ચહેરા પરના અનિચ્છનીય વાળની ​​સમસ્યાથી છુટકારો મેળવવા અપનાવો આ ઘરગથ્થુ ઉપાયો, તરત દેખાશે અસર

મહિલાઓને સુંદર દેખાવું ગમતુ હોય છે પણ તેમના ચહેરા ઉપર જરુર કરતા વધારે અને મોટા વાળ ઊગી નીકળે તો તેના કારણે તેમનો દેખાવ બગડી જાય છે. તેમનો આત્મવિશ્વાસ ઓછો થઈ જાય છે. ચહેરાના વાળ (Facial Hair) માત્ર ખરાબ જ નથી લાગતા, પરંતુ તેના કારણે મહિલાઓને શરમનો સામનો કરવો પડે છે. ચહેરાના વાળથી છુટકારો મેળવવા માટે લેસર ટ્રીટમેન્ટનો ઉપયોગ કરી શકાય છે, પરંતુ તે ખૂબ ખર્ચાળ છે. તેથી મોટાભાગની સ્ત્રીઓ આ સમસ્યાને નિયંત્રિત કરવા માટે વેક્સિંગ (Waxing) અથવા થ્રેડીંગનો આશરો લે છે. જો તમે પણ ચહેરા પરના અનિચ્છનીય વાળથી છુટકારો મેળવવા માંગતા હોવ તો રસોડામાં હાજર કેટલીક વસ્તુઓથી તમે કુદરતી વેક્સ તૈયાર કરી શકો છો. તેઓ આ સમસ્યા માટે ખૂબ જ અસરકારક સાબિત થઈ શકે છે.

અખરોટ અને મધ – અખરોટની છાલ ઉતાર્યા બાદ તેનો ઝીણો પાવડર તૈયાર કરો. તેમાં મધ મિક્સ કરો. આ પેસ્ટને ચહેરા પર લગાવો. થોડીવાર પછી ચહેરો સાફ કરી લો. તેનાથી તમને ઘણી રાહત મળશે.

હળદર અને એલોવેરા – હળદર અને એલોવેરાથી બનેલો ફેસ પેક પણ આ સમસ્યાથી છુટકારો મેળવવા માટે અસરકારક માનવામાં આવે છે. આ માટે એલોવેરા જેલને એક ચમચી હળદરના પાવડરમાં મિક્સ કરીને પેસ્ટ બનાવો. આ મિશ્રણને રુવાંટીવાળા ભાગ પર લગાવો. સુકાઈ ગયા પછી પાણીથી ધોઈ લો. આ પેસ્ટ અનિચ્છનીય વાળના વિકાસને નિયંત્રિત કરવામાં મદદરૂપ થશે.

આ પણ વાંચો

એલોવેરા અને પપૈયા પેક- અડધી વાટકી પાકેલા પપૈયાના ટુકડા લો અને તેની પેસ્ટ બનાવો. આ પેસ્ટમાં એલોવેરા જેલ મિક્સ કરો અને બે ચપટી હળદર ઉમેરો. જ્યારે તે પેસ્ટ જેવું બની જાય ત્યારે તેને સારી રીતે મિક્સ કરીને ચહેરા પર લગાવો. પેસ્ટને ચહેરા પર 20-25 મિનિટ માટે રહેવા દો. સુકાઈ ગયા પછી તેને હાથ વડે રગડીને કાઢી લો. ત્યારબાદ ચહેરા પર મસાજ કરો. ત્યારપછી ચહેરાને સ્વચ્છ પાણીથી ધોઈ લો.

લીંબુ અને મધ – અડધો ગ્લાસ પાણી ઉકાળો. તેમાં બે ચમચી ખાંડ, એક ચમચી મધ અને 2-3 ચમચી લીંબુનો રસ ભેળવીને ધીમી આંચ પર ઉકાળો. જ્યારે તે ચાસણીનું સ્વરૂપ લેવા લાગે અને તેનો રંગ બ્રાઉન થઈ જાય તો ગેસ બંધ કરી દો.તેના ઉપયોગથી તમને રાહત મળશે.

નોંધ : આ લેખ માત્ર જાણકારી માટે છે. તેનો ઉપયોગ પૂર્વે આપ આપના તબીબ અથવા તજજ્ઞોની સલાહ ખાસ લેવી