તમિલનાડુમાં આગામી 48 કલાકમાં ભારે વરસાદની ચેતવણી, 5ના મોત, 538 ઝૂંપડાં પડી ગયા, શાળા-કોલેજો બંધ, રેડ એલર્ટ અપાયુ

Tamil Nadu rains: તમિલનાડુમાં ભારે વરસાદ ચાલુ છે. અનેક જિલ્લાઓમાં અવિરત વરસાદે (Heavy rain) લોકોની મુશ્કેલીમાં વધારો કર્યો છે. રસ્તાઓ પર પાણી ભરાઈ ગયા છે, જ્યારે કેટલાક જિલ્લાઓમાં વરસાદી પાણી લોકોના ઘરોમાં બે ફૂટ સુધી જમા થઈ ગયા છે. દરમિયાન, હવામાન વિભાગે (Metrology department) આગામી 48 કલાકમાં ભારે વરસાદ (heavy Rain forecast)ની આગાહી કરી છે અને તેના કારણે સર્જાયેલા જોખમને ધ્યાનમાં રાખીને રેડ એલર્ટ (red Alert)જાહેર કર્યું છે. 

હવામાન વિભાગે મંગળવારે જણાવ્યું હતું કે બંગાળની ખાડી પર બનેલું નીચા દબાણ (Low pressure)નું ક્ષેત્ર ટૂંક સમયમાં દબાણમાં ફેરવાઈ શકે છે અને આગામી થોડા દિવસોમાં સમગ્ર તમિલનાડુમાં ભારે વરસાદની સંભાવના છે. તેને જોતા આગામી 2 દિવસ માટે રેડ એલર્ટ જારી કરવામાં આવ્યું છે. આ દરમિયાન કેન્દ્રશાસિત પ્રદેશ પુડુચેરીના તમિલનાડુમાં ભારે વરસાદની પૂરી સંભાવના છે. વિભાગના જણાવ્યા અનુસાર ઓછા દબાણને કારણે ચક્રવાતી તોફાન તમિલનાડુ સુધી પણ પહોંચી શકે છે.

9 જિલ્લામાં શાળા-કોલેજ બંધ

હવામાન વિભાગની આગાહીને ધ્યાનમાં રાખીને, તમિલનાડુ સરકારે ચેન્નાઈ, કાંચીપુરમ, તિરુવલ્લુર, ચેંગલપેટ, કુડ્ડલોર, નાગપટ્ટનમ, તંજાવુર, તિરુવરુર અને માયલાદુથુરાઈ નામના 9 જિલ્લાઓમાં 10 અને 11 નવેમ્બરે શાળાઓ અને કોલેજોમાં રજા જાહેર કરી છે. રાજ્યના મહેસૂલ અને આપત્તિ વ્યવસ્થાપન મંત્રી કેકેએસએસઆર રામચંદ્રનના જણાવ્યા અનુસાર, રાજ્યભરમાં વરસાદ સંબંધિત ઘટનાઓમાં 5 લોકોના મોત થયા છે, જ્યારે 538 ઝૂંપડા અને 4 મકાનોને નુકસાન થયું છે.

આ વિસ્તારોમાં 6 નવેમ્બરથી વરસાદ પડી રહ્યો છે

ચેન્નાઈ અને તેની આસપાસના ચેંગલપેટ જેવા જિલ્લાઓમાં મંગળવારે વરસાદમાં ઘટાડો જોવા મળ્યો હતો પરંતુ તમિલનાડુના નાગાપટ્ટિનમ અને કેન્દ્રશાસિત પ્રદેશ પુડુચેરીના કરાઈકલ જેવા વિસ્તારોમાં ભારેથી અતિ ભારે વરસાદ થયો હતો. હવામાન વિભાગના એક અધિકારીએ જણાવ્યું હતું કે સવારથી શરૂ કરીને રાત્રે 9.30 વાગ્યા સુધી (9 નવેમ્બર), કરાઈક્કલમાં લગભગ 20 સેમી અને નાગાપટ્ટિનમમાં લગભગ 15 સેમી નોંધાયું હતું અને “આવા વિસ્તારોમાં વરસાદ ચાલુ રહી શકે છે”. 

ચેન્નાઈ અને આજુબાજુના ઉત્તરીય વિસ્તારોમાં મંગળવાર રાત સુધી મોટે ભાગે હળવાથી મધ્યમ વરસાદ થયો હતો. જોકે, 6 નવેમ્બરની રાતથી સોમવાર સુધી ભારે વરસાદને કારણે ચેન્નાઈ અને તેના ઉપનગરોમાં પાણી ભરાઈ ગયા હતા. 

ડેમમાંથી વધારાનું પાણી છોડવામાં આવી રહ્યું છે

જળ સંસાધન મંત્રી દુરાઈમુરુગને જણાવ્યું હતું કે પ્રવાહ અને સલામતીને ધ્યાનમાં રાખીને ડેમમાંથી વધારાનું પાણી છોડવા માટે પગલાં લેવામાં આવ્યા છે. તમિલનાડુ રાજભવને એક ટ્વિટમાં જણાવ્યું છે કે રાજ્યપાલ આરએન રવિએ “ભારત હવામાન વિભાગ (IMD) દ્વારા આગામી થોડા દિવસોમાં ભારે વરસાદની આગાહીને ધ્યાનમાં રાખીને તમિલનાડુના લોકોને સાવચેત રહેવા અને સાવચેતીનાં પગલાં લેવા” વિનંતી કરી છે. લોકોએ અસરગ્રસ્ત વિસ્તારોમાં બિનજરૂરી હિલચાલ ટાળવી જોઈએ.

બીજી વખત ડેમ તૂટ્યો

અધિકારીઓએ જણાવ્યું કે વિલ્લુપુરમ જિલ્લાના થાલાવનુરમાં તેનપેનાઈ નદી પરનો એક ચેકડેમ મંગળવારે અવિરત વરસાદને કારણે તૂટી પડ્યો હતો. એક વર્ષમાં ડેમને નુકસાન થવાની આ બીજી ઘટના છે. આ વર્ષે જાન્યુઆરીમાં, જાહેર બાંધકામ વિભાગે વરસાદ દરમિયાન નુકસાન પામેલા ડેમના એક ભાગનું સમારકામ કર્યું હતું અને તેને પુનઃસ્થાપિત કર્યું હતું. 

આ ડેમ કુડ્ડલોર અને વિલ્લુપુરમ જિલ્લાની વચ્ચે આવેલો છે. તેના છ દરવાજા છે – ત્રણ કુડ્ડલોર તરફ અંતીમંગલમમાં અને ત્રણ વિલ્લુપુરમ તરફ થાલાવનુરમાં. આ ડેમ AIADMK શાસન દરમિયાન 25 કરોડ રૂપિયાના ખર્ચે બાંધવામાં આવ્યો હતો. સપ્ટેમ્બર 2020 માં તમિલનાડુના ભૂતપૂર્વ કાયદા પ્રધાન સીવી ષણમુગમ દ્વારા તેનું ઉદ્ઘાટન કરવામાં આવ્યું હતું.