કોરોના કાળમાં સરકારનો મહત્વનો નિર્ણય, 362 PG રેસિડન્ટ તબીબને કેમ્પસ પ્લેસમેન્ટ અપાયું
કોરોનાના કપરા કાળમાં સરકારી તબીબોએ ખડેપગે દર્દીઓની કરેલી સેવાને સૌ બિરદાવી રહ્યાં છે. રાજ્ય સરકારે 362 જેટલા પીજી રેસિડન્ટ ડોક્ટરોને કેમ્પસ પ્લેસમેન્ટ આપ્યું. જે તે જિલ્લાના કલેક્ટર દ્વારા રેસિડેન્ટ તબીબને તજજ્ઞ તરીકે નિમણૂંક આપીને ખાસ ફરજ સોંપવામાં આવી છે. આ ઉપરાંત કોવિડ 19 નોટિફાઈડ હોસ્પિટલમાં સેવા આપનાર તબીબોને બોન્ડના નિયમોમાં પણ સરકારે ભારે છૂટ આપી […]
કોરોનાના કપરા કાળમાં સરકારી તબીબોએ ખડેપગે દર્દીઓની કરેલી સેવાને સૌ બિરદાવી રહ્યાં છે. રાજ્ય સરકારે 362 જેટલા પીજી રેસિડન્ટ ડોક્ટરોને કેમ્પસ પ્લેસમેન્ટ આપ્યું. જે તે જિલ્લાના કલેક્ટર દ્વારા રેસિડેન્ટ તબીબને તજજ્ઞ તરીકે નિમણૂંક આપીને ખાસ ફરજ સોંપવામાં આવી છે. આ ઉપરાંત કોવિડ 19 નોટિફાઈડ હોસ્પિટલમાં સેવા આપનાર તબીબોને બોન્ડના નિયમોમાં પણ સરકારે ભારે છૂટ આપી છે. તબીબોએ ગ્રામ્ય કક્ષાએ સેવા બજાવવાની થાય છે. જેના બદલે હવે કોવિડ 19 નોટિફાઈડ હોસ્પિટલની સેવાને પણ બોન્ડ સેવા તરીકે ગણવામાં આવશે. આ ઉપરાંત કોઈપણ તબીબે કૉવિડ-19 હોસ્પિટલમાં આપેલી સેવાને બમણા સમયગાળાના બોન્ડ તરીકે ગણતરીમાં લેવાશે. કોઈ તબીબે બોન્ડ સમયની અધૂરી છોડી દીધેલી સેવામાં પણ ખાસ છૂટ અપાઈ છે. આવા તબીબ છ મહિના માટે કોવિડ 19 હોસ્પિટલમાં સેવા બજાવીને બોન્ડ મુક્ત થઈ શકે છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો