Breaking News : IIT બોમ્બેની હોસ્ટેલમાં રહસ્યમય સંજોગોમાં વિદ્યાર્થીનું મોત… આખરે રૂમમાં શું બન્યું હતું?
IIT બોમ્બેના ડિપાર્ટમેન્ટ ઓફ એનર્જી સાયન્સ એન્ડ એન્જિનિયરિંગના બીજા વર્ષના એક વિદ્યાર્થીનું શુક્રવાર 18 સપ્ટેમ્બર સાંજે મૃત્યુ થયું હતું. IIT બોમ્બેએ વિદ્યાર્થીના મૃત્યુ પર ઊંડું દુઃખ વ્યક્ત કર્યું છે.
IIT બોમ્બેના ડિપાર્ટમેન્ટ ઓફ એનર્જી સાયન્સ એન્ડ એન્જિનિયરિંગના બીજા વર્ષના એક વિદ્યાર્થીનું શુક્રવાર 18 સપ્ટેમ્બર સાંજે મૃત્યુ થયું હતું. સંસ્થાના જણાવ્યા અનુસાર, વિદ્યાર્થીનું મૃત્યુ આત્મહત્યાના કેસ તરીકે નોંધાયું છે. સૂત્રો અનુસાર, દિવસ દરમિયાન પરીક્ષા દરમિયાન વિદ્યાર્થી પરીક્ષા હોલમાં મોબાઇલ ફોનનો ઉપયોગ કરતો જોવા મળ્યો હતો. જણાવવામાં આવી રહ્યું છે કે વિદ્યાર્થીએ પરીક્ષાના પ્રશ્નપત્રની તસવીર અને પ્રશ્ન ChatGPT પર અપલોડ કરીને તેનો જવાબ મેળવવાનો પ્રયાસ કર્યો હતો.
વિદ્યાર્થીઓનું વિરોધ પ્રદર્શન
IIT પવઈમાં વિદ્યાર્થીના મૃત્યુથી નારાજ કેમ્પસના વિદ્યાર્થીઓએ વિરોધ પ્રદર્શન કર્યું હતું. IIT પવઈમાં વિદ્યાર્થીઓની આત્મહત્યાની ઘટનાઓ સતત બનતી હોવાને કારણે કેમ્પસમાં ભારે રોષ જોવા મળી રહ્યો છે. જોકે, પોલીસની સમજાવટ બાદ વિદ્યાર્થીઓએ વિરોધ સમેટ્યો હતો. પ્રદર્શનકારીઓએ સમગ્ર આત્મહત્યા કેસની સઘન તપાસની માંગ કરી છે.
IIT Bombay has reported the death by suicide of a second-year student of the Department of Energy Science and Engineering. The institute said the student was found using a mobile phone during an examination earlier in the day and had uploaded the question paper on ChatGPT. The… pic.twitter.com/YeZe87vHix
— IANS (@ians_india) September 18, 2026
ઇન્સ્ટ્રક્ટર અને વિભાગાધ્યક્ષે વિદ્યાર્થી સાથે કરી હતી વાતચીત
સૂત્રો અનુસાર, આ મામલે વિદ્યાર્થી વિરુદ્ધ તાત્કાલિક કોઈ શિસ્તભંગની કાર્યવાહી શરૂ કરવામાં આવી નહોતી. ઘટના અંગે ઇન્સ્ટ્રક્ટર અને વિભાગાધ્યક્ષે વિદ્યાર્થી સાથે વાતચીત કરી હતી. બંનેએ વિદ્યાર્થીને સમજાવ્યો હતો અને ખાતરી આપી હતી કે આ ઘટનાની તેના શૈક્ષણિક કારકિર્દી પર પ્રતિકૂળ અસર નહીં થાય.
IIT બોમ્બેએ વિદ્યાર્થીના મૃત્યુ પર વ્યક્ત કર્યું દુઃખ
ત્યારબાદ વિદ્યાર્થી પોતાના હોસ્ટેલના રૂમમાં પાછો ગયો હતો. બાદમાં સાંજે તે પોતાના રૂમમાં મૃત હાલતમાં મળી આવ્યો હતો. IIT બોમ્બેએ વિદ્યાર્થીના મૃત્યુ પર ઊંડું દુઃખ વ્યક્ત કર્યું છે. સંસ્થા દ્વારા વિદ્યાર્થીના મિત્રો, સહપાઠીઓ, શિક્ષકો અને આ ઘટનાથી પ્રભાવિત અન્ય લોકોને જરૂરી સહયોગ આપવામાં આવી રહ્યો છે. સંસ્થાએ જણાવ્યું છે કે વિદ્યાર્થીના મૃત્યુ સાથે જોડાયેલી પરિસ્થિતિઓની તપાસ સંબંધિત સક્ષમ અધિકારીઓ દ્વારા કરવામાં આવી રહી છે.
#WATCH | Mumbai, Maharashtra: IIT Powai (IIT Bombay) students hold a late-night protest following the death of a second-year student. pic.twitter.com/6G6L5DzZCp
— ANI (@ANI) September 18, 2026
આ પણ વાંચો, Breaking News: અજિત અગરકરે પોતે 15 દિવસ પહેલા જ પદ છોડ્યું, જાણો BCCI બોસે નવા મુખ્ય પસંદગીકાર વિશે શું કહ્યું?
