મહારાષ્ટ્રમાં હવે આ ટ્રાફીક નિયમો તોડવા પર થઈ શકે છે જેલ, રાજ્ય સરકારે કર્યો આ ફેરફાર, વાંચો સમગ્ર અહેવાલ
માર્ગ અકસ્માતોમાં વધારો વચ્ચે, રાજ્ય સરકારે તાજેતરમાં મોટર વ્હીકલ એમેન્ડમેન્ટ એક્ટમાં સુધારો કર્યો છે, જેનો અર્થ છે કે ગુનેગારોને કોર્ટમાં હાજર થવું પડશે.
માર્ગ દુર્ઘટનાઓમાં (Road Accidents) વધારો જોવા મળી રહ્યો છે, ત્યારે સરકાર પણ માર્ગ અકસ્માત ઘટાડવાના પ્રયત્નો કરી રહી છે. તે માટે અનેક પગલા લઈ રહી છે. આ દરમિયાન મહારાષ્ટ્ર સરકારે (Maharashtra Government) તાજેતરમાં મોટર વ્હીકલ એક્ટમાં (Motor Vehicle Act) થોડો સુધારો કર્યો છે અને કેટલાક અપરાધો માટે સજાને વધારી દીધી છે. જેનો સીધો અર્થ એ છે કે, ગુનેગારોએ અદાલત સામે હાજર થવું પડી શકે છે. હવે રોંગ સાઈડ પર ગાડી ચલાવવી, સાઈડ કાપવી અથવા ઓવરટેક (Overtaking) કરવા જેવા ગુના સામાન્ય દંડ સાથે પુરા નહી થાય.
આ પહેલા આવા અપરાધો માટે 200 રૂપિયાનો દંડ લગાવવામાં આવતો હતો. જો કે, હવે નવા સુધારા બાદ તમને આ ગુનાઓ માટે જેલ પણ થઈ શકે છે. સુધારો અધિનિયમમાં બીજો મહત્વનો સુધારો એ છે કે ટ્રાફિક અપરાધો માટેનો લઘુત્તમ દંડ હવે પહેલી વખત ગુનેગાર માટે 500 (અગાઉના 200) રૂપિયા અને બીજી વખત ગુનેગાર માટે ઓછામાં ઓછો 1500 રૂપિયા છે.
16 ડીસેમ્બરે થયો હતો આ ગમખ્વાર અકસ્માત
16 ડિસેમ્બરે પ્રકાશમાં આવેલી એક ચોંકાવનારી ઘટનામાં મુંબઈના ગોરેગાંવ વિસ્તારમાં પાંચ મહિનાના બાળકનું અકસ્માતમાં મૃત્યુ થયું હતું. અહેવાલો અનુસાર, દારૂના નશામાં એક ડ્રાઇવર તેની કાર ખોટી દિશામાં ચલાવી રહ્યો હતો અને તેણે એક મોટરસાઇકલને ટક્કર મારી હતી, જેમાં પાંચ મહિનાનો અરફાન તેના માતા-પિતા સાથે મુસાફરી કરી રહ્યો હતો.
જોકે, નશામાં ધૂત ડ્રાઈવરને બીજા જ દિવસે કોર્ટ દ્વારા જામીન પર મુક્ત કરવામાં આવ્યો હતો. તેનાથી મોટર અકસ્માતના કેસોમાં હાલની ન્યાય પ્રણાલી પર ચિંતા વધી છે. જાન્યુઆરી અને ઓગસ્ટ 2021 ની વચ્ચે, 47,500 થી વધુ વાહનચાલકોને ખોટી દિશામાં વાહન ચલાવવા બદલ દંડ ફટકારવામાં આવ્યો હતો, જે સમગ્ર 2020 (લગભગ 31,000 ચલણ) ના વર્ષમાં કરવામાં આવેલા દંડ કરતા વધુ છે. પરંતુ આ વર્ષે માત્ર 14% અપરાધીઓએ જ દંડ ભર્યો છે.
મુંબઈ પોલીસ દ્વારા જાહેર કરાયેલ ડેટા વિશ્લેષણ અહેવાલમાં, ગયા વર્ષે મુંબઈમાં થયેલા તમામ 338 જીવલેણ અકસ્માતોમાંથી, 42 ટકા હિટ એન્ડ રનના કેસ હતા. રિપોર્ટમાં એ પણ ખુલાસો થયો છે કે હિટ એન્ડ રન અકસ્માતનો ભોગ બનેલા દરેક વ્યક્તિ મુખ્યત્વે રાહદારીઓ અને મોટરસાયકલ સવારો હતા.
આ પણ વાંચો : Omicron: આંધ્ર પ્રદેશમાં વિદેશથી પરત આવેલા 277 ભારતીય નાગરિકો ગાયબ, વધતા ઓમિક્રોન કેસના પગલે પોલીસ શોધમાં લાગી