Air Force Day: ભોપાલમાં 91માં સ્થાપના દિવસની ઉજવણી કરશે વાયુસેના, આકાશમાં જોવા મળશે ભારતની તાકાત
એર માર્શલ એકે ભારતીએ સમારોહ વિશે જણાવ્યું કે આ વખતે સ્થાપના દિવસની થીમ 'એર પાવર બિયોન્ડ બાઉન્ડ્રીઝ' હશે. સ્થાપના દિવસ પર ભારતીય વાયુસેના બહાદુરી પ્રદર્શિત કરશે. આ સાથે એર માર્શલ એકે ભારતીએ પણ એર ડિસ્પ્લે વિશે માહિતી આપી હતી.
![Air Force Day: ભોપાલમાં 91માં સ્થાપના દિવસની ઉજવણી કરશે વાયુસેના, આકાશમાં જોવા મળશે ભારતની તાકાત](https://images.tv9gujarati.com/wp-content/uploads/2023/09/IAF.jpg?w=1280)
Air Force Day: ભારતીય વાયુસેનાનો (Indian Air Force) 91મો સ્થાપના દિવસ મધ્યપ્રદેશની રાજધાની ભોપાલમાં (Bhopal) ઉજવવામાં આવશે. 30 સપ્ટેમ્બરે યોજાનાર આ સ્થાપના દિવસ માટે વાયુસેનાએ તમામ પ્રકારની તૈયારીઓ પૂર્ણ કરી લીધી છે. આ સમારોહમાં એરફોર્સ પોતાની તાકાત બતાવશે. આ નજારો ચોક્કસપણે જોવા લાયક હશે. વાયુસેનાના એર માર્શલ એકે ભારતીએ આ ભવ્ય કાર્યક્રમ વિશે માહિતી આપી હતી. તેમણે કહ્યું કે આ કાર્યક્રમ 30 સપ્ટેમ્બરે સવારે 10.30 વાગ્યે શરૂ થશે, જેમાં તમામ વાયુસેના અધિકારીઓ તેમજ મધ્યપ્રદેશના રાજ્યપાલ મંગુભાઈ પટેલ, મુખ્યમંત્રી શિવરાજ સિંહ ચૌહાણ સહિત અનેક મોટી હસ્તીઓ ભાગ લેશે.
એર માર્શલ એકે ભારતીએ સમારોહ વિશે જણાવ્યું કે આ વખતે સ્થાપના દિવસની થીમ ‘એર પાવર બિયોન્ડ બાઉન્ડ્રીઝ’ હશે. સ્થાપના દિવસ પર ભારતીય વાયુસેના બહાદુરી પ્રદર્શિત કરશે. આ સાથે એર માર્શલ એકે ભારતીએ પણ એર ડિસ્પ્લે વિશે માહિતી આપી હતી.
આ પણ વાંચો: ભારત પર વિશ્વની નજર, ક્લીન, ક્લિયર અને સ્ટેબલ સરકાર ખુબ જ જરૂરી: PM મોદી
સમારોહમાં શું હશે ખાસ?
સુખોઈ તેજસ, ધ્રુવ, જગુઆર, ચિનૂક, સૂર્ય કિરણ જેવા એરક્રાફ્ટ અને હેલિકોપ્ટર એર ડિસ્પ્લેમાં પોતાનો જાદુ બતાવશે. સુખોઈ-30 મિરાજ-2000, જગુઆર જેવા વિમાન હવામાં પ્રદર્શન કરશે. તે જ સમયે, ચેતક Mi-17 અને ચિનૂક જેવા હેલિકોપ્ટર પણ તેમની શક્તિનું પ્રદર્શન કરશે. આ સાથે આકાશ ગંગા, સૂર્યકિરણ એરોબેટિક ટીમ અને સારંગ હેલિકોપ્ટર ડિસ્પ્લે ટીમ આ સમારોહમાં તેમના આકર્ષક સ્ટંટ બતાવશે.
મધ્યપ્રદેશને તેજસ એરક્રાફ્ટનું મોડલ મળશે
એર માર્શલ એ.કે.ભારતીએ વધુમાં જણાવ્યું હતું કે ફ્લાય પાસ્ટમાં મહિલા પાયલોટ પણ ભાગ લેશે. આ સાથે તેમણે કહ્યું કે તેજસ એરક્રાફ્ટનું મોડલ મધ્યપ્રદેશને ભેટમાં આપવામાં આવશે, જે રાજ્ય વિધાનસભામાં સ્થાપિત કરવામાં આવશે. તેમણે કહ્યું કે તેઓ ઈચ્છે છે કે દેશના યુવાનો વાયુસેનામાં જોડાય. તેમણે દેશના યુવાનોને ભારતીય વાયુસેનાના આ વિશેષ કાર્યમાં ભાગ લેવાની અપીલ કરી હતી.