મહારાષ્ટ્રમાં ઠંડીનો ચમકારો : મહાબળેશ્વરમાં શિમલા જેવો અનુભવ, 15 જાન્યુઆરી સુધી આ શહેરોમાં કોલ્ડવેવની આગાહી

Maharashtra Weather Update : મહારાષ્ટ્રમાં દિવસે દિવસે ઠંડી વધી રહી છે. મંગળવારની મધ્યરાત્રિએ મહારાષ્ટ્રના હિલ સ્ટેશન મહાબળેશ્વરમાં (Mahabaleshwar)તાપમાન શૂન્ય ડિગ્રી સેલ્સિયસ નોંધાયું હતું. જ્યારે સવારે છ વાગ્યે વેન્ના તળાવ પાસે તાપમાન માત્ર એક ડિગ્રી સેલ્સિયસ સુધી પહોંચી ગયુ હતું. સોમવારની સરખામણીએ મંગળવારે ​​આ તાપમાનમાં ચાર ડિગ્રી સેલ્સિયસનો ઘટાડો નોંધાયો હતો. બીજી તરફ રાજ્યમાં ઠંડી સાથે હવામાન વિભાગે મહારાષ્ટ્રમાં (Maharashtra Rain Forecast) આગામી બે-ત્રણ દિવસ સુધી કમોસમી વરસાદ થવાની પણ આગાહી કરી છે.

મહાબળેશ્વરમાં શિમલા જેવો અનુભવ

આગામી બે-ત્રણ દિવસમાં વરસાદના કારણે ઠંડીમાં પણ ચમકારો જોવા મળશે. હાલમાં પ્રવાસીઓ મહાબળેશ્વરમાં શિમલા(Shimla)  જેવો અનુભવ કરી રહ્યા છે. ઉત્તર તરફથી આવી રહેલી શીત લહેરના કારણે તાપમાનમાં (Temperature)આટલો ઘટાડો થયો હોવાનુ જણાવવામાં આવી રહ્યુ છે. બીજી તરફ રાજ્યમાં નંદુરબાર જિલ્લામાં(Nandubar District)  પણ તાપમાનમાં ઘટાડો નોંધાયો છે. વધુ પડી ઠંડીના કારણે સાતપુરાના ગાઢ અને દુર્ગમ જંગલોની આસપાસના વિસ્તારોમાં જનજીવન અસ્તવ્યસ્ત થયુ છે. ભારે ઠંડીના કારણે લોકો બહાર જવાનુ પણ ટાળી રહ્યા છે.

વિદર્ભમાં કમોસમી વરસાદથી ખેડુતોનો વ્યાપક નુકશાન

નાગપુર સહિત સમગ્ર રાજ્યમાં હાલ શીત લહેર અનુભવાઈ રહી છે. વિદર્ભમાં પણ ઠંડી વધી છે પરંતુ અહીં કમોસમી વરસાદની અસર વધુ છે. નાગપુર જિલ્લામાં(Nagpur District)  કમોસમી વરસાદના કારણે માત્ર તાપમાનમાં તીવ્ર ઘટાડો થયો નથી, પરંતુ રવિ પાકને પણ મોટું નુકસાન થયું છે. વિદર્ભ અને મરાઠવાડામાં કમોસમી વરસાદને કારણે લગભગ 2 લાખ હેક્ટર ખેતીનો નાશ થયો છે. ભારતીય હવામાન વિભાગ (IMD) દ્વારા વરસાદની આગાહીને પગલે નાગપુર, વર્ધા, ચંદ્રપુર, યવતમાલ, ગોંદિયા, ભંડારા અને ગઢચિરોલી જિલ્લાઓ માટે ગુરુવાર સુધી યલો એલર્ટ જાહેર કર્યું છે.

Web Stories View more

ભોજપુરી એક્ટ્રેસ મોનાલિસાની આ તસવીરો જોઈને ચાહકો થયા ઘાયલ

અમદાવાદના Coldplay કોન્સર્ટની લાઇવ સ્ટ્રીમ ક્યાં જોઈ શકશો, જાણો

ભારતનું એક એવું ગામ જ્યાં જૂતા-ચપ્પલ નથી પહેરતા લોકો ! જાણો શું છે કારણ

'બિગ બોસ 18' ના વિજેતાને કેટલા પૈસા મળ્યા, જુઓ ફોટો

Whatsapp પર અજાણ્યા નંબર પરથી વારંવાર આવે છે મેસેજ? તો કરી લો બસ આટલું

Tips and Tricks : શું તમે પીળી ટોયલેટ સીટથી કંટાળી ગયા છો? આ રીતે સાફ કરીને કમાલ જુઓ

આ જિલ્લાઓમાં હજુ પણ ઠંડીનું જોર રહેશે

તમને જણાવી દઈએ કે, મુંબઈ અને કોંકણ વિસ્તારમાં પણ છેલ્લા બે દિવસથી તાપમાનમાં તીવ્ર ઘટાડો નોંધાયો છે. નાંદેડ, વાશિમ અને સોલાપુર જેવા જિલ્લાઓમાં પણ તાપમાનમાં પણ ઘટાડો જોવા મળ્યો છે. ભારતીય હવામાન વિભાગના જણાવ્યા અનુસાર મુંબઈ-થાણે સહિત ઉત્તર મહારાષ્ટ્રમાં 15 જાન્યુઆરી સુધી તાપમાનમાં વધુ ઘટાડો થશે. બુધવારે મુંબઈમાં તાપમાન લઘુત્તમ 17 ડિગ્રી સેલ્સિયસ સુધી ઘટી જશે. જ્યારે મહત્તમ તાપમાનની વાત કરીએ તો તે 29 ડિગ્રી સેલ્સિયસ સુધી જઈ શકે છે.

આ પણ વાંચો : મહામારી સાથે માવઠાનો માર : ભરશિયાળે આ રાજ્યમાં વરસાદની આગાહી, હવામાન વિભાગે જાહેર કર્યુ એલર્ટ