Corona Vaccine : ભારતીયો માટે ખુશીના સમાચાર, કોવેક્સિનને WHOએ મંજૂરી આપતા વિદેશ પ્રવાસ થશે સહેલો, જાણો વિગત
વિદેશ મંત્રાલયના પ્રવક્તા અરિંદમ બાગચીએ જણાવ્યું હતું કે, 96 દેશોએ WHO દ્વારા મંજૂર કરાયેલી વેક્સિનને મંજૂર કરી છે અથવા કેટલાક દેશોએ માત્ર કોવિશિલ્ડ અથવા કોવેક્સિનને મંજૂરી આપી છે. WHO એ Covishield અને Covaccine બંને રસીઓને માન્યતા આપી છે.
વર્લ્ડ હેલ્થ ઓર્ગેનાઈઝેશન (WHO) દ્વારા આ મહિનાની શરૂઆતમાં રસી મંજૂર થતાં રસીનો ડોઝ મેળવનાર ભારતીયો માટે આંતરરાષ્ટ્રીય પ્રવાસ વધુ સરળ બનશે. ગુરુવારે વિદેશ મંત્રાલયે આ માહિતી આપી હતી. ભારત એવા દેશો સાથે પણ વાત કરી રહ્યું છે જેઓ ભારત બાયોટેક દ્વારા ઉત્પાદિત કોરોના વેક્સિનને માન્યતા આપવા માટે અલગ- અલગ ઓર્ડર આપી રહ્યું છે.
વિદેશ મંત્રાલયના પ્રવક્તા અરિંદમ બાગચીએ કહ્યું કે 96 દેશોએ WHO દ્વારા મંજૂર કરાયેલી રસીઓ મંજૂર કરી છે અથવા કેટલાક દેશોએ માત્ર કોવિશિલ્ડ અથવા કોવેક્સિનને મંજૂરી આપી છે. WHO એ Covishield અને Covaccine બંને રસીઓને માન્યતા આપી છે.
તેમણે કહ્યું કે પરંતુ અમે આશા રાખીએ છીએ કે WHO ની રસીની મંજૂરી સાથે આ લિસ્ટ વિસ્તૃત થશે અને તમામ 96 કે તેથી વધુ દેશો બંને રસી સ્વીકારશે. મને લાગે છે કે તે આ મંજૂરીથી જેમણે રસીનો ડોઝ લીધો છે તે ભારતીયો માટે વિદેશમાં મુસાફરી કરવાનું સરળ બનાવશે.
સરકારના નિવેદન પર સ્પષ્ટતા કરવા માટે પૂછવામાં આવતા બાગચીએ કહ્યું કે આરોગ્ય અને પરિવાર કલ્યાણ મંત્રાલય તેમજ વિદેશ મંત્રાલયના વેબ પેજ પર તમે જોઈ શકો છો કે 9 નવેમ્બર સુધી બે પ્રકારના લિસ્ટ છે, પ્રથમ ઉચ્ચ જોખમ ધરાવતા દેશો અને બીજા વર્ગના A દેશો છે. તેમણે કહ્યું કે ભારતમાં પ્રવેશ માટેની નવી સુધારેલી માર્ગદર્શિકા મોટાભાગે આ શ્રેણીઓ પર નિર્ભર રહેશે.
બાગચીએ કહ્યું કે જે દેશોએ ડબ્લ્યુએચઓ દ્વારા માન્ય રસીઓને માન્યતા આપી છે અને જેમણે અમારી રસીઓ સ્વીકારી છે તેમને A તરીકે વર્ગીકૃત કરવામાં આવ્યા છે. રસીની નિકાસ પર, તેમણે કહ્યું કે ભારતની સ્થાનિક જરૂરિયાતોને ધ્યાનમાં રાખીને તેણે વિદેશમાં રસીઓનો સપ્લાય ફરી શરૂ કર્યો છે. ઘણા કન્સાઇનમેન્ટ મોકલવામાં આવ્યા છે અને કેટલાક મોકલવામાં આવી રહ્યા છે.
ડબ્લ્યુએચઓ સહિત વિશ્વના ઘણા દેશો દ્વારા કોવેક્સિનને માન્યતા મળ્યા બાદ વિદેશ પ્રવાસ કરનારા લોકોની સંખ્યામાં વધારો થવાનો અંદાજ છે. દરમિયાન, કોવેક્સિનને વિશ્વના વધુને વધુ દેશો દ્વારા માન્યતા મળે તે માટે રાજદ્વારી સ્તરે પણ પ્રયાસો કરવામાં આવી રહ્યા છે. WHOએ મંજૂર કરેલી 8 કોરોના રસીમાં મોડર્ના, ફાઈઝર-બાયોએનટેક, જોન્સન એન્ડ જોન્સન, ઓક્સફોર્ડ એસ્ટ્રાજેનિકા, કોવિશિલ્ડ, સિનોફાર્મ, સિનોવાક અને કોવેક્સિનનો સમાવેશ થાય છે.
આ પણ વાંચો : Good news : કોરોના સામેની જંગ જીતવી થશે સહેલી, વધુ 2 દવાને ઇમરજન્સી ઉપયોગ માટે મળી મંજૂરી
