Income Tax Raid: 8 રાજ્યો, 100 વાહનો, 53 સ્થળ… દેશના અનેક રાજ્યોમાં આવકવેરા વિભાગના બિઝનેસ ગ્રુપ પર દરોડા

આજે સમગ્ર દેશમાં આવકવેરા વિભાગ (Income Tax Department) એક્શન મોડમાં જોવા મળી રહ્યું છે. દિલ્હી, રાજસ્થાન, ઉત્તર પ્રદેશ, મધ્યપ્રદેશ, મુંબઈ, છત્તીસગઢ, ઉત્તરાખંડ, બેંગ્લોરમાં આઈટી ટીમોએ ઘણા મોટા બિઝનેસ ગ્રુપ પર દરોડા પાડ્યા છે. વાસ્તવમાં આ વેપારીઓ કરચોરી અને રાજકીય ભંડોળના કારણે આવકવેરાના રડાર પર હતા. જે બાદ ટીમે બુધવારે સવારે અલગ-અલગ રાજ્યોમાં 53 જગ્યાએ દરોડા (Income Tax Raid) પાડ્યા હતા. દરોડામાં ઈન્કમટેક્સ વિભાગે 100 વાહનોનો ઉપયોગ કર્યો છે.

રાજસ્થાનમાં મિડ-ડે મીલ કૌભાંડને લઈને મુંબઈ, રાજસ્થાન, ઉત્તરાખંડ અને દિલ્હીમાં પણ આઈટીએ દરોડા પાડ્યા છે. આઈટીએ બેંગ્લોરના મણિપાલ ગ્રુપ પર પણ દરોડા પાડ્યા છે. રાજસ્થાનની રાજધાની જયપુરમાં મિડ-ડે મીલમાં કમાણી કરનારાઓના ઘર અને ઓફિસ પર દરોડા પાડવામાં આવ્યા છે.

રાજસ્થાનના રાજ્ય મંત્રી રાજેન્દ્ર યાદવની ફેક્ટરી પર દરોડો પાડ્યા

રાજસ્થાનમાં મિડ-ડે મીલમાં કમાણી કરનારાઓ પર આવકવેરાના દરોડા પડ્યા છે. રાજ્યમંત્રી રાજેન્દ્ર યાદવ અને મિડ ડે મીલ બિઝનેસ ગ્રુપ પર ઈન્કમટેક્સ દ્વારા દરોડા પાડવામાં આવ્યા છે. રાજેન્દ્ર યાદવની કોટ પુતલીમાં ન્યુટ્રિશનલ ફેક્ટરી છે. આવકવેરાના દરોડામાં 300થી વધુ પોલીસકર્મીઓ સામેલ છે. સુરક્ષા માટે સીઆરપીએફના જવાનોને પણ સાથે લેવામાં આવ્યા છે. સવારે આવકવેરાની ટીમ વેપારી જૂથના રહેઠાણ, ઓફિસ અને અન્ય સ્થળોએ પહોંચી હતી. રાજ્યમાં આ દરોડાની ચર્ચા જોરશોરથી ચાલી રહી છે.

બેંગ્લોર-મુંબઈમાં રેડ ચાલુ છે

બેંગ્લોરમાં પણ મણિપાલ ગ્રુપ પર આઈટીના દરોડા પડ્યા છે. બેંગ્લોરમાં 20 થી વધુ જગ્યાએ આઈટીની શોધ ચાલી રહી છે. દરેક વ્યક્તિ પર ટેક્સ ચોરીનો આરોપ છે. મિડ ડે મિલ કૌભાંડ કેસમાં મુંબઈમાં પણ આવકવેરાના દરોડા ચાલી રહ્યા છે. અહીં ITની ટીમો 4-5 જગ્યાએ દરોડા પાડી રહી છે. ઉત્તર પ્રદેશમાં પણ લગભગ બે ડઝન સ્થળો પર દરોડા પાડવામાં આવી રહ્યા છે. ITએ છત્તીસગઢમાં દારૂના વેપારી અમોલક ભાટિયા સહિત ઘણા લોકોના સ્થળો પર દરોડા પાડ્યા હતા.

કરચોરી અને કરોડો રૂપિયાની છેતરપિંડીનો મામલો

માહિતી અનુસાર, આવકવેરા વિભાગે રાજકીય પક્ષોના નામે દાન વસૂલવા સંબંધિત મામલામાં છેતરપિંડી કરનારાઓ વિરુદ્ધ મોટી કાર્યવાહી કરી છે. આવકવેરાના સૂત્રોના જણાવ્યા અનુસાર આ કરચોરી અને કરોડો રૂપિયાની છેતરપિંડીનો મામલો છે. સૂત્રોના જણાવ્યા અનુસાર ઉત્તર પ્રદેશ, દિલ્હી, મધ્યપ્રદેશ, છત્તીસગઢ સહિત અનેક રાજ્યોમાં આ દરોડા ચાલી રહ્યા છે.