મહારાષ્ટ્રમાં હોળીની ઉજવણી માટે માર્ગદર્શિકા જાહેર, જાણો મહા વિકાસ આઘાડી સરકારે કયા નવા નિયમો લાગુ કર્યા 

મહારાષ્ટ્ર સરકાર (Maharashtra) દ્વારા હોળીની ઉજવણી અંગેના નિયમો (Guidelines for holi celebrations) જાહેર કરવામાં આવ્યા છે. મહા વિકાસ આઘાડી સરકારના ગૃહ વિભાગ દ્વારા જાહેર કરાયેલા નિયમો અનુસાર કોરોના પ્રતિબંધક નિયમોનું (Corona rules & regulations) ચુસ્તપણે પાલન કરવાનું કહેવામાં આવ્યું છે. તેની પાછળનું કારણ જણાવવામાં આવ્યું છે કે ઓછા કોરોના સંક્રમણને કારણે રાજ્યમાં કોરોના સંબંધિત નિયંત્રણો હળવા કરવામાં આવ્યા છે. સંક્રમિતોની સંખ્યા ઓછી હોય તો પણ સાવચેતી જરૂરી છે. કોરોના સમયગાળાના બે વર્ષના કડક નિયંત્રણો બાદ આ વખતે હોળી ધામધૂમથી ઉજવવામાં આવે તેવી શક્યતા છે. આવી સ્થિતિમાં ફરી એકવાર લોકોની ભીડ જમા થવા જઈ રહી છે.

રાજ્ય સરકાર દ્વારા જાહેર કરાયેલા નિયમો અનુસાર હોલિકા દહન રાત્રે 10 વાગ્યા પહેલા કરવું જરૂરી રહેશે. તેમજ હોળી દરમિયાન ડીજેના ઉપયોગ પર પ્રતિબંધ રહેશે. આ સમાચાર અમારી સહયોગી ન્યૂઝ ચેનલ TV9 મરાઠી અને મરાઠી ન્યૂઝ વેબસાઈટ લોકસત્તાએ આપ્યા છે.

રાજ્યના ગૃહ વિભાગ દ્વારા જાહેર કરાયેલા નિયમો

• હોલિકા દહન રાત્રે દસ વાગ્યા પહેલા કરવું જરૂરી છે.
• હોળી દરમિયાન ડીજેના ઉપયોગ પર પ્રતિબંધ રહેશે.
• ધોરણ 10 અને 12ની પરીક્ષાઓ શરૂ થવાને કારણે લાઉડસ્પીકરનો અવાજ વધુ તીવ્ર થવા પર કાર્યવાહી કરવામાં આવશે.
• હોળીની ઉજવણી વખતે દારૂ પીને કે અભદ્ર વર્તન કરવા બદલ કાર્યવાહી કરવામાં આવશે.
• હોળી રમતી વખતે મહિલાઓ અને યુવતીઓની સુરક્ષાનું ધ્યાન રાખવું જરૂરી છે.
• એવું કોઈ કામ કે નારાબાજી, જાહેરાત કરવી નહીં કે જેનાથી કોઈની જાતિ અથવા ધાર્મિક લાગણીઓને ઠેસ પહોંચે
• કોઈને બળજબરીપૂર્વક રંગ લગાવવો કે પાણીથી ભરેલા ફુગ્ગા ફેંકવા પર મનાઈ

પરિસ્થિતિ ફરીથી બેકાબૂ ન બને તે માટે કોરોના પ્રતિબંધક નિયમો અમલમાં રહેશે

આ સિવાય હોળી દરમિયાન કોરોના નિયમોનું પાલન કરવું પણ જરૂરી રહેશે. ગૃહ વિભાગ દ્વારા જાહેર કરાયેલા નિયમોમાં સ્પષ્ટ કરવામાં આવ્યું છે કે કોરોના સંબંધિત નિયમોનું ખાસ ધ્યાન રાખવામાં આવે. આ વાતનું આહ્વાન અને અપીલ કરવામાં આવી છે. કોરોનાના સામાન્ય નિયમો જેમ કે માસ્ક પહેરવું, વારંવાર હાથ ધોવા, એકબીજાથી બે ગજનું અંતર રાખવું અને ભીડ એકઠી ન કરવી જેવી બાબતોનું ધ્યાન રાખવાની અપેક્ષા રાખવામાં આવી છે.

Web Stories View more

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

1 શેર પર ટાટા કંપની ઈતિહાસનું સૌથી મોટું ડિવિડન્ડ આપશે

આજનું રાશિફળ તારીખ : 25-04-2024

માત્ર 5000 રૂપિયાનો SIP પ્લાન તમને ઘરે બેઠા બનાવશે 5.22 કરોડ રૂપિયાના માલિક

આ પણ વાંચો :  ‘ભારત 2024 સુધીમાં અમેરિકા સાથે બરાબરી કરશે’, કેન્દ્રીય મંત્રી નીતિન ગડકરીનું નિવેદન, રાજ્યસભામાં જણાવી આગામી બે વર્ષની યોજના