રાણા દંપતિએ મુખ્યપ્રધાન ઉદ્ધવ ઠાકરેના નિવાસ સ્થાનની બહાર હનુમાન ચાલિસાની હઠ છોડી, રવિ રાણાએ આપી આ સ્પષ્ટતા

અમરાવતીના સાંસદ નવનીત રાણા (Navneet Rana) અને તેમના ધારાસભ્ય પતિ રવિ રાણાએ મહારાષ્ટ્રના મુખ્યપ્રધાન ઉદ્ધવ ઠાકરેના (CM Uddhav Thackeray) બંગલા માતોશ્રીની બહાર હનુમાન ચાલીસાના (Reversed the decision of hanuman chalisa outside matoshree) પાઠ કરવાનો તેમનો આગ્રહ છોડી દીધો હતો અને આ આંદોલન પાછું ખેંચવામાં આવ્યું છે. તેમણે પીએમ નરેન્દ્ર મોદીની આવતીકાલે મુંબઈની મુલાકાતને ધ્યાનમાં રાખીને પોતાનો નિર્ણય બદલ્યો છે. ધારાસભ્ય રવિ રાણાએ આજે ​​(23 એપ્રિલ, શનિવાર) આ સંદર્ભમાં જાહેરાત કરતા કહ્યું, માતોશ્રી અમારા હૃદયમાં છે. પરંતુ શનિવાર હનુમાનજીનો દિવસ છે. આવી સ્થિતિમાં અમે માતોશ્રીની સામે હનુમાન ચાલીસા વાંચવા માંગતા હતા. અમારી અટકાયત કરવામાં આવી હતી. આ બધું મુખ્યપ્રધાન ઉદ્ધવ ઠાકરેના કહેવાથી થયું. મહારાષ્ટ્રની સ્થિતિ પશ્ચિમ બંગાળ જેવી બની રહી છે.

રવિ રાણાએ કહ્યું, કાલે પીએમ નરેન્દ્ર મોદી મુંબઈ આવી રહ્યા છે. આવી સ્થિતિમાં કાયદો અને વ્યવસ્થા યોગ્ય હોવી જોઈએ. પોલીસ પ્રશાસન પર કોઈ દબાણ ન હોવું જોઈએ. પીએમ મુંબઈ આવી રહ્યા છે, તે મુંબઈ માટે ગર્વની વાત છે. આવી સ્થિતિમાં અમે કોઈ પણ પ્રકારની અસ્વસ્થતાભરી સ્થિતિ પેદા કરવા માંગતા નથી. એટલા માટે અમે હાલ માતોશ્રી પર જઈને હનુમાન ચાલીસા વાંચવાનું આંદોલન પાછું ખેંચ્યું છે. પીએમ મોદીની મુલાકાતમાં કોઈ અડચણ ન હોવી જોઈએ, તેથી જ અમે આ નિર્ણય લીધો છે.

પીએમ મોદીના સન્માનમાં રાણા દંપતિ મેદાનમાંથી હટી ગયા

આગળ રવિ રાણાએ કહ્યું, મહારાષ્ટ્રમાં ખેડૂતોની હાલત ખરાબ થઈ ગઈ છે. બેરોજગારી વધી રહી છે. રાજ્યમાં જે રીતે સાડા સાતીના રૂપમાં મુખ્યમંત્રી ઉદ્ધવ ઠાકરે જ્યારથી આવ્યા છે એક પછી એક આફતો સામે આવી રહી છે. આ આફતોને દૂર કરવા અમે માતોશ્રીની બહાર હનુમાન ચાલીસાનો પાઠ કરવા માંગતા હતા. પરંતુ અમને તેમ કરવાની મંજૂરી આપવામાં આવી ન હતી.

અમને ધમકી આપવામાં આવી હતી. જે રીતે રાજ્ય પરિવહન નિગમના કર્મચારીઓએ શરદ પવારના ઘરની બહાર પથ્થરમારો કર્યો હતો, તેમની સામે કેસ નોંધવામાં આવ્યા હતા અને કાર્યવાહી કરવામાં આવી હતી, એ જ રીતે શિવસૈનિકો બેરિકેડ તોડીને અમારા મુંબઈના ઘરમાં ઘૂસ્યા હતા. આના પર કોણ કાર્યવાહી કરશે? મહારાષ્ટ્રમાં કાયદો અને વ્યવસ્થા પડી ભાંગી છે.

આવતીકાલે PM અને CM એક મંચ પર આવશે, મોદીજી લતા મંગેશકર એવોર્ડ સ્વીકારશે

જણાવી દઈએ કે આવતીકાલે પીએમ નરેન્દ્ર મોદી મુંબઈના પ્રવાસે છે. ભારત રત્ન લતા મંગેશકરના નિધન બાદ પ્રથમ લતા મંગેશકર એવોર્ડ વડાપ્રધાન નરેન્દ્ર મોદીને આપવામાં આવી રહ્યો છે. પીએમ નરેન્દ્ર મોદી આ એવોર્ડ મેળવશે અને સીએમ ઉદ્ધવ ઠાકરે સાથે એક જ મંચ પર હાજર રહેશે.

આ પણ વાંચો :  Hanuman Chalisaના પાઠને લઈ રાજકારણ ગરમાયું, રાણા દંપતીને નજરકેદ કરવામાં આવ્યા