Mango Side Effects : ભાગ્યે જ કોઈ એવું હશે જેને કેરી ન ભાવતી હોય. તેથી જ કેરીને ફળોનો રાજા કહેવામાં આવે છે. હાલના દિવસોમાં કેરી (Mango)ની ઘણી જાતો બજારમાં વેચાય છે કેરીમાં વિટામિન A, B, C અને E તેમજ પોટેશિયમ, મેગ્નેશિયમ, કોપર અને ફાઈબર જેવા ઘણા પોષક તત્વો હોય છે, જે સામાન્ય રીતે શરીર માટે ફાયદાકારક હોય છે. જે લોકો કેરી ખાવાના શોખીન હોય છે તેઓ તેના બોક્સ પોતાના ઘરમાં રાખે છે અને તેનું સેવન કરે છે. પરંતુ જો કોઈ પણ વસ્તુ વધારે ખાવામાં આવે તો સ્વાસ્થ્યને નુકસાન સહન કરવું પડે છે. જો તમે પણ કેરીના શોખીન છો અને સ્વાદને કારણે તેને વધુ પડતું ખાવાનું પસંદ કરો છો, તો ચોક્કસથી કેરીની આડઅસર (Side Effects of Mango) વિશે જાણી લો.
જે લોકોને ડાયાબિટીસ છે, તે લોકોએ મર્યાદિત માત્રામાં કેરી ખાવી જોઈએ. કેરીમાં કુદરતી ખાંડ હોય છે. તેને વધુ પડતું ખાવાથી લોહીમાં શુગરની માત્રા વધી શકે છે, જે તમારા માટે ઘણી સમસ્યાઓનું કારણ બની શકે છે.
કેરીમાં કેલરીની માત્રા વધુ હોય છે, તેને વધુ ખાવાથી ઝડપથી વજન વધે છે. જે લોકો પોતાનું વજન ઓછું કરવા માગે છે, તેમણે વધુ પડતી કેરી ખાવાનું ટાળવું જોઈએ. જો તમે ખાઓ છો, તો ચોક્કસપણે પૂરતું વર્કઆઉટ કરો જેથી તમારી વધારાની કેલરી બર્ન થઈ શકે.
કેરી ગરમ ગણાય છે. ઉનાળાની ઋતુમાં તેના વધુ પડતા સેવનથી તમારા શરીરમાં ગરમી પણ વધી શકે છે, જે શરીરમાં ફોલ્લીઓ અને પિમ્પલ્સનું કારણ બની જાય છે. તેમજ જમતા પહેલા તેને પાણીમાં બોળી રાખો, જેથી તેની ગરમી ઓછી થઈ શકે.
કેરીમાં ભરપૂર માત્રામાં ફાઈબર હોય છે. જો કે, ફાઇબર તમારી પાચન તંત્ર માટે ખૂબ જ ફાયદાકારક છે. પરંતુ જો તમે તેનું વધુ સેવન કરો છો, તો આ ફાઈબર તમારા માટે ઝાડાનું કારણ બની શકે છે. તો કેરી ખાતા પહેલા આ વાતનું ધ્યાન રાખો.
જો કેરી બરાબર પાકી ન હોય અને તમે તેનું વધુ માત્રામાં સેવન કરો છો તો તેના પાચનમાં સમસ્યા થાય છે, આવી સ્થિતિમાં પાચનતંત્રમાં ઘણી વખત ખલેલ પહોંચે છે અને પેટમાં દુખાવો અને ગેસની સમસ્યા થઈ શકે છે. આ સિવાય વધુ કેરી ખાવાથી પણ એલર્જીની ફરિયાદ થઈ શકે છે. તેથી વધુ પડતી કેરી ખાવાનું ટાળો. એક દિવસમાં બે થી વધુ કેરી ન ખાવી.
(નોંઘ: આ લેખમાં આપેલા મુદ્દાઓ પ્રાથમિક માહિતીઓને આધારે તૈયાર કરવામાં આવ્યા છે. આરોગ્યને લાગતાં કોઈ પણ પ્રયોગ કે નિર્ણય લેતા પહેલા અનુભવી તબીબ અથવા જે તે વિષયના નિષ્ણાંતની સલાહ લેવી હિતાવહ છે.)