Maharashtra : જે ગર્લફ્રેન્ડને સોના ડાર્લિંગ કહીને બોલાવતો, બ્રેકઅપ બાદ બોયફ્રેન્ડે કરી તેના જ ઘરમાં ‘સોના’ની ચોરી
જે ગર્લફ્રેન્ડને તે સોના ડાર્લિંગ, સોના ડાર્લિંગ કહીને બોલાવતો હતો, તેણે જ 28 તોલા સોનુ ચોરી લીધું હતું. પોલીસ પૂછપરછમાં આરોપી સુમિતે પોતાનો ગુનો કબૂલી લીધો છે.
જ્યારે ગર્લફ્રેન્ડ (Girlfriend )સાથે બ્રેકઅપ થયું ત્યારે મહારાષ્ટ્રના(Maharashtra ) પુણેનો એક પ્રેમી એટલો ગુસ્સે થયો કે તેણે પોતાની ગર્લફ્રેન્ડને સબક શીખવવા માટે અલગ રીતે વિચાર કર્યો. પરંતુ તેના કારણે તેને લોક અપના સળિયા ગણવાનો વારો આવી ગયો. તેના આ કારનામાના કારણે તેની ગર્લફ્રેન્ડ પણ ગઈ અને તેની ચોરી પણ પકડાઈ ગઈ. હકીકતમાં બ્રેક અપ બાદ તેના બોયફ્રેન્ડે તેની ગર્લફ્રેન્ડને સબક શીખવાડવા માટે તેના ઘરમાંથી 27 તોલા સોનું ચોરી લીધું હતું. તેની સાથે કેટલીક રોકડ રકમ પણ ચોરી લીધી હતી. મહારાષ્ટ્ર પુણેના અંબેગાંવની લક્ષ્મી ગાર્ડન સોસાયટીમાં રહેતી એક ગર્લ ફ્રેન્ડે આ અંગે ફરિયાદ નોંધાવી હતી. આ પછી ભારતી વિદ્યાપીઠની પોલીસે ચોરને શોધવાની તપાસ શરૂ કરી હતી.
જ્યારે પોલીસે સ્થળ અને તેની આસપાસના સીસીટીવી ફૂટેજની તપાસ કરી તો તેમાં એક શંકાસ્પદ વ્યક્તિ જોવા મળ્યો. જ્યારે પોલીસે શંકાસ્પદ વ્યક્તિને શોધવાનું શરૂ કર્યું, તો તે યુવતીનો પૂર્વ બોયફ્રેન્ડ હોવાનું બહાર આવ્યું. ચોરી કર્યાના થોડા દિવસ પહેલા જ ગર્લ ફ્રેન્ડનું બ્રેકઅપ થઈ ગયું હતું.
દિલને ચોરી જનાર દાગીના ચોરી ગયો, પુણે પોલીસના હાથે ઝડપાઈ ગયો
ભારતી વિદ્યાપીઠ પોલીસે ચોર પ્રેમીની ધરપકડ કરી છે. તેની પાસેથી 28 તોલા સોનું પણ મળી આવ્યું છે. આ સાથે 14 લાખ 67 હજાર રૂપિયાની રોકડ અને વસ્તુઓ પણ મળી આવી છે. બ્રેકઅપ બાદ બોયફ્રેન્ડ ખૂબ ગુસ્સે હતો. તે તેની ગર્લફ્રેન્ડને પાઠ ભણાવવા માંગતો હતો. જેથી તેણે વેશપલટો કરી રાત્રિના અંધારામાં ગર્લફ્રેન્ડના ઘરે ઘુસીને ચોરી કરી હતી.
ગર્લફ્રેન્ડને સોના ડાર્લિંગ કહીને બોલાવતો હતો, અને સોનુ લઈને રફુચક્કર
આરોપી નજીકના પદ્માવતી વિસ્તારનો રહેવાસી છે. તેનું નામ સુમિત બાબુ પરદેસી છે. તેણે 2 ઓક્ટોબરની રાત્રે આ ઘટનાને અંજામ આપ્યો હતો. જે ગર્લફ્રેન્ડને તે સોના ડાર્લિંગ, સોના ડાર્લિંગ કહીને બોલાવતો હતો, તેણે જ 28 તોલા સોનુ ચોરી લીધું હતું. પોલીસ પૂછપરછમાં આરોપી સુમિતે પોતાનો ગુનો કબૂલી લીધો છે.