પતંજલિમાં 83 કોરોના પોઝિટિવ કેસ મળ્યા, બાબા રામદેવનો પણ થઇ શકે છે કોવિડ ટેસ્ટ

કોરોનાને લઈને ખાનગી સમાચાર સંસ્થાઓથી આવેલા સમાચાર અનુસાર એવું કહેવામાં આવી રહ્યું છે કે પતંજલિમાં 83 લોકોનો કોરોના રિપોર્ટ પોઝિટિવ મળી આવ્યા છે.

પતંજલિમાં 83 કોરોના પોઝિટિવ કેસ મળ્યા, બાબા રામદેવનો પણ થઇ શકે છે કોવિડ ટેસ્ટ
બાબા રામદેવ (File Image)

યોગ ગુરુ બાબા રામદેવની પતંજલિ યોગ પીઠમાં પણ કોરોનાની એન્ટ્રી થઈ છે. એવું કહેવામાં આવી રહ્યું છે કે પતંજલિમાં 83 લોકોનો કોરોના રિપોર્ટ પોઝિટિવ મળી આવ્યા છે. આ લોકો બાબા રામદેવની ત્રણ જુદી જુદી સંસ્થાઓમાં કામ કરે છે છે. તેમાંથી 46 કોરોનાથી સંક્રમિત પતંજલિ યોગપીઠ, 28 યોગ ગ્રામ અને 9 કોરોનાથી સંક્રમિત આચાર્યકુલમમાં મળી આવ્યા છે.

ઘણા અહેવાલો અને સોશિયલ મીડિયામાં એવી વાતો થતી હતી કે બાબા રામદેવની સંસ્થા કોરોના માટે અભેદ કિલ્લો છે. કોરોના તેમાં ઘુસી શકે તેમ નથી. કોરોનાને લઈને રામદેવની સંસ્થામાં કરવામાં આવેલી વ્યવસ્તાના પણ વખાણ થતા હતા. જોક હવે આવેલા અહેવાલો અનુસાર કહેવાય છે કે સંસ્થામાં 83 લોકો કોરોના સંક્રમિત થયા છે.

પરંતુ, એવો દાવો કરવામાં આવ્યો છે કે બાબા રામદેવની સંસ્થાઓમાં કોઈ કોરોના પોઝિટિવ કેસ નથી. ટિજારાવાલા (@ tijarwala) ના ટિવીટર હેન્ડલ દ્વારા દાવો કરવામાં આવ્યો છે કે બાબા રામદેવની સંસ્થાઓમાં ચેપગ્રસ્ત કોરોનાના દર્દી મળી આવવાના મીડિયાના અહેવાલો ખોટા છે. એવું કહેવામાં આવી રહ્યું છે કે દરેકને પતંજલિની બહાર કોવિડનું પરીક્ષણ કરવામાં આવે છે અને જો કોઈ સકારાત્મક છે, તો તેને અંદર કોઈ એન્ટ્રી આપવામાં આવતી નથી. એવું કહેવામાં આવી રહ્યું છે કે યોગાગ્રામ, નિરામયમ, આચાર્યકુલમ, પતંજલિ વગેરે સંસ્થાઓમાં કોઈને કોરોના ચેપ લાગ્યો નથી. આ તમામ સંસ્થાઓમાં દર્દીઓના કોરોના પરીક્ષણ માટેનાં કેન્દ્રો છે. જેમને ચેપ લાગ્યો છે તેઓને સંસ્થાઓમાં પ્રવેશની મંજૂરી નથી.

મોટી સંખ્યામાં કોરોના ચેપ લાગતાં બાબા રામદેવની સંસ્થામાં હાહાકાર મચી ગયો છે. અહેવાલ અનુસાર આરોગ્ય વિભાગ ચેપગ્રસ્ત કોરોના સંક્રમીતોની કનેક્ટિંગ ટ્રેસિંગમાં લાગી ગયો છે. આરોગ્ય વિભાગની ટીમ કનેક્ટિંગ ટ્રેસિંગ કરતી વખતે જરૂર જણાય તો યોગગુરુ સ્વામી રામદેવનો પણ ટેસ્ટ થઇ શકે છે.

બીજી તરફ, ઉત્તરાખંડમાં કોરોનાના કેસોમાં સતત વધારો થઈ રહ્યો છે. એવું માનવામાં આવે છે કે પતંજલિમાં કોરોના કેસ આવ્યા પછી હરિદ્વાર સીએમઓ બાબા રામદેવને કોવિડ તપાસ માટે વિનંતી કરી શકે છે.

 

આ પણ વાંચો: 22 લાખની કાર વેચીને કોરોનાના દર્દીઓને ઓક્સિજન અપાવનાર કોણ છે આ મસીહા? જાણો તેની સંપૂર્ણ કહાની

આ પણ વાંચો: ભયાનક પરિસ્થિતિ: દર 10 મિનીટમાં લગભગ 15 કોરોના દર્દીઓનું થયું મૃત્યુ, આંકડા ચોંકાવનારા