Maharashtra Politics : એકનાથ શિંદેની નારાજગીના સમાચાર વચ્ચે, કોણ છે 2024 માટે CM પદના ઉમેદવાર ? ફડણવીસે કરી વાત
મહારાષ્ટ્રના ભાવિ મુખ્યમંત્રી તરીકે અલગ-અલગ નામોની ચર્ચા વચ્ચે એકનાથ શિંદે ત્રણ દિવસની રજા પર પોતાના ગામ ગયા છે. બીજી તરફ દેવેન્દ્ર ફડણવીસે ચૂંટણી પ્રચાર માટે કર્ણાટકની મુલાકાત દરમિયાન સ્પષ્ટ કહ્યું હતું કે 2024ની ચૂંટણી દરમિયાન રાજ્યના મુખ્યમંત્રી કોણ હશે?
મહારાષ્ટ્રમાં સત્તા પરિવર્તન બાદ પ્રથમ વખત સીએમ એકનાથ શિંદે ત્રણ દિવસની રજા પર પોતાના ગામ ગયા છે. કહેવામાં આવી રહ્યું છે કે, રાજ્યમાં સીએમ પદ માટે એક પછી એક દાવેદાર આગળ આવી રહ્યા છે. મંગળવારે જ નાગપુરમાં એક પોસ્ટર લગાવવામાં આવ્યું હતું, જેમાં નાયબ મુખ્ય પ્રધાન દેવેન્દ્ર ફડણવીસને રાજ્યના ભાવિ મુખ્ય પ્રધાન તરીકે વર્ણવવામાં આવ્યા હતા. એ જ રીતે, ભૂતપૂર્વ નાયબ મુખ્ય પ્રધાન અને વર્તમાન વિરોધ પક્ષના નેતા અજિત પવારનું એક પોસ્ટર ધારશિવ (જૂના ઉસ્માનાબાદ) ખાતે તેમના સાસરિયાના ઘરે મૂકવામાં આવ્યું હતું, જેમાં તેમને ભાવિ મુખ્ય પ્રધાન તરીકે રજૂ કરવામાં આવ્યા હતા.
છેલ્લા કેટલાક દિવસોથી એવા સમાચાર આવી રહ્યા હતા કે આગામી દિવસોમાં જો સુપ્રીમ કોર્ટ એકનાથ શિંદેનું સમર્થન કરતા 16 ધારાસભ્યોને ગેરલાયક ઠેરવે છે તો અજિત પવારની સાથે NCPનો એક જૂથ ભાજપ સાથે મળીને સરકાર બનાવશે. ભાજપ અજિત પવારને મુખ્યમંત્રી પદ આપશે. પછી સમાચાર એ પણ આવ્યા કે એકનાથ શિંદેને લઈને ભાજપની યોજના ફ્લોપ થઈ ગઈ જેમાં એવું લાગ્યું કે શિંદેને સાથે લઈને મરાઠા વોટ બેંક અને હિન્દુત્વ બંનેને સરળ બનાવી શકાય છે. આવી સ્થિતિમાં ભાજપ ભવિષ્યમાં પોતાના વરિષ્ઠ નેતા રાધાકૃષ્ણ વિખે પાટીલને મુખ્યમંત્રી બનાવી શકે છે.
‘2024ની ચૂંટણી સીએમ એકનાથ શિંદેના નેતૃત્વમાં લડીશું અને જીતીશું’
મંગળવારે દેવેન્દ્ર ફડણવીસે આ તમામ અટકળો પર પૂર્ણવિરામ મૂક્યું હતું. દેવેન્દ્ર ફડણવીસ હાલમાં ચૂંટણી પ્રચાર માટે બે દિવસીય કર્ણાટક પ્રવાસે છે. અહીં, જ્યારે ચેનલ TV9 મરાઠીએ તેમને આ મામલે સવાલ કર્યો તો તેમણે પોતાનો જવાબ આપ્યો અને કહ્યું, ‘2024ની ચૂંટણી સમયે એકનાથ શિંદે અમારા મુખ્યમંત્રી હશે. તેમના નેતૃત્વમાં અમે ચૂંટણી લડીશું અને જીતીશું.
આ પણ વાંચો : CM પદ પર નહીં કરે દાવો, ઉદ્વવ ઠાકરેએ કર્યો વાયદો, પછી શા માટે MVA રેલીમાં નહીં જાય શરદ પવાર ?
‘મને ભાવિ મુખ્યમંત્રી તરીકે દર્શાવતું પોસ્ટર હટાવો, આ મૂર્ખતા ટાળો’
વધુમાં, દેવેન્દ્ર ફડણવીસે કહ્યું કે જેણે પણ નાગપુરમાં તેમને ભાવિ મુખ્યમંત્રી કહીને બેનર લગાવ્યું છે, તેણે તરત જ બેનર ઉતારવું જોઈએ. કમ સે કમ ભાજપમાં કોઈએ આવી મૂર્ખતા ન કરવી જોઈએ. ફડણવીસે એમ પણ કહ્યું કે તેમને નથી લાગતું કે બેનર લગાવનાર વ્યક્તિ બીજેપીનો હશે. કેટલાક અતિ ઉત્સાહી લોકો એવા હોય છે કે જેઓ પ્રસિદ્ધિ માટે, પોતાના સમાચારો બનાવવા માટે આવા બેનર મારતા હોય છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
દેશ ના તમામ જિલ્લાના સમાચાર વાંચવા માટે જોડાયેલા રહો…
