“હું પણ તમારી કાર ખરીદી શકતો નથી”: મર્સિડીઝ બેન્ઝ કારની લોન્ચિંગ પર બોલ્યા નીતિન ગડકરી

જર્મનીની અગ્રણી લક્ઝરી વાહન નિર્માતા કંપની મર્સિડીઝ-બેન્ઝે આજે ભારતીય બજારમાં પ્રથમ મેક-ઈન-ઈન્ડિયા મર્સિડીઝ-બેન્ઝ EQS 580 ઇલેક્ટ્રિક કાર લોન્ચ કરી છે. કેન્દ્રીય પ્રધાન નીતિન ગડકરી(Nitin Gadkari)એ શુક્રવારે જર્મન પ્રીમિયમ કાર નિર્માતા મર્સિડીઝ બેન્ઝ(Mercedes-Benz)ને સ્થાનિક સ્તરે વધુ કારનું ઉત્પાદન કરવા જણાવ્યું હતું. પૂણેમાં લોકાર્પણ સમારોહમાં બોલતા રોડ ટ્રાન્સપોર્ટ અને હાઈવે મિનિસ્ટર નીતિન ગડકરીએ જણાવ્યું હતું કે દેશમાં ઈલેક્ટ્રિક વાહનોનું વિશાળ બજાર છે. મંત્રીએ કહ્યું, “જો તમે ઉત્પાદન વધારશો તો ખર્ચ ઘટાડવો શક્ય બનશે. અમે મધ્યમ વર્ગના લોકો છીએ, હું તમારી કાર પણ ખરીદી શકતો નથી.

મર્સિડીઝ-બેન્ઝ ઈન્ડિયાએ ભારતમાં તેની ઈલેક્ટ્રો-મોબિલિટી ડ્રાઈવ ઑક્ટોબર 2020માં તેની ઑલ-ઈલેક્ટ્રિક SUV EQCને સંપૂર્ણ આયાતી એકમ તરીકે લૉન્ચ કરીને શરૂ કરી હતી, જેની કિંમત ₹1.07 કરોડ છે. ગડકરીના જણાવ્યા અનુસાર ભારતમાં નોંધાયેલ ઈલેક્ટ્રિક વાહનોની સંખ્યા કુલ 15.7 લાખ છે.

કુલ EV વેચાણમાં 335 ટકા વૃદ્ધિ સાથે વિશાળ બજાર હોવાનું જણાવતાં તેમણે ઉમેર્યું હતું કે દેશમાં એક્સપ્રેસ હાઈવે આવતાં મર્સિડીઝ-બેન્ઝ ઇન્ડિયાને આ કાર માટે સારું બજાર મળશે. તેમણે કહ્યું કે ભારતીય ઓટોમોબાઈલનું કદ હાલમાં રૂ. 7.8 લાખ કરોડ છે, જેમાંથી નિકાસ રૂ. 3.5 લાખ કરોડ છે અને “મારું સ્વપ્ન તેને રૂ. 15 લાખ કરોડનો ઉદ્યોગ બનાવવાનું છે.”

Web Stories View more

IPL 2024 : આઈપીએલની મિસ્ટ્રી ગર્લ કોણ જાણો , જુઓ ફોટો

યુઝ કરેલા વેટ વાઈપ્સને ફેકવાની જગ્યાએ આ રીતે કરો ઉપયોગ

લસણ ભલે ઔષધિ હોય, પણ વધારે ખાવાથી થાય છે નુકસાન, જાણો કેટલી માત્રામાં ખાવું

કેળા સાથે ભૂલથી પણ ના ખાતા આ વસ્તુઓ, ફાયદાને બદલે થશે નુકસાન

આજનું રાશિફળ તારીખ 26-04-2024

લાલ લહેંગો, હાથમાં ચૂડો અને હેવી જ્વેલરી..લગ્નમાં પરી જેવી લાગી આરતી સિંહ

ગડકરીએ મર્સિડીઝ-બેન્ઝના વાહન સ્ક્રેપિંગ યુનિટ્સ સ્થાપવા માટે સંયુક્ત સાહસ સ્થાપવાનો વિચાર પણ રજૂ કર્યો, જે કંપનીને તેના ભાગોની કિંમત 30 ટકા સુધી ઘટાડવામાં મદદ કરશે. “અમારા રેકોર્ડ મુજબ અમારી પાસે સ્ક્રેપિંગ માટે 1.02 કરોડ વાહનો તૈયાર છે. અમારી પાસે ફક્ત 40 એકમો છે. મારો અંદાજ છે કે અમે એક જિલ્લામાં ચાર સ્ક્રેપિંગ એકમો ખોલી શકીએ છીએ અને એટલી સરળતા સાથે અમે આવા 2,000 એકમો ખોલી શકીએ છીએ.

EQS 580 4MATIC 857 કિમી (ARAI પ્રમાણિત)ની રેન્જ ઓફર કરે છે. લિથિયમ-આયન બેટરીની ઉચ્ચ શક્તિની ઘનતા 107.8 kWhની ઉપયોગી ઊર્જા સામગ્રી સાથે આવે છે અને નવીનતમ લિથિયમ-આયન તકનીકનો ઉપયોગ કરીને ઉત્પાદિત શક્તિશાળી 400-વોલ્ટ બેટરીથી સજ્જ છે.