Congress President Election: સોનિયા ગાંધી અને મનમોહન સિંહે મતદાન કર્યું, શશી થરૂરે કહ્યું કાર્યકરોના હાથમાં પાર્ટીનું ભવિષ્ય
ભારત જોડો યાત્રામાં કોંગ્રેસના દિગ્ગજ નેતાઓ સામેલ થયા છે. ત્યાં તેમના માટે મતદાનની વ્યવસ્થા કરવામાં આવી છે. રાહુલ ગાંધી (Rahul Gandhi) સહિત તમામ નેતાઓ ત્યાં મતદાન કરશે. આ માટે ટ્રક કન્ટેનરને જ મતદાન મથક બનાવવામાં આવ્યું છે.
22 વર્ષ બાદ કોંગ્રેસમાં પ્રમુખ પદ માટે ચૂંટણી (Congress President Election) થઈ રહી છે. સવારે 10 વાગ્યાથી મતદાન શરૂ થઈ ગયું છે. પાર્ટી અધ્યક્ષ સોનિયા ગાંધી (Sonia Gandhi), પૂર્વ પીએમ મનમોહન સિંહ, પ્રિયંકા ગાંધી સહિત કાર્યકારી સમિતિના 75 સભ્યો ઓલ ઈન્ડિયા કોંગ્રેસ કમિટી (AICC) હેડક્વાર્ટર દિલ્હી ખાતે મતદાન કરશે. દિલ્હી કોંગ્રેસ પ્રદેશ કાર્યાલયમાં 280 પ્રતિનિધિઓ મતદાન કરશે. ભારત જોડો યાત્રામાં કોંગ્રેસના દિગ્ગજ નેતાઓ સામેલ થયા છે. ત્યાં તેમના માટે મતદાનની વ્યવસ્થા કરવામાં આવી છે. રાહુલ ગાંધી (Rahul Gandhi) સહિત તમામ નેતાઓ ત્યાં મતદાન કરશે. આ માટે ટ્રક કન્ટેનરને જ મતદાન મથક બનાવવામાં આવ્યું છે.
પાર્ટી અધ્યક્ષની ચૂંટણી માટે દેશભરની પ્રદેશ કોંગ્રેસ સમિતિઓના 9 હજારથી વધુ પ્રતિનિધિઓ 65 મતદાન મથકો પર ગુપ્ત મતદાન કરશે. પાર્ટીના 137 વર્ષના ઈતિહાસમાં આ છઠ્ઠી વખત અધ્યક્ષની ચૂંટણી થઈ રહી છે. ગાંધી પરિવાર સાથેની નિકટતા અને વરિષ્ઠ નેતાઓનું સમર્થન હોવાના કારણે ખડગેને પસંદગીના ઉમેદવાર માનવામાં આવે છે. થરૂરે પોતાને પરિવર્તનના ઉમેદવાર તરીકે રજૂ કર્યા છે.
ચૂંટણી પર થરૂર અને ખડગેએ શું કહ્યું?
કોંગ્રેસના અધ્યક્ષ પદના ઉમેદવાર શશિ થરૂરે કહ્યું કે મને ચૂંટણી અંગે સંપૂર્ણ ખાતરી છે. પાર્ટીનું ભાવિ કાર્યકરોના હાથમાં છે. મને ખાતરી છે કે તે જે પણ નિર્ણય લેશે તે પાર્ટીના હિતમાં હશે. ચૂંટણી પર ખડગેએ કહ્યું કે આ અમારી આંતરિક ચૂંટણીનો એક ભાગ છે. આપણે સાથે મળીને પાર્ટી બનાવવી પડશે. શશિ થરૂરે મને ફોન કરીને શુભકામનાઓ પાઠવી હતી અને મેં પણ તેમને શુભેચ્છા પાઠવી છે.
કોંગ્રેસના નેતાઓ પી ચિદમ્બરમ અને જયરામ રમેશે ઓલ ઈન્ડિયા કોંગ્રેસ કમિટીના હેડક્વાર્ટરમાં પોતાનો મત આપ્યો.
Congress presidential elections | Congress MPs P Chidambaram, Jairam Ramesh and other party leaders cast their votes at the AICC office in Delhi. pic.twitter.com/IUMhCjKdst
— ANI (@ANI) October 17, 2022
મહારાષ્ટ્રના 797 પક્ષ પ્રતિનિધિઓ કોંગ્રેસના રાષ્ટ્રીય અધ્યક્ષ પદની ચૂંટણીમાં પાર્ટીના વરિષ્ઠ નેતા મલ્લિકાર્જુન ખડગે અને લોકસભાના સભ્ય શશિ થરૂરમાંથી એકને પસંદ કરવા માટે મતદાન કરશે. તેમના મતાધિકારનો ઉપયોગ કરનારા પક્ષના આ 797 પ્રતિનિધિઓમાંથી, 561 મહારાષ્ટ્ર રાજ્ય એકમના છે, જ્યારે 236 મુંબઈ એકમના છે. મહારાષ્ટ્ર એકમના પ્રતિનિધિઓ તિલક ભવનમાં મતદાન કરશે જ્યાં સૌથી જૂની પાર્ટીનું રાજ્ય એકમ મુખ્યાલય છે, જ્યારે મુંબઈના પ્રતિનિધિઓ શહેરના એકમના કાર્યાલયમાં મતદાન કરશે.
Latest News Updates
