અભિનંદનની સલામત વાપસી માટે ભારતની દિલ્હીથી લઈ ઇસ્લામાબાદ સુધી જોરદાર કવાયત, પાકિસ્તાન પર ચોતરફથી વધતું દબાણ

પાકિસ્તાની સેનાએ કબજામાં લીધેલા ઍરફોર્સ વિંગ કમાંડર અભિનંદન વર્તમાનની વાપસી માટે ભારતે જોરદાર કવાયત હાથ ધરી છે.

ભારતે નવી દિલ્હીથી લઈ ઇસ્લામાબાદ સુધી પાકિસ્તાન પર ભારે દબાણ શરુ કર્યું છે કે જેના પગલે પાકિસ્તાને અભિનંદનને કોઈ પણ ભોગે છોડવા મજબૂર બનવું પડશે.

વિદેશ પ્રધાન વી કે સિંહે પણ ગુરુવારે ટ્વીટ કરી કહ્યું, ‘વિંગ કમાંડર અભિનંદન માનસિક રીતે એક મજબૂત, સ્વાર્થરહિત અને સાહસી સૈનિકના રૂપ છે. આ મુશ્કેલ પરિસ્થિતિમાં દેશ એકજુટ થઈ તેમની અને તેમના પરિવારની સાથે ઊભો છે. અમારા પ્રયત્નો ચાલુ છે અને જિનેવા સંધિ હેઠળ અમે આશા કરીએ છીએ કે ટૂંકમાં જ બહાદુર પાયલૉટ ઘરે પરત ફરશે.’

#WingCommanderAbhinandan is an embodiment of a mentally tough, selfless & courageous soldier. During these testing times the country stands, as one, behind him & his family.Our efforts are on & under the #GenevaConvention we hope that the brave pilot would return home soon.

— Vijay Kumar Singh (@Gen_VKSingh) February 28, 2019

આ પહેલા ભારતે નવી દિલ્હીમાં પાકિસ્તાનના રાજદૂતને બોલાવ્યા અને એક ડિમાર્શે આપી ખુલ્લા શબ્દોમાં કહી દીધું છે કે પાકિસ્તાન અમારો ફાઇટર પાયલૉટ અમને પરત આપી દે. એમ તો પાકિસ્તાન પાસે વધુ વિકલ્પો નથી, કારણ કે જિનેવા સંધિ મુજબ પાકિસ્તાન આપણા પાયલૉટને હાથ પણ લગાવી શકતું નથી. ભારતે પાકિસ્તાની રાજદૂત સમક્ષ કડક વાંધો ઉઠાવતા કહ્યું છે કે પાકિસ્તાન જિનેવા સંધિનો ભંગ કરી ચુક્યું છે, કારણ કે તેણે પાયલૉટની ઈજાગ્રસ્ત તસવીરો અને વીડિયો શૅર કર્યા છે કે જે નિયમોની વિરુદ્ધ છે.

બીજી બાજુ પાકિસ્તાનમાં ભારતીય ઉચ્ચાયોગ પણ અભિનંદનને છોડાવવા માટે સક્રિય છે. પાક સ્થિત ભારતીય હાઈકમિશનરે ગઈકાલે સાંજે વિંગ કમાંડર અભિનંદનની તત્કાળ અને સલામત વાપસી માટે પાકિસ્તાની વિદેશ મંત્રાલયને એક ડિમાર્શે આપ્યો.

[yop_poll id=1865]

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]