અરબાઝ થયો નારાજ
આર્યન ખાન અને સહ-આરોપી અરબાઝ મર્ચન્ટ મુંબઈ ક્રૂઝ ડ્રગ્સ કેસમાં જામીન પર બહાર આવ્યા છે. શુક્રવારે તેઓ NCB ઓફિસમાં પૂછપરછ માટે નિયમિત હાજરી આપવા આવ્યા હતા. હાજરી આપીને બહાર નીકળતા સમયે અરબાઝના પિતાએ તેને મીડિયા સામે પોઝ આપવા માટે રોક્યો હતો. ત્યાં જ અરબાઝ નારાજ થઇ ગયો અને માથા પર હાથ મુકીને ચાલતો થયો.
અરબાઝે આ પ્રતિક્રિયા આપી હતી
અરબાઝને પિતાની વાત સમજાતા જ તેણે માથા પર હાથ મુક્યો. ‘સ્ટોપ ઈટ ડેડ’ કહીને તે સીધો આગળ ગયો અને નજીકમાં પાર્ક કરેલી તેની કારમાં બેસી ગયો હતો. અત્યાર સુધી અરબાઝ મર્ચન્ટના પિતા અસલમ મર્ચન્ટ પણ ધીમે ધીમે કાર તરફ ગયા.
NCB ઓફિસ બહાર શું થયુ?
બોમ્બે હાઈકોર્ટના આદેશ મુજબ અરબાઝ મર્ચન્ટ સાપ્તાહિક હાજરી માટે NCB ઓફિસ પહોંચ્યા હતા. તેના પિતા અસલમ મર્ચન્ટ બહાર ઉભા હતા. અરબાઝ એનસીબી ઓફિસમાંથી બહાર નીકળે છે, તે ઝડપથી આગળ વધવા લાગે છે પરંતુ તેના પિતા તેને પકડી લે છે અને તેને ફોટો માટે પોઝ આપવા કહે છે પરંતુ NCB ઓફિસમાં પુછપરછ પછીનો ગુસ્સો તેના પિતા પર નાખવા લાગ્યો. હતાશ અને અસ્વસ્થ અરબાઝ તેની હતાશા છુપાવી શકતો નહીં. હળવા વિરોધ પછી, અરબાઝ મર્ચન્ટ તેની હથેળી તેના માથા પર પછાડે છે અને કહે છે, ‘સ્ટોપ ઇટ ડેડ’. આ પછી, અરબાઝના પિતા તેમના પુત્રની અકળામણ પર હસવા લાગે છે.
શું હતો કેસ?
ગયા મહિનાની શરૂઆતમાં, અરબાઝ મર્ચન્ટ અને આર્યન ખાન સહિત 14 લોકોની ક્રૂઝ શિપ પર પાર્ટી દરમિયાન દરોડા બાદ ધરપકડ કરવામાં આવી હતી જ્યાં કથિત રીતે ડ્રગ્સનું સેવન કરવામાં આવ્યું હતું. આર્યન ખાન, તેના મિત્ર અરબાઝ મર્ચન્ટ અને મોડલ મુનમુન ધામેચાને 24 દિવસ જેલમાં વિતાવ્યા બાદ બોમ્બે હાઈકોર્ટે જામીન આપ્યા હતા.
બોમ્બે હાઈકોર્ટે આરોપોને રદ કર્યા
બોમ્બે હાઈકોર્ટે ગયા અઠવાડિયે જારી કરાયેલ વિગતવાર જામીન આદેશમાં ધરપકડ કરાયેલા લોકો સામેના મોટાભાગના NCBના આરોપોને પણ રદ કર્યા હતા. કોર્ટે અવલોકન કર્યું છે કે આર્યન ખાન, અરબાઝ મર્ચન્ટ અને મુનમુન ધામેચા વચ્ચે ડ્રગ સંબંધિત ગુના કરવા માટે ષડયંત્રના કોઈ પુરાવા નથી.
આ પણ વાંચોઃ PATAN : કમોસમી માવઠા વચ્ચે ખેડૂતોની ખાતર માટે રઝળપાટ, ખાતર માટે લંબાવવું પડે છે જિલ્લાના મુખ્યમથક સુધી