Mumbai Local Train: એસી લોકલ બાદ હવે ફર્સ્ટ ક્લાસ ટિકિટના ભાડામાં પણ ઘટાડો, હવે ટીકિટ માટે ચુકવવા પડશે આટલા રૂપિયા

મુંબઈગરાઓ માટે મોટા સમાચાર આવી રહ્યા છે. મુંબઈ લોકલ ટ્રેનમાં (Mumbai Local Train) મુસાફરી કરનારાઓને એક જ સપ્તાહમાં એક પછી એક બે મોટી ભેટ મળી છે. બે દિવસ પહેલા કેન્દ્રીય રેલવે રાજ્ય મંત્રી અને મહારાષ્ટ્રમાં વિરોધ પક્ષના નેતા અને પૂર્વ મુખ્યમંત્રી દેવેન્દ્ર ફડણવીસે મુંબઈ એસી લોકલના ભાડામાં 50 ટકાના ઘટાડાની જાહેરાત કરી હતી. આજે (1 મે, રવિવાર) મુંબઈ લોકલ માટે ફર્સ્ટ ક્લાસ ટિકિટના ભાડામાં 50 ટકાનો ઘટાડો કરવાના (First Class Ticket Fare Reduced By 50 Percent) સમાચાર પણ આવ્યા છે. મુંબઈ રેલવે બોર્ડે મુંબઈમાં આની જાહેરાત કરી હતી. એટલે કે મુંબઈ એસી લોકલ અને મુંબઈ લોકલ ફર્સ્ટ ક્લાસ બંને ટિકિટના ભાડામાં 50 ટકાનો ઘટાડો કરવામાં આવ્યો છે.

મુંબઈ લોકલ મુંબઈવાસીઓ માટે જીવન દોરી કહેવાય છે. તેમાં દરરોજ લાખો લોકો મુસાફરી કરે છે. આ વધતી જતી મોંઘવારીમાં, સ્થાનિક ટિકિટના ભાડામાં આ ઘટાડો લાખો લોકો માટે એક મોટી રાહતના સમાચાર છે.

મંથલી પાસના દરમાં કોઈ ફેરફાર નથી

એસી લોકલ અને ફર્સ્ટ ક્લાસ ટિકિટ માટે માસિક પાસ રેટમાં કોઈ ફેરફાર કરવામાં આવ્યો નથી. રેલવે બોર્ડના અધ્યક્ષ વીકે તિવારીએ આ માહિતી આપી હતી. ફર્સ્ટ ક્લાસ મંથલી પાસની કિંમત પહેલાની જેમ જ રહેશે. હાલમાં થાણેથી છત્રપતિ શિવાજી મહારાજ ટર્મિનસ સુધીની ફર્સ્ટ ક્લાસ ટિકિટનો દર 140 રૂપિયા છે, જ્યારે માસિક પાસ 755 રૂપિયા ચૂકવીને બનાવવો પડે છે. હવે એક વખતની મુસાફરી માટે ટિકિટનો દર 140 રૂપિયાથી ઘટાડીને 85 રૂપિયા કરવામાં આવ્યો છે.

Web Stories View more

મુકેશ અંબાણીએ એક જ દિવસમાં 43,000 કરોડ રૂપિયા ગુમાવ્યા, આ છે મોટું કારણ

20 વર્ષમાં 15% થી વધુ રિટર્ન આપનારા 10 Mutual Fund

ઉનાળામાં ચા પીધા પહેલા કે પછી પાણી પીવાથી શું થાય છે? જાણી લો

SBI આપી રહી છે સૌથી સસ્તી કાર લોન, જાણો 8 લાખની લોન પર કેટલી EMI આવશે?

ઉનાળાની કાળઝાળ ગરમીમાં છોડને હીટસ્ટ્રોકથી બચાવવા અપનાવો આ ટીપ્સ

Home Loan લીધા વગર ખરીદી શકશો 60 લાખનો ફ્લેટ, કરો આટલા હજારની SIP

એસી લોકલ ટ્રેનની ટિકિટના ભાવમાં 50 ટકાનો ઘટાડો

એસી લોકલ ટ્રેનની ટિકિટના દરમાં ફર્સ્ટ ક્લાસની ટિકિટના દરમાં કાપ મુકવામાં આવે તે પહેલા જ ઘટાડો કરવામાં આવ્યો છે. શુક્રવારે તેની જાહેરાત કરવામાં આવી હતી. આ જાહેરાત બાદ હવે એસી લોકલમાં પાંચ કિલોમીટર સુધીની મુસાફરી 65 રૂપિયાને બદલે માત્ર 30 રૂપિયામાં કરી શકાશે.

મુંબઈગરાઓને સુવિધા આપવા માટે એસી લોકલ શરૂ કરવામાં આવી હતી. પરંતુ મોંઘી ટિકિટોને કારણે મુંબઈવાસીઓ તરફથી તેને યોગ્ય પ્રતિસાદ આપવામાં આવ્યો ન હતો. ઉનાળામાં એસી લોકલ ટિકિટના દર ઘટાડવાની ભારે માગને ધ્યાનમાં રાખીને, રેલવે પ્રશાસને તેના ભાવ ઘટાડવાનો નિર્ણય કર્યો.

આ પણ વાંચો :  હિન્દુત્વનો મુદ્દો ટ્રેન્ડમાં અને નેતાઓની દોડ લાગી અયોધ્યા, આગળ રાજ અને પાછળ શિવસેના, મુંબઈ પછી ઔરંગાબાદ અને પછી અયોધ્યા