Rohini Court Blast: પાડોશીને પાઠ ભણાવવા DRDOના વૈજ્ઞાનિકે કર્યો બ્લાસ્ટ, ઓનલાઈન સામાન ખરીદી બનાવ્યો બોમ્બ

દિલ્હી પોલીસના (Delhi Police) સ્પેશિયલ સેલે 9 ડિસેમ્બરે દિલ્હીની રોહિણી કોર્ટમાં કોર્ટ નંબર 102માં ટિફિન બોમ્બ બ્લાસ્ટનો કેસ ઉકેલવાનો દાવો કર્યો છે. તપાસમાં સામે આવ્યું છે કે આ બ્લાસ્ટ (Rohini Court Blast) પાછળનું કારણ આતંક નથી, પરંતુ અંગત દુશ્મની છે. આ ટિફિન બોમ્બ બનાવવા અને કોર્ટમાં બ્લાસ્ટ કરવાના મામલે પોલીસે મોટી કેન્દ્રીય સંસ્થા DRDOના લેસર સાયન્સ એન્ડ ટેક્નોલોજી સેન્ટરના એક વૈજ્ઞાનિકની ધરપકડ કરી છે, જેનું નામ ભારત ભૂષણ કટારિયા છે.

આ બ્લાસ્ટ પાછળનું કારણ તપાસમાં સામે આવ્યું છે કે અશોક વિહાર વિસ્તારમાં જ્યાં આ વિજ્ઞાની ગ્રાઉન્ડ ફ્લોર પર રહે છે, રોહિણી કોર્ટના વકીલ અમિત વશિષ્ઠ એ જ બિલ્ડિંગમાં ઉપરના માળે રહે છે. છેલ્લા ઘણા વર્ષોથી તેમના વચ્ચે ઝગડો ચાલે છે અને બંનેએ એકબીજા પર ઘણા કેસ પણ દાખલ કર્યા છે. પરંતુ આ ઝઘડાઓથી કંટાળીને વિજ્ઞાની ભારત ભૂષણ વકીલને પાઠ ભણાવવા માંગતો હતો, જેના માટે તેણે એક મોટું કાવતરું ઘડ્યું અને બોમ્બ બનાવવા માટે માર્કેટ અને સોશિયલ શોપિંગ સાઇટ્સમાંથી વસ્તુઓની ખરીદી કરી અને તેને એસેમ્બલ કરીને આ આઈડી બોમ્બ બનાવ્યો.

બોમ્બ નહીં, પણ ડિટોનેટરમાં વિસ્ફોટ
આ બ્લાસ્ટ બાદ તપાસ કરવામાં આવી તો જાણવા મળ્યું કે આઈડીનો બ્લાસ્ટ રિમોટથી કરવામાં આવ્યો હતો. આઈડીના ડિટોનેટર, વિસ્ફોટક સામગ્રીનું વિશ્લેષણ કરવામાં આવ્યું હતું. તેમાં જાણવા મળ્યું કે વિસ્ફોટક સામગ્રી ફૂટી ન હતી, પરંતુ ડિટોનેટર વિસ્ફોટ થયો, તેથી નુકસાન ઓછું થયું. જો વિસ્ફોટકથી વિસ્ફોટ થયો હોત તો નુકસાન વધુ થયું હોત. બોમ્બ કાળા રંગની બેગમાં લાવવામાં આવ્યો હતો. તે બેગ પર કંપનીનો લોગો હતો. તેની તપાસ કરતાં આ બેગની કંપની મુંબઈમાં હોવાનું જાણવા મળ્યું હતું. આ લોગો દ્વારા તપાસ આગળ ધપાવવામાં આવી હતી.

તપાસમાં બોમ્બ બનાવવાની સામગ્રી મળી આવી
ઈલેક્ટ્રોનિક ડેટા, સીસીટીવી ફૂટેજના આધારે ભારત ભૂષણ કટારિયા નામના વૈજ્ઞાનિકની ધરપકડ કરવામાં આવી હતી. જ્યારે આરોપીના ઘરની તલાશી લેવામાં આવી ત્યારે ત્યાંથી બોમ્બ બનાવવા સંબંધિત કેટલીક વસ્તુઓ મળી આવી હતી. સીસીટીવી ફૂટેજ સ્કેન કરવામાં આવતા તે બે બેગ સાથે કોર્ટમાં પ્રવેશ્યો હતો અને સામાન્ય ગેટને બદલે બીજા ગેટમાંથી પ્રવેશ કર્યો હતો અને બે અલગ અલગ સમયે પ્રવેશ કર્યો હતો.

એક ગેટથી પ્રવેશીને તે બેગને એક જગ્યાએ રાખે છે, પછી બીજા ગેટથી આવીને આ થેલી કોર્ટમાં રાખે છે. હાલમાં આ વૈજ્ઞાનિકની ધરપકડ કરવામાં આવી છે, પરંતુ કોર્ટમાં મેટલ ડિટેક્ટર હોવા છતાં કોર્ટની અંદર બોમ્બ લઈ જઈને કોર્ટમાં પ્લાન્ટ કરવો પોલીસની સુરક્ષા વ્યવસ્થા પર ચોક્કસપણે અનેક સવાલો ઉભા કરે છે.

આ પણ વાંચો : ચીને લદ્દાખમાં 1 હજાર કિમી જમીન પર કબજો કર્યો અને પીએમ મોદી મૌન છે, અમેઠીમાં રાહુલ ગાંધીએ કર્યો કટાક્ષ

આ પણ વાંચો : રાજનાથ સિંહે ફ્રાન્સના રક્ષા મંત્રી સાથે અનેક મુદ્દાઓ પર કરી ચર્ચા, કહ્યું- ચીનનો સામનો કરવા ભારત પાસે છે ઈચ્છાશક્તિ અને ક્ષમતા