Good News : હવે આર્થિક સ્થિતિનું બહાનું કાઢીને બેન્ક એજ્યુકેશન લોન આપવાની ના નહી પાડી શકે

લોન લઇને ઉચ્ચ અભ્યાસ કરવા માંગતા વિદ્યાર્થીઓ માટે કેરેલાની હાઇકોર્ટે (Kerela Highcourt) ઐતિહાસિક નિર્ણય લીધો જેના બાદ વિદ્યાર્થીઓને લોન મેળવવા માટે વધુ સરળતા રહેશે. દુનિયાભરના અને ખાસ કરીને ભારતના વિદ્યાર્થીઓ વિદેશ ભણવા જવા તેમજ ઉચ્ચ અભ્યાસ મેળવવા માટે બેન્કમાંથી એજ્યુકેશન લોન લેતા હોય છે. જે વિદ્યાર્થીઓની આર્થિક સ્થિતી નબળી હોય છે સ્વભાવિક વાત છે કે તેઓ લાખોનો ખર્ચો જાતે ન ઉઠાવી શકે. માટે તેઓ બેન્કમાં લોન લેવા માટે અર્જી કરે છે.

કેરળમાં એક વિદ્યાર્થીનીની અરજી બાદ હાઇકોર્ટે (Highcourt) આ દિશામાં મહત્વનો ચુકાદો આપ્યો છે. ચુકાદામાં સ્પષ્ટપણે ઉલ્લેખ છે કે કોઇ પણ બેન્ક વિદ્યાર્થીના પરિવારની આર્થિક સ્થિતી નબળી હોવાના કારણે લોન આપવાની ના નહીં પાડી શકે. હાઇકોર્ટે આ કેસમાં કોર્ટને આદેશ કર્યો છે કે ભણવામાં હોશિયાર આ વિદ્યાર્થીનીને લોનની રકમ ઝડપથી ચૂકવે. કોર્ટે વધુમાં કહ્યુ કે એજ્યુકેશનન લોનનો (Education Loan) મતલબ એજ છે કે કોઇ પણ મહેનતી વિદ્યાર્થી કે વિદ્યાર્થીની પૈસાના અભાવને કારણે શિક્ષણથી વંચિત ન રહે

હાઇકોર્ટમાં અરજી કરનાર વિદ્યાર્થીની આયુર્વેદિક મેડિસિન અને સર્જરીની વિદ્યાર્થી છે. તેની લોનની અરજી રિજેક્ટ થયા બાદ તેણે કોર્ટમાં મદદ માંગી હતી. તેણે 2019 માં નેશનલ એલિજિબિલિટી કમ એન્ટ્રેન્સ ટેસ્ટમાં રૈંકના આધાર પર સૈંટ્રલાઇઝ્ડ સીટ એલોટમેન્ટ પ્રક્રિયા હેઠળ એડમિશન લીધુ હતુ પરંતુ. પરંતુ તેનો પરિવાર તેના અભ્યાસનો ખર્ચ ઉઠાવી શકે તેમ નહતો માટે તેણે 7 લાખ રૂપિયાની લોન માટે બેન્કમાં એપ્લાય કર્યુ હતુ

બેન્ક દ્વારા લોનની અરજી રિજેક્ટ કરવા પાછળ કારણ આપવામાં આવ્યુ કે વિદ્યાર્થીનીના પરિવારની આર્થિક સ્થિતી નથી સારી. આ છોકરીના પિતા એક નાનકડાં વેપારી છે અને કોરોના મહામારી દરમિયાન તેમના ધંધો ઠપ્પ થઇ ગયો છે માટે બેન્કનું કહેવુ છે કે તેઓ લોન નહીં ચૂકવી શકે.

આ પણ વાંચો – શું ચીનને નથી પોતાની વેક્સિન પર ભરોસો ? પોતાના નાગરીકોને આપશે જર્મન વેક્સિન

આ પણ વાંચો – Supreme court : હોસ્પિટલોને ફાયર સેફ્ટી માટે 2022 સુધીનો સમય આપતા, ગુજરાતને સુપ્રીમ કોર્ટની ફટકાર