના થકી ભંડોળ પૂરું પાડવામાં આવી રહ્યું છે.

ગૃહ મંત્રાલયના સૂત્રો એ જણાવ્યું કે જમ્મુ-કાશ્મીરમાં અલગતાવાદ ભાગ -2 શરૂ કરવાનું કાવતરું રચાઈ રહ્યું છે. જકાત, મૌદા, બૈત-ઉલ-માલ, વિદેશથી મળતી ચેરીટી, આરોગ્ય અને શિક્ષણના નામે આઈએસઆઈ દુબઇ, તુર્કી અને અન્ય માર્ગોથી પહોચાડી રહી છે. 370 હત્યા બાદ આતંકવાદ અને પથ્થરમારામાં ઘટાડો થયો છે. કાશ્મીરમાં ફરીથી આ ઉપદ્રવ ચાલુ કરાવવા જમાત-એ-ઇસ્લામીના ભંડોળથી ષડયંત્ર રચવામાં આવ્યું છે. નવા અલગાવવાદીઓ અને આતંકવાદીઓની ભરતી માટે જમાત-એ-ઇસ્લામીએ ગુપ્ત બેઠકો પણ યોજી છે.