Goa Covid Curfew: ગોવામાં 23 ઓગસ્ટ સુધી લંબાવામાં આવ્યું કરફ્યુ, જાણો શું રહેશે બંધ અને શું રહેશે ખુલ્લુ ? આ રહી ગાઈડ લાઇન્સ

રાજ્યમાં પ્રવેશતા લોકો, ખાસ કરીને કેરળથી આવતા લોકો માટે RT-PCR નેગેટિવ ટેસ્ટનો રિપોર્ટ લેવો ફરજિયાત છે

Goa Covid Curfew: ગોવામાં 23 ઓગસ્ટ સુધી લંબાવામાં આવ્યું કરફ્યુ, જાણો શું રહેશે બંધ અને શું રહેશે ખુલ્લુ ? આ રહી ગાઈડ લાઇન્સ
પ્રતિકાત્મક તસવીર

Goa Covid Curfew: ગોવા સરકારે (Goa Government) કોરોના સંક્રમણને જડમૂળથી ઉખાડી ફેંકવા માટે રાજ્યમાં 23 ઓગસ્ટ સુધી કરફ્યુ લંબાવ્યું છે. કોરોનાની બીજી લહેર બાદ વધતાં જતાં કોરોનાના કેસને ધ્યાનમાં રાખીને પહેલી વાર 9 મેના કરફ્યુ લાદવામાં આવ્યું હતું. ત્યારથી આને કેટલીય વાર વધારવામાં આવી રહ્યું છે. જો કે સરકારે આ દરમ્યાન લોકોને અને ધંધાર્થીઓને કેટલીય પ્રકારની છૂટ-છાટ આપી છે.

મુખ્ય મંત્રી પ્રમોદ સાવંતે (Pramod Sawant,CM Goa) રવિવારે કરફ્યુને 23 ઓગસ્ટ સુધી વધારવાની જાણકારી આપી. ગોવામાં શનિવારે કોરોના વાયરસના (Corona virus infection) 88 નવા કેસ આવ્યા અને સામે 120 લોકો સાજા પણ થયા.

શનિવારે જાહેર કરાયેલા આંકડા મુજબ, રાજ્યમાં દિવસ દરમિયાન મૃત્યુનો એક પણ કેસ નોંધાયો નથી, જેથી મૃત્યુઆંક 3,168 થયો છે, એમ આરોગ્ય વિભાગના અધિકારીએ જણાવ્યું હતું. તે જ સમયે, કર્ફ્યુમાં વધારો થતાં, દક્ષિણ ગોવા જિલ્લા વહીવટીતંત્રે (South Goa District Administration) સોમવારે રાજ્યમાં કોરોના વાયરસ કર્ફ્યુ સંબંધિત વિગતવાર માર્ગદર્શિકા જારી કરી છે. (Goa Corona Guidelines in Gujarati)

માર્ગદર્શિકા મુજબ, રાજ્યમાં જાહેર કાર્યક્રમોની સંખ્યા 23 ઓગસ્ટ સુધી મર્યાદિત રહેશે. 50 ટકા લોકો લગ્ન જેવા જાહેર કાર્યક્રમમાં હાજરી આપી શકે છે. તે જ સમયે, સરકારી કચેરીમાં સામાન્ય લોકોના પ્રવેશ પર પ્રતિબંધ હજુ પણ ચાલુ છે.

આદેશમાં કહેવામાં આવ્યું છે કે રાજ્યમાં તમામ કોરોનાવાયરસ સંબંધિત પ્રતિબંધો ચાલુ રહેશે અને કોઈ નવી છૂટ આપવામાં આવી નથી.જિલ્લા વહીવટીતંત્રે સિનેમા હોલ, કેસિનો, ક્રુઝ, સ્પા અને સાપ્તાહિક બજારો સહિત અનેક સંસ્થાઓ પર પ્રતિબંધ મૂક્યો છે.

RT-PCR નેગેટિવ ટેસ્ટનો રિપોર્ટ ફરજિયાત
રાજ્યમાં પ્રવેશતા લોકો, ખાસ કરીને કેરળથી આવતા લોકો માટે RT-PCR નેગેટિવ ટેસ્ટનો રિપોર્ટ લેવો ફરજિયાત છે. આ સિવાય રાજ્ય સરકારે નિર્દેશ આપ્યો છે કે સમગ્ર રાજ્યમાં મહત્તમ સંખ્યામાં તપાસ હાથ ધરવામાં આવે. RTPCR ટેસ્ટમાં વધુ વધારો. વધુ તપાસ કરવામાં આવશે, કોરોના ચેપના કેસો શોધી કાવામાં આવશે.

ચેપગ્રસ્તની કુલ સંખ્યા 1,72,431
તે જ સમયે, શનિવારે આવેલા કેસો સાથે, ગોવામાં સંક્રમિતોની કુલ સંખ્યા વધીને 1,72,431 થઈ ગઈ. કુલ 1,68,338 લોકો કોરોનાથી સાજા થયા. ત્યાર બાદ સારવાર હેઠળ રહેલા દર્દીઓની સંખ્યા ઘટીને 925 થઈ ગઈ છે. તેમણે કહ્યું કે 5,416 વધુ સેમ્પલ લેવામાં આવ્યા છે. કુલ 11,23,864 સેમ્પલના ટેસ્ટ થઈ ગયા છે.

આ પણ વાંચો: Afghanistan: સંયુક્ત રાષ્ટ્ર સુરક્ષા પરિષદની આજે બેઠક, અફઘાનિસ્તાનની વર્તમાન સ્થિતિને લઈને કરાશે ચર્ચા

આ પણ વાંચો: Devbhoomi Dwarka: સલાયા ગામમાં કોરોના રસીકરણના બોગસ સર્ટિફિકેટ બનાવવાનું કૌભાંડ ઝડપાયું

 

 

 

Read Full Article

Click on your DTH Provider to Add TV9 Gujarati