મોંઘવારી અને બેરોજગારી વિરૂદ્ધ કોગ્રેસનું આક્રમક વિરોધ પ્રદર્શન, રાહુલ અને પ્રિયંકા ગાંધી સહિત અનેક નેતાઓની અટકાયત

Congress protest : મોંઘવારી અને બેરોજગારી સામે સંસદથી લઈને રાષ્ટ્રપતિ ભવન સુધી વિરોધ પ્રદર્શનો ફાટી નીકળ્યા છે. પાર્ટીના તમામ નેતાઓએ આજે ​​વિરોધ માર્ચની આગેવાની કરી હતી. આ રેલીમાં કોંગ્રેસના પૂર્વ અધ્યક્ષ રાહુલ ગાંધી પણ જોડાયા હતા. તમામ પક્ષના નેતાઓએ કાળા કપડા પહેરીને સરકારનો વિરોધ કર્યો હતો. આ દરમિયાન દિલ્હી પોલીસે (Delhi Police)પરવાનગી વિના વિરોધ કરવા બદલ કોંગ્રેસ (Congress)ના સાંસદ રાહુલ ગાંધી સહિત કોંગ્રેસના અનેક નેતાઓની અટકાયત કરી હતી.

લોકશાહીની હત્યા થઈ રહી છે

અટકાયત પર રાહુલ ગાંધીએ કહ્યું, ‘અમે શાંતિથી રાષ્ટ્રપતિ ભવન જવા માગતા હતા. રેલીમાં સામેલ તમામ લોકો રાજ્યસભા અને લોકસભાના સાંસદ છે. પરંતુ અમને જવા દેવામાં આવતા નથી. અમે અહીં મોંઘવારી અને બેરોજગારીના મુદ્દા પર અમે અહિ છીએ. લોકશાહીની હત્યા થઈ રહી છે. કેટલાક સાંસદોને કસ્ટડીમાં લેવામાં આવ્યા છે. તેમની સાથે મારપીટ પણ કરવામાં આવી છે.” રાહુલ ગાંધીએ વધુમાં કહ્યું, ‘અમારું કામ એ સુનિશ્ચિત કરવાનું છે કે ભારતીય લોકશાહી સુરક્ષિત છે. અમારું કામ લોકોના પ્રશ્નો ઉઠાવવાનું છે અને અમે અમારું કામ કરી રહ્યા છીએ.