અર્પિતા મુખર્જીના ઘરેથી જપ્ત થઈ 75 કરોડની સંપતિ, દિલિપ ઘોષે કહ્યું ‘મંત્રીના નજીકના લોકોનું છે બાંગ્લાદેશ કનેક્શન’
ભાજપના રાષ્ટ્રીય ઉપાધ્યક્ષ દિલીપ ઘોષે દાવો કર્યો હતો કે EDને 75 કરોડ રૂપિયા મળ્યા છે અને મંત્રીના નજીકના મિત્રોના બાંગ્લાદેશ કનેક્શન પણ મળ્યા છે.
શિક્ષક ભરતી કૌભાંડમાં પશ્ચિમ બંગાળના (West Bengal) ઉદ્યોગ પ્રધાન પાર્થ ચેટરજીની (Partha Chatterjee) ધરપકડ અને તેમની નજીકની સહયોગી અર્પિતા મુખર્જીના (Arpita Mukherjee) ઘરેથી કરોડો રૂપિયા મળી આવ્યા બાદ બંગાળના રાજકારણમાં મોટો ભૂકંપ આવ્યો છે. EDના સૂત્રોના જણાવ્યા અનુસાર અર્પિતા મુખર્જીના ફ્લેટમાંથી અત્યાર સુધીમાં 21 કરોડ રૂપિયા મળ્યા છે. આ સાથે વિદેશી ચલણ, સોનાના દાગીના અને જમીનના કાગળો જપ્ત કરવામાં આવ્યા છે. અર્પિતાના ફ્લેટમાંથી મળેલા પૈસા લઈ જવા માટે એક ટ્રક લાવવામાં આવી છે.
એસબીઆઈ દ્વારા આ ટ્રક મોકલવામાં આવ્યું છે. જપ્ત કરાયેલી રોકડ લગભગ 40 ટ્રકમાં ભરીને લઈ જવામાં આવશે. બીજી તરફ ભાજપના રાષ્ટ્રીય ઉપાધ્યક્ષ દિલીપ ઘોષે દાવો કર્યો હતો કે EDને 75 કરોડ રૂપિયા મળ્યા છે અને મંત્રીના નજીકના મિત્રોના બાંગ્લાદેશ કનેક્શન પણ મળ્યા છે. જણાવી દઈએ કે હાલમાં અર્પિતા મુખર્જીને ED દ્વારા કસ્ટડીમાં લેવામાં આવી છે અને તેની સતત પૂછપરછ કરવામાં આવી રહી છે. બીજી તરફ પાર્થ ચેટરજીને બેંકશાલ કોર્ટમાં લાવવામાં આવ્યો છે.
દિલીપ ઘોષે કહ્યું કે અત્યાર સુધી જે રોકડ મળી છે તે માત્ર એક નાનો હિસ્સો છે. તેમની માહિતી અનુસાર અત્યાર સુધીમાં 70-75 કરોડ રૂપિયા વસૂલ કરવામાં આવ્યા છે. તે ઉપરાંત સોનું છે. તૃણમૂલ કોંગ્રેસના જિલ્લા અધ્યક્ષ અને બાહુબલી નેતા અનુબ્રત મંડલના સુરક્ષાકર્મીઓ પાસેથી 150 કરોડની સંપત્તિ જપ્ત કરવામાં આવી છે. મંત્રીના નજીકના લોકો પાસેથી વધુ સંપત્તિ જપ્ત કરવામાં આવશે. મંત્રીની નજીકની મહિલાના 8 ફ્લેટ મળ્યા છે. 21 કરોડ રૂપિયા જપ્ત કરવામાં આવ્યા છે અને અન્ય મંત્રીની નજીકની મહિલા મોનાલિસાના 10 ફ્લેટ મળી આવ્યા છે, જેઓ એક શિક્ષક છે અને શાંતિનિકેતનમાં રહે છે. તેનું બાંગ્લાદેશ કનેક્શન છે.
આ પણ વાંચો
જાણો બ્રિટનમાં રાજકીય પક્ષો કેવી રીતે પોતાના નેતાઓની પસંદગી કરે છે, જો ભારતમાં આવું થશે તો પક્ષો બહારનો રસ્તો બતાવશે
Parth Chatarjee: ધરપકડ બાદ પાર્થ ચેટરજીને લઈ કોર્ટમાં પહોંચી ED, લાગ્યા મની લોન્ડ્રીંગના આરોપ
દિલ્હીની જનતાના પૈસા લૂંટ્યા, દારૂ માફિયાઓને અમીર બનાવ્યા, કેન્દ્રીય મંત્રી અનુરાગ ઠાકુરે સીએમ કેજરીવાલ પર કર્યા પ્રહાર
EDએ 26 કલાકની પૂછપરછ બાદ મમતા બેનર્જીના મંત્રી પાર્થ ચેટરજીની ધરપકડ કરી
બંગાળના લોકો ભ્રષ્ટ મંત્રી અને નેતાથી ઈચ્છે છે આઝાદી
ભાજપ નેતા દિલીપ ઘોષે કહ્યું કે 21 જુલાઈની મીટિંગમાં મમતા બેનર્જીએ કહ્યું કે તેમના સાંસદ રિક્ષામાં જશે, પરંતુ TMC કાઉન્સિલર ચાર કરોડની કાર પર સવાર છે. આના પરથી અંદાજ લગાવી શકાય છે કે મંત્રી પાસે કેટલી સંપત્તિ છે. એમ કહેવામાં આવ્યું હતું કે તેમના મંત્રીને કોઈ નુકસાન થશે તો તેઓ જોઈ લેશે. પાર્ટીના મહાસચિવની ધરપકડ કરવામાં આવી છે. ટીએમસી કહી રહી છે કે તેમનો અર્પિતા મુખર્જી સાથે કોઈ સંપર્ક નથી. જો પાર્ટી આ મામલામાં કહે છે કે તેમનો પાર્થ ચેટર્જી સાથે પણ કોઈ સંપર્ક નથી તો તેમાં કોઈ અવિશ્વાસ રહેશે નહીં. બંગાળના લોકો હતાશ છે. પશ્ચિમ બંગાળના લોકો ભ્રષ્ટ મંત્રીઓ, રાજકારણીઓ અને ધારાસભ્યોથી આઝાદી ઈચ્છે છે. તે ઈચ્છે છે કે આ તપાસ અંત સુધી ચાલે.
