Mumbai Local Mega Block: સેન્ટ્રલ રેલવેના મેગા બ્લોકનો આજે છેલ્લો દિવસ છે, મુંબઈ લોકલ અને એક્સપ્રેસ ટ્રેનોના મુસાફરોની મુશ્કેલીનો આવશે અંત

TV9 GUJARATI

TV9 GUJARATI | Edited By: Jayraj Vala

Updated on: Feb 07, 2022 | 2:25 PM

Mumbai: આજે 7 ફેબ્રુઆરી, સોમવારે મધ્ય રેલવેના મેગા બ્લોકનો (Mega Block) છેલ્લો દિવસ છે. ખાસ કરીને મેલ અને એક્સપ્રેસ ટ્રેનો માટે પાંચમી અને છઠ્ઠી લાઇન તૈયાર કરવાનું કામ આજે રાત્રે 12 વાગ્યા સુધીમાં પૂર્ણ થઈ જશે.

Mumbai Local Mega Block: સેન્ટ્રલ રેલવેના મેગા બ્લોકનો આજે છેલ્લો દિવસ છે, મુંબઈ લોકલ અને એક્સપ્રેસ ટ્રેનોના મુસાફરોની મુશ્કેલીનો આવશે અંત
ફાઈલ ફોટો

Mumbai: આજે 7 ફેબ્રુઆરી, સોમવારે મધ્ય રેલવેના મેગા બ્લોકનો (Mega Block) છેલ્લો દિવસ છે. ખાસ કરીને મેલ અને એક્સપ્રેસ ટ્રેનો માટે પાંચમી અને છઠ્ઠી લાઇન તૈયાર કરવાનું કામ આજે રાત્રે 12 વાગ્યા સુધીમાં પૂર્ણ થઈ જશે. આ મેગાબ્લોક ત્રણ દિવસ (શનિવારથી સોમવાર) એટલે કે 72 કલાક માટે રાખવામાં આવ્યો હતો. થાણેથી દિવા વચ્ચે પાંચમી અને છઠ્ઠી લેનની તૈયારીના છેલ્લા તબક્કાનું કામ આજે પૂર્ણ થઈ રહ્યું છે. આ પછી હવે મેલ અને એક્સપ્રેસ ટ્રેનોને કારણે મુંબઈની લોકલ ટ્રેનો મોડી (Mumbai Local Trains) નહીં પડે. બીજી તરફ મેલ-એક્સપ્રેસ ટ્રેનો પણ ઘણીવાર મુંબઈ નજીક આવતી અને બહારના વિસ્તારોમાં પાર્ક કરીને સિગ્નલની રાહ જોતી.

જેના કારણે યોગ્ય સમયે મુંબઈ પહોંચ્યા બાદ પણ મુંબઈ નજીક આવતાં ટ્રેનો મોડી પડતી હતી. આ સમસ્યામાંથી પણ છુટકારો મળશે, કારણ કે પાંચમી અને છઠ્ઠી લાઇન ફક્ત મેલ અને એક્સપ્રેસ ટ્રેનો માટે જ ખોલવામાં આવશે. આજે થાણે અને દિવા વચ્ચે પાંચમી અને છઠ્ઠી લાઇન પૂરી થયા બાદ હવે કુર્લાથી પરેલ સુધીની પાંચમી અને છઠ્ઠી લાઇનની રાહ જોવામાં આવશે. સેન્ટ્રલ રેલ્વે દ્વારા આપવામાં આવેલી માહિતી અનુસાર, આને લગતા કેટલાક કામ પણ હાથ ધરવામાં આવ્યા છે.

મંગળવારથી થાણેથી દિવા વચ્ચેની મુશ્કેલીઓ દૂર થઈ જશે

હાલમાં મેલ અને એક્સપ્રેસ ટ્રેનો માટે થાણેથી કુર્લા અને દિવાથી કલ્યાણ સુધી 5મી અને 6મી લાઇન ઉપલબ્ધ છે. પરંતુ થાણેથી દિવા વચ્ચેની આ લાઈનો ઉપલબ્ધ ન હોવાને કારણે, મેલ અને એક્સપ્રેસ ટ્રેનો માત્ર ફાસ્ટ લોકલ માટે નક્કી કરાયેલા બે ટ્રેક પરથી પસાર થતી હતી. જેના કારણે મુંબઈ લોકલ અને મેલ-એક્સપ્રેસ બંને ટ્રેન સેવાને અસર થઈ હતી. આ બાબતોને ધ્યાનમાં રાખીને, મુંબઈ રેલવે વિકાસ નિગમ (MRVC) અને મધ્ય રેલવેએ પાંચમી અને છઠ્ઠી લાઇન તૈયાર કરવાનો નિર્ણય લીધો હતો.

આ કારણે 5મી અને 6ઠ્ઠી લાઈન તૈયાર કરવામાં 10 વર્ષ લાગ્યાં

આ કામ પૂરું થતાં દસ વર્ષ લાગ્યાં. આના ઘણા કારણો છે. રેલ્વેની જમીનો પર અતિક્રમણ, કોર્ટ કેસ અને અન્ય ટેકનિકલ મુશ્કેલીઓના કારણે આ કામ પૂર્ણ કરવામાં દસ વર્ષનો સમય લાગ્યો હતો. આ કામગીરી પૂર્ણ કરવા માટે શનિવારથી સોમવાર સુધી 72 કલાકનો મેગા બ્લોક રાખવામાં આવ્યો હતો. જેના કારણે 350 થી વધુ લોકલ ટ્રેનો અને 100 થી વધુ એક્સપ્રેસ ટ્રેનો રદ કરવી પડી હતી.

આ પણ વાંચો: Maharashtra: ઉત્તર ભારતીય સંઘના પ્રમુખે કેન્સર દર્દીઓના ગેસ્ટ હાઉસ માટે આપ્યું 51 લાખ રૂપિયાનું દાન, મળશે આ સુવિધાઓ

આ પણ વાંચો: Maharashtra: સ્પષ્ટ નીતિના અભાવે ડુંગળીની નિકાસ અટકી, બજારમાં ડુંગળીની આવક વધી, ખેડૂતોને નથી મળી રહ્યા ભાવ

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati