દુનિયાના સૌથી શક્તિશાળી હેલિકોપ્ટરમાં સ્થાન ધરાવતાં ‘ચિનૂક’ને આજે મળશે ભારતીય વાયુસેનામાં સ્થાન, પાકિસ્તાનમાં અત્યારથી જ ફફડાટ
ભારત અને પાકિસ્તાન સરહદ પર સતત વધી રહેલાં તણાવ વચ્ચે ભારતે પોતાની તાકાત વધારી દીધી છે. 11 હજાર કિલો સુધીના શસ્ત્રો અને સૈનિકોને ઉચકવામાં સક્ષમ તેમજ ઊંચાઇવાળા વિસ્તારમાં પણ ઉડ્ડયન કરવા સક્ષમ અત્યાધુનિક ‘ચિનૂક’ હેલિકોપ્ટર આજે ઔપચારિક રીતે ભારતીય વાયુસેનામાં સમાવેશ પામશે. જેને પાકિસ્તાની સરહદ પર તૈનાત કરીને વાયુસેનાને અધિક શક્તિશાળી બનાવવામાં આવશે. ચંડીગઢ ખાતે […]
ભારત અને પાકિસ્તાન સરહદ પર સતત વધી રહેલાં તણાવ વચ્ચે ભારતે પોતાની તાકાત વધારી દીધી છે. 11 હજાર કિલો સુધીના શસ્ત્રો અને સૈનિકોને ઉચકવામાં સક્ષમ તેમજ ઊંચાઇવાળા વિસ્તારમાં પણ ઉડ્ડયન કરવા સક્ષમ અત્યાધુનિક ‘ચિનૂક’ હેલિકોપ્ટર આજે ઔપચારિક રીતે ભારતીય વાયુસેનામાં સમાવેશ પામશે.
જેને પાકિસ્તાની સરહદ પર તૈનાત કરીને વાયુસેનાને અધિક શક્તિશાળી બનાવવામાં આવશે. ચંડીગઢ ખાતે એર ચીફ માર્શલ હી.એસ. ધનોઆ ચાર ભારે ક્ષમતાવાળા ચિનૂક હેલિકોપ્ટર ભારતીય વાયુસેનાને સોંપશે. આ મલ્ટી મિશન હેલિકોપ્ટર અમેરિકાની બોઇંગ કંપનીએ બનાવ્યાં છે. ખાસ કરીને હિમાલયના પહાડી ક્ષેત્રમાં આ હેલિકોપ્ટર શસ્ત્રો અને સૈનિકોના પરિવહનમાં જરૂરી પુરવાર થઇ શકે છે.
તેમજ ખાસ વાત એ કે આ હેલિકોપ્ટર દેખાવમાં તોતિંગ હોવા છતાં નાના હેલિપેડ પરથી ઉડ્ડયન લઇ શકે છે તેમજ ખીણમાં પણ લેન્ડીંગ કરી શકે છે. દુનિયાના 19 દેશો દ્વારા આ હેલિકોપ્ટરો વપરાશમાં લેવાય છે. ભારતે અમેરિકા સાથે આવા 15 હેલિકોપ્ટર ખરીદવાનો કરાર કર્યો છે. અમેરિકી વાયુસેના છેક 1962થી ચિનૂક હેલિકોપ્ટર વાપરતી આવી છે.
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]
