માયાનગરીમાં મોંઘવારીની આગ, મધ્યરાત્રિથી CNG અને PNGના ભાવમાં થવા જઈ રહ્યો છે આટલા રૂપિયાનો વધારો

ચાર દિવસની ચાંદની, પછી અડધી રાતે મોંઘવારી 

સામાન્ય જનતાને આનો બહુ લાભ મળ્યો નથી. ચાર દિવસ પણ વીત્યા નથી કે સીએનજીના ભાવમાં 7 રૂપિયા અને પીએનજીમાં 5 રૂપિયા પ્રતિ કિલોનો વધારો થઈ રહ્યો છે. મહાનગર ગેસ લિમિટેડના આ નિર્ણયથી પહેલાથી જ મોંઘવારીના બોજ હેઠળ દબાયેલા સામાન્ય લોકો માટે જીવન જીવવું મુશ્કેલ બન્યું છે. સીએનજી અને પીએનજીના દરમાં આ વધારો મધરાતથી થવા જઈ રહ્યો છે. જ્યારે લોકો 6ઠ્ઠી એપ્રિલ (બુધવાર) સવારે ઘરની બહાર નીકળશે ત્યારે તેઓએ CNG 7 રૂપિયા અને PNG 5 રૂપિયા પ્રતિ કિલો મોંઘો ખરીદવો પડશે.

ભાવ વધાર્યા બાદ મધ્યરાત્રિથી CNG 67 રૂપિયા પ્રતિ કિલો અને PNG 41 રૂપિયા પ્રતિ કિલો મળશે. પેટ્રોલ અને ડીઝલના ભાવ પહેલાથી જ આગ લગાવી રહ્યા છે. મહારાષ્ટ્રના પરભણીમાં પેટ્રોલ 122 રૂપિયા પ્રતિ લીટરના ભાવને પાર કરી ગયું છે અને હવે CNG અને PNGની વધતી કિંમતોએ સામાન્ય માણસનું જીવન મુશ્કેલ બનાવી દીધું છે.

ગુજરાતમાં પણ પેટ્રોલ -ડીઝલના સતત વધતાં ભાવ બાદ હવે સીએનજીના ભાવમાં વધારો થયો છે. જેમાં ગુજરાત ગેસે સીએનજીના એક સાથે 6.45 નો ભાવ વધારો ઝીંકવામાં આવ્યો છે. તેમજ નવા ભાવ વધારા બાદ ભાવ વધીને 76.98 રૂપિયા થયો છે. CNGનો જૂનો ભાવ 70.53 હતો જે વધીને 76.98 થયો છે તેમજ આ ભાવવધારો આજ મધરાતથી જ અમલી બનશે. આ ઉપરાંત 1 એપ્રિલના રોજ અદાણી ગેસ દ્વારા પણ CNGમાં 5 રૂપિયા અને PNGમાં 4 રૂપિયાનો વધારો કરાયો હતો. CNG ભાવ વધતા સૌથી વધુ રિક્ષા ચાલકો માટે હાલાકી સર્જાઈ છે.

આ પણ વાંચો :  અજાનના જવાબમાં ભાજપના નેતા મોહિત કંબોજે કરી વિનામુલ્યે લાઉડસ્પીકર વિતરણ કરવાની જાહેરાત, કહ્યું- બધા હિન્દુઓનો એક અવાજ હોવો જોઈએ