Travel Tips : સાતમ-આઠમમાં ટ્રેન કે ફ્લાઇટમાં મુસાફરી કરનારાઓ માટે મહત્વપૂર્ણ સમાચાર, આ ભૂલો મોંઘી સાબિત થઈ શકે
રક્ષાબંધનથી તહેવારોની સીઝન ચાલું થાય છે. સાતમ-આઠમ અને જન્માષ્ટમી જેવા તહેવારોમાં લોકો ફરવા જવાનો પ્લાન કરતા હોય છે. ત્યારે જો તમે પણ તહેવારોમાં ટ્રેન કે ફ્લાઈટમાં મુસાફરીનો પ્લાન બનાવી રહ્યા છો. તો આ સમાચાર ખાસ વાંચી લેજો.
રક્ષાબંધનને હવે માત્ર એક દિવસનો સમય બાકી છે. તહેવારોની સીઝનમાં આવી અને પરિવાર સાથે જો તમે પણ આ તહેવારો સેલિબ્રેટ કરવા માંગો છો. તેમજ આ માટે તમે ટ્રેન અને ફ્લાઈટનું બુકિંગ કર્યું છે. ત્યારે બુકિંગથી લઈ સમાન પેક કરી અને સ્ટેશન અથવા એરપોર્ટ સુધી પહોંચવા માટે થોડી તૈયારી કરવી જરુરી છે.
તહેવારોની સીઝન દરમિયાન ટ્રેનો અને ફ્લાઇટ્સમાં ભીડ વધવાને કારણે, ભાડા, સીટની ઉપલબ્ધતા અને મુસાફરીના સમયમાં ફેરફાર થઈ શકે છે. તેથી, મુસાફરી કરતા પહેલા તમારી ટિકિટ, મુસાફરીનો સમય અને જરૂરી ડોક્યુમેન્ટ બે વખત તપાસવા મહત્વપૂર્ણ છે.
જો તમે પણ ટ્રેનથી મુસાફરી કરી રહ્યા છો. તો સ્ટેશન પર સમય કરતા વહેલા પહોંચો. જ્યારે ફ્લાઈટમાં જઈ રહ્યા છો તો પણ સમય કરતા વહેલું પહોચવું જરુરી છે. કારણ કે, તમારે ચેક ઈન અને સિક્યોરિટી માટે વધારે સમય જોઈએ છે.ઉપરાંત, તમારા સામાનને વ્યવસ્થિત રાખો, અને દવાઓ, ચાર્જર અને ડોક્યુમેન્ટ જેવી આવશ્યક વસ્તુઓ સરળતાથી ઉપલબ્ધ રાખો. કેટલીક સ્માર્ટ ટ્રાવેલ ટિપ્સને અનુસરીને તમે તમારી તહેવારોની સફરને તણાવમુક્ત અને આરામદાયક બનાવી શકો છો.
તહેવારોમાં ટ્રેનની સફળ કરવાની ટિપ્સ
ટિકિટ વહેલા બુક કરાવો
તહેવારો દરમિયાન સીટોની માંગ ઝડપથી વધી શકે છે, તેથી તમારી મુસાફરીની તારીખ નક્કી કરતાની સાથે જ તમારું બુકિંગ પ્લાન કરો.
ટ્રેનનું સ્ટેટ્સ ચેક કરો
જતા પહેલા ટ્રેનનું લાઈવ સ્ટેટસ અને પ્લેટફોર્મ માહિતી તપાસવાની ખાતરી કરો.
સ્ટેશન પર વહેલા પહોંચો
ભીડને ધ્યાનમાં રાખીને, સામાન્ય કરતાં થોડો વધારાનો સમય લઈને સ્ટેશન પર પહોંચવું શ્રેષ્ઠ છે.
સામાન વ્યવસ્થિત રાખો
જરૂરી વસ્તુઓ નાની બેગમાં મૂકો જેથી ટિકિટ, ફોન, પાકીટ અને ID સરળતાથી મળી શકે.
બાળકો અને વૃદ્ધોની સંભાળ રાખો
સીટો, પાણી, નાસ્તો અને જરૂરી દવાઓ અગાઉથી ગોઠવો.
તહેવાર દરમિયાન ફ્લાઇટ દ્વારા મુસાફરી કરવા માટેની ટિપ્સ
એરપોર્ટ વહેલા પહોંચી જવું
તહેવારો દરમિયાન ટ્રાફિક અને એરપોર્ટ પર ભીડ વધી શકે છે. તેથી, એરપોર્ટ પર સમયસર પહોંચવા માટે ઘરેથી વહેલા નીકળો.
વેબ ચેક-ઇન કરો
એરલાઇનની સુવિધાના આધારે એડવાન્સ્ડ વેબ ચેક-ઇન સમય બચાવી શકે છે.
તમારા બેગનું વજન ચેક કરો
એરપોર્ટ પર વધારાની ફી અથવા મુશ્કેલી ટાળવા માટે એરલાઇનના સામાન નિયમો અગાઉથી તપાસો.
મહત્વપૂર્ણ ડોક્યુમેન્ટ સુરક્ષિત રાખો
તમારા ઓળખ કાર્ડ, ટિકિટ અથવા બોર્ડિંગ પાસ અને અન્ય જરૂરી દસ્તાવેજો તમારા ફોન પર અને જો જરૂરી હોય તો, ઑફલાઇન કોપીમાં રાખો.
ફ્લાઇટ સ્ટેટ્સ ચેક કરો
મુસાફરીનાં દિવસે ફ્લાઇટના સમય અને એરલાઇન સાથે કોઈપણ ફેરફારોની પુષ્ટિ કરો.
Trending Video : ગાઢ જંગલો વચ્ચેથી પસાર થઈ વંદે ભારત ટ્રેન , Video જોયા બાદ તમને પણ અહી જવાનું મન થશે અહી ક્લિક કરો
