BMCએ કરણ જોહરના પરિવારના સભ્યોનો RT-PCR ટેસ્ટ કર્યો, પાર્ટી પહેલા સીમા ખાન કોવિડ દર્દીના સંપર્કમાં આવી હતી
કરણની પાર્ટીમાં કરીના કપૂર, કરિશ્મા કપૂર, આલિયા ભટ્ટ, મલાઈકા અરોરા, અમૃતા અરોરા, સોહેલ ખાનની પત્ની સીમા ખાન, મહિપ કપૂર અને પ્રખ્યાત ડિઝાઈનર મનીષ મલ્હોત્રાએ હાજરી આપી હતી.
BMCના ડૉક્ટરો ફિલ્મ નિર્માતા કરણ જોહરની (Karan Johar) બિલ્ડિંગમાં આવ્યા, પરિવારના સભ્યોના સેમ્પલ લીધા અને આવતીકાલે રિપોર્ટ આવે તેવી શક્યતા છે. BMCએ તેમના ઘરને સેનિટાઈઝ કર્યું છે. 8 ડિસેમ્બરે મુંબઈમાં કરણ જોહરની ‘ધ રેસિડેન્સી’માં 4 કલાક સુધી પાર્ટી હતી. આ પાર્ટીમાં બોલિવૂડની (Bollywood Stars) અનેક હસ્તીઓએ હાજરી આપી હતી.
આ પાર્ટીમાં કરણ જોહર, કરીના કપૂર, કરિશ્મા કપૂર, આલિયા ભટ્ટ, મલાઈકા અરોરા, અમૃતા અરોરા, સોહેલ ખાનની પત્ની સીમા ખાન, મહિપ કપૂર અને પ્રખ્યાત ડિઝાઈનર મનીષ મલ્હોત્રાએ હાજરી આપી હતી.
સૂત્રો પાસેથી મળેલા સમાચાર અનુસાર, અભિનેતા અને ફિલ્મ નિર્માતા સોહેલ ખાનની પત્ની સીમા ખાન 8 ડિસેમ્બરે કરણ જોહરની પાર્ટીમાં હાજરી આપતા પહેલા 7 ડિસેમ્બરે હાઈ રિસ્ક કોવિડ પોઝિટિવ દર્દીના સંપર્કમાં આવી હતી. જે પછી સીમા ખાન કોરોના નિયમોના ઉલ્લંઘનમાં હોમ ક્વોરેન્ટાઇન અને RT-PCR તપાસ કરાવવાને બદલે કરણ જોહરની પાર્ટીમાં જોડાઈ ગઈ.
પાર્ટીમાં આવેલી સેલિબ્રિટીઝની હાલત ખરાબ થવા લાગી અને તેમાંથી કરીના કપૂર અને અમૃતા અરોરા કોરોના સંક્રમિત થઈ ગયા. બાકીના સેલેબ્સના રિપોર્ટ આવવાના બાકી છે. હાલ ડોક્ટરે કરીનાને હોમ ક્વોરેન્ટાઈન રહેવાની સલાહ આપી છે. અને તેમની બિલ્ડીંગ સીલ કરી દેવામાં આવી છે. BMC એ કરીના કપૂરના ઘરના સ્ટાફનો પણ કોરોના ટેસ્ટ કરાવ્યો છે.
સેલિબ્રિટીઝ કોરોના નિયમોનું પાલન નથી કરી રહ્યા, જેના કારણે તેમના સ્ટાફ અને અન્ય લોકો પરેશાન થાય છે. કરણ જોહરની પાર્ટીને કોરોના ફેલાવનાર ગણાવવામાં આવી રહી છે. કરણની પાર્ટીમાં આલિયા ભટ્ટે પણ હાજરી આપી હતી, તે આ દિવસોમાં તેની આગામી ફિલ્મ RRRના શૂટિંગમાં વ્યસ્ત છે.
કરીના કપૂર ખાને તેના સોશિયલ મીડિયા એકાઉન્ટ પર કોરોના પોઝિટિવ હોવાની માહિતી આપી હતી. તેણે કહ્યું કે હું હોમ ક્વોરેન્ટાઇન છું અને જે લોકો મારા સંપર્કમાં આવ્યા છે, કૃપા કરીને તેમનો RT-PCR ટેસ્ટ કરાવો. BMCએ કોરોના પ્રોટોકોલ હેઠળ કરીનાના ઘરની બહાર નોટિસ ચોંટાડી છે.
કરીનાએ જણાવ્યું કે તે 30 લોકોના સંપર્કમાં આવી છે. તમામ લોકોના ટેસ્ટ કરવામાં આવ્યા છે અને આજે સાંજ સુધીમાં રિપોર્ટ આવી શકે છે. કરણ જોહરની પાર્ટી પહેલા અનિલ કપૂરની દીકરી રિયાએ પણ તેના ઘરે ક્રિસમસ પાર્ટી રાખી હતી. આ પાર્ટીમાં મલાઈકા અને અમૃતા અરોરાએ હાજરી આપી હતી.
આ પણ વાંચો –
Viral Video : લાઇવ બુલેટીનમાં ન્યૂઝ એન્કરનો દાંત નીકળી આવ્યો બહાર, રોકાયા વગર સમાચાર વાંચવાનું રાખ્યુ ચાલુ
આ પણ વાંચો –