વારાણસીથી PM મોદી સામે ચૂંટણી લડવા બાબતે જાણો પ્રિયંકા ગાંધીએ શું કહ્યું?
વડાપ્રધાન મોદીની સામે વારાણસીથી ચૂંટણી લડવાને લઈને પ્રિયંકા ગાંધીએ નિવેદન આપ્યું છે. વડાપ્રધાનની સામે કોંગ્રેસ પ્રિયંકાને ઉતારશે તેવી અટકળોએ ફરીથી જોર પકડ્યું છે. કોંગ્રેસના મહાસચિવ પ્રિયંકા ગાંધીએ રવિવારના દિવસે કહ્યું કે કોંગ્રેસ જો મને વારાણસીથી ચૂંટણી લડવા માટે કહે તો મને વધારે ખૂશી થશે. આ નિવેદન પ્રિયંકાએ વાયનાડથી આપ્યું છે જ્યાં તે પોતાના ભાઈ રાહુલ […]
વડાપ્રધાન મોદીની સામે વારાણસીથી ચૂંટણી લડવાને લઈને પ્રિયંકા ગાંધીએ નિવેદન આપ્યું છે. વડાપ્રધાનની સામે કોંગ્રેસ પ્રિયંકાને ઉતારશે તેવી અટકળોએ ફરીથી જોર પકડ્યું છે.
કોંગ્રેસના મહાસચિવ પ્રિયંકા ગાંધીએ રવિવારના દિવસે કહ્યું કે કોંગ્રેસ જો મને વારાણસીથી ચૂંટણી લડવા માટે કહે તો મને વધારે ખૂશી થશે. આ નિવેદન પ્રિયંકાએ વાયનાડથી આપ્યું છે જ્યાં તે પોતાના ભાઈ રાહુલ ગાંધી માટે ચૂંટણી પ્રચાર કરવા પહોંચ્યા હતા. આમ જે અટકળો સેવાઈ રહી છે તેને પ્રિયંકા ગાંધીએ ફરીથી હવા આપી દીધી છે. જો પ્રિયંકા ગાંધી વડાપ્રધાન મોદીની સામે ચૂંટણી લડે તો એ બેઠક મહત્વની બની જાય અને ભાજપ અને કોંગ્રેસે પોતાનું બધું જોર તે બેઠક જીતવા માટે લગાવી દેવું પડે તેવો દ્રશ્યો સર્જાઈ શકે.
આ પ્રથમ વખત નથી કે પ્રિયંકા ગાંધી લોકસભાની ચૂંટણી વારાણસીથી લડી શકે તે માટે ચર્ચા થઈ હોય. પ્રિયંકા ગાંધીના પતિ રોબર્ટ વાડ્રાએ પણ એવું નિવેદન આપ્યું હતું કે પ્રિયંકા ગાંધી મોદી સામે ચૂંટણી લડવા માટે તૈયાર છે બસ પાર્ટી હા પાડે તેની રાહ જોવાઈ રહી છે. વારાણસીથી સીટ પરથી કોંગ્રેસે પોતાના ઉમેદવારની જાહેરાત પણ કરી નથી આથી આ ચર્ચાએ વધારે જોર પક્ડયું છે.
આ પણ વાંચો: સાધ્વી પ્રજ્ઞાને ચૂંટણી પંચે બાબરી મસ્જિદને લઈને વિવાદીત ટિપ્પણી કરવા બદલ ફટકારી નોટિસ
આમ હવે પ્રિયંકા ગાંધીએ પોતે ઉત્સુકતા દાખવતા આ મુદ્દો વધારે ચર્ચાઈ રહ્યો છે જેના લીધે રાજકારણમાં પણ ગરમાવો વધી રહ્યો છે.
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]