પંજાબમાં BSFની મોટી કાર્યવાહી, 21 દિવસોમાં 5 પાકિસ્તાની ડ્રોન તોડી પાડ્યા

BSFએ રવિવારે પંજાબના ગુરદાસપુરમાં પાકિસ્તાની ડ્રોનને તોડી પાડ્યું હતું. ડ્રોનની સાથે હેરોઈનના ચાર પેકેટ (2.7 કિલો) પણ મળી આવ્યા હતા. આ વર્ષની આ પાંચમી ઘટના છે. BSFએ છેલ્લા 3 અઠવાડિયામાં ઓછામાં ઓછા પાંચ પાકિસ્તાની ડ્રોન તોડી પાડ્યા છે. આ ડ્રોન પંજાબમાં આંતરરાષ્ટ્રીય સરહદ પારથી ડ્રગ્સ લઈ જતા હતા. અધિકારીઓએ જણાવ્યું કે આ ડ્રોનમાંથી ઓછામાં ઓછું 10 કિલો હેરોઈન જપ્ત કરવામાં આવ્યું છે.

આ પણ વાચો: BSF Recruitment : હેડ કોન્સ્ટેબલ અને ASI માટે જલદી અપ્લાય કરો, 1 લાખથી વધુ પગાર

તેમણે કહ્યું કે, આમાંથી બે કેસમાં, ડ્રોનમાં ઉપયોગમાં લેવાતી બેટરી કરાચી સ્થિત કંપનીમાં બનાવવામાં આવી હતી. ગયા વર્ષે, સુરક્ષા કર્મચારીઓએ ભારતમાં ઉડતા 22 ડ્રોનને તોડી પાડ્યા હતા. તેમાંથી 9 ડ્રોન અમૃતસર સ્ટેશન હેડક્વાર્ટર હેઠળના વિસ્તારોમાં, જ્યારે આઠ ફિરોઝપુરમાં શૂટ કરવામાં આવ્યા હતા. બંને સ્થળોએ, જુદા જુદા ગામોનો ડ્રોપ-ઓફ ઝોન તરીકે ઉપયોગ કરવામાં આવ્યો હતો.

ડ્રગ્સની હેરફેરમાં ડ્રોનનો ઉપયોગ

જ્યારે 2021માં આવો એક જ કિસ્સો પ્રકાશમાં આવ્યો હતો, જ્યારે 2020માં એક પણ ઘટના સામે આવી નહોતી, જ્યારે 2019માં બે કેસ નોંધાયા હતા. મે 2019માં BSFએ એક ડ્રોનને પકડ્યું હતું, જેનો ઉપયોગ ડ્રગ કેરિયર તરીકે કરવામાં આવી રહ્યો હતો.

આ વર્ષે આવી ઘટનાઓમાં વધારો થવાથી બીએસએફને સરહદ પર સતર્કતા વધારવા માટે પ્રેરિત કરવામાં આવી છે. BSFના પંજાબ બોર્ડર યુનિટના ઈન્સ્પેક્ટર જનરલ આસિફ જલાલે જણાવ્યું હતું કે, જવાબી કાર્યવાહીની તૈનાતી પછી ડ્રોન સરહદની અંદર નહીં પરંતુ 1 કિમીની અંદર ઉડતા રહે છે. કેટલીકવાર તેઓ સેકન્ડોમાં પાછા બોર્ડરમાં આવે છે.

સૌથી વધુ કેસ અમૃતસર-તરનતારનમાં

તેમણે વધુમાં જણાવ્યું કે, પહેલાં અમૃતસર અને તરનતારન જિલ્લામાં ડ્રોન ઘૂસણખોરીના મોટાભાગના કિસ્સાઓ બનતા હતા. હવે પરિસ્થિતિ બદલાઈ ગઈ છે. અમે ફરીથી સરહદી વિસ્તારોમાં ડ્રોપ ઝોન પર કામ કરી રહ્યા છીએ. સૈનિકોની હાજરીથી બીએસએફને ડ્રગ્સની હેરફેર કરનાર પર દબાણ લાવવામાં મદદ મળી છે અને અમે છેલ્લા બે વર્ષમાં ઘણા કેસમાં ડ્રોન્સ તોડવામાં સફળ રહ્યા છીએ.

તેમણે વધુમાં કહ્યું, ‘અમે સરહદી વિસ્તારના લોકો માટે 1 લાખ રૂપિયાના ઈનામની જાહેરાત કરી છે. જે અમને ડ્રોન ઘુસણખોરી અને ગુનેગાર સાથેના તેના જોડાણ વિશે માહિતી આપે છે. અમે તેની ઓળખ જાહેર કરતા નથી.