Karnataka: શિવકુમારની જીત સૌથી મોટી, આમને માત્ર 16 મતથી હારનો સામનો કરવો પડ્યો, આંકડાઓમાં જાણો જીત અને હારનું ગણિત

કર્ણાટકના પરિણામો બાદ સ્પષ્ટ થઈ ગયું છે કે કોંગ્રેસ રાજ્યમાં પૂર્ણ બહુમતી સાથે સરકાર બનાવશે. જો સૌથી મોટા માર્જિનથી જીત અને હારની વાત કરીએ તો રાજ્યમાં 16 બેઠકો એવી છે જ્યાં જીતનું માર્જિન પચાસ હજાર કે તેથી વધુ હતું.

Karnataka election

TV9 Gujarati | Edited By: Pankaj Tamboliya | Updated on: May 14, 2023 | 10:39 AM

કર્ણાટક વિધાનસભા ચૂંટણીના પરિણામો આવી ગયા છે. કોંગ્રેસને અહીં સ્પષ્ટ બહુમતી મળી છે. કોંગ્રેસે અહીં 136 સીટો જીતી છે અને ભારતીય જનતા પાર્ટીએ 66 બેઠકો પર જીત મેળવી છે. જો જેડીએસની વાત કરીએ તો તેને 19 સીટો મળી છે. આ સાથે ચાર બેઠકો અન્યના ખાતામાં ગઈ છે. 16 બેઠકો એવી છે કે જેના પર જીતનું માર્જિન પચાસ હજાર કે તેથી વધુ છે.

આ પણ વાંચો: Amazon અને Flipkart હવે નહીં વેચી શકે આ પ્રોડક્ટ, જાણો સરકારે શા માટે આપ્યો આ આદેશ ?

આ સાથે જ કર્ણાટક કોંગ્રેસના પ્રમુખ ડીકે શિવકુમારે કર્ણાટકમાં સૌથી મોટી જીત નોંધાવી છે. બીજી તરફ સૌથી નાની જીતની વાત કરીએ તો તે ગાંધીનગર સીટ પરથી કોંગ્રેસના ઉમેદવાર દિનેશ ગુંડુ રાવના નામે છે. તેમણે માત્ર 105 મતોથી બેઠક જીતી હતી. અમે તમને કર્ણાટકની જીતના પાંચ સૌથી મોટા અને નાના માર્જિન વિશે જણાવી રહ્યા છીએ.

Web Stories View more

જાણો સ્વાસ્થ્ય માટે સફેદ અને કાળા મરી, બંન્નેમાંથી ક્યાં છે ફાયદાકારક

રિંકુ સિંહની ભાવિ પત્ની આ ખાસ વ્યક્તિની છે મોટી ફેન

Jaggery with Black Solt Benefits : ગોળ અને સંચળ ખાવાથી શરીરમાં દેખાશે આ ફેરફાર

Peanuts : મગફળી ખાધા પછી તરત જ પાણી પીધું તો ગયા સમજજો, જાણો કારણ

આ બેઠકો પર સૌથી મોટા માર્જિનથી જીત અને હાર

કર્ણાટકના પરિણામો બાદ સ્પષ્ટ થઈ ગયું છે કે કોંગ્રેસ રાજ્યમાં પૂર્ણ બહુમતી સાથે સરકાર બનાવશે. જો સૌથી મોટા માર્જિનથી જીત અને હારની વાત કરીએ તો રાજ્યમાં 16 બેઠકો એવી છે જ્યાં જીતનું માર્જિન પચાસ હજાર કે તેથી વધુ હતું. જેમાંથી કોંગ્રેસે 11 અને ભાજપને 5 બેઠકો મળી છે. આ સાથે લક્ષ્મણ સાઉદી પણ મોટી જીત મેળવનારા કોંગ્રેસના ઉમેદવારોમાં સામેલ છે, જેમની ટિકિટ આ વખતે ભાજપે કાપી હતી.

વિધાનસભા સીટ	વિજેતા ઉમેદવાર	પાર્ટી	જીતનું અંતર	કોને હરાવ્યા	પાર્ટી
કનકપુરા	ડીકે શિવકુમાર	કોંગ્રેસ	1,22,392	કે.બી નાગરાજ	જેડીએસ
ચિક્કોડી-સગાલ્દા	ગણેશ પ્રકાશ	કોંગ્રેસ	78,509	કટ્ટી રમેશ વિશ્વનાથ	ભાજપ
અઠાની	લક્ષ્મણ સાંગપ્પા	કોંગ્રેસ	76,122	મહેશ ઈરેગૌડા કુમાથલ્લી	ભાજપ
યેલહાંકા	એસઆર વિશ્વનાથ	ભાજપ	64,110	કેશવ રજન્ના બી	કોંગ્રેસ
કોલેગલ	એ.આર કૃષ્ણામૂર્તિ	કોંગ્રેસ	59,519	એન. મહેશ	ભાજપ

ઓછામાં ઓછા માર્જિન સાથે 5 બેઠકો

બીજી તરફ કર્ણાટકમાં સૌથી નાની જીતની વાત કરીએ તો જયાનગર સીટ પરથી ભાજપના ઉમેદવાર સીકે રામામૂર્તિ માત્ર 16 વોટથી જીત્યા હતા. આ પછી ગાંધીનગર બેઠક પરથી કોંગ્રેસના ઉમેદવાર દિનેશ ગુંડુ રાવ 105 મતોથી જીત્યા હતા. રાજ્યમાં આઠ બેઠકો એવી છે જ્યાં જીતનું માર્જિન એક હજાર મતથી ઓછું હતું. આ આઠ બેઠકોમાંથી પાંચ બેઠકો કોંગ્રેસના ફાળે ગઈ હતી અને ત્રણ બેઠકો ભાજપના ઉમેદવારોએ જીતી હતી.

વિધાનસભા સીટ	વિજેતા ઉમેદવાર	પાર્ટી	જીતનું અંતર	કોને હરાવ્યા	પાર્ટી
જયાનગર	સીકે રામમૂર્તિ	ભાજપ	16	સૌમ્યા રેડ્ડી	કોંગ્રેસ
ગાંધીનગર	દિનેશ ગુંડુ રાવ	કોંગ્રેસ	105	સપ્તગિરિ ગૌડા એ. આર	ભાજપ
શ્રંગેરી	ટીડી રાજગૌડા	કોંગ્રેસ	201	ડીએન જીવરાજ	ભાજપ
માલૂર	કેવાઈ નાનજેગૌડા	કોંગ્રેસ	248	કેએસ મંજૂનાથગૌડા	ભાજપ
કુમ્તા	દિનકર કેશવ શેટ્ટી	ભાજપ	676	સૂરજ નાઈક સોની	જેડીએસ

દેશના તમામ સમાચાર વાંચવા માટે અહીં ક્લિક કરો

TV9 ગુજરાતી ચેનલ ફોલો કરો