મતદાન કર્યા બાદ કઈ આંગળી સાથે ફોટો પડાવવો તેને લઈને ગૂંચવાયા ભાજપના ઉમેદવાર રમેશ ધડૂક, વાયરલ થયો વીડિયો

પોરબંદર ભાજપના ઉમેદવાર રમેશ ધડૂક મત આપ્યા બાદ કેવી રીતે ફોટો પડાવવો તેને લઈને અટવાયા હતા. બાદમાં તેમનો વીડિયો સોશિયલ મીડિયા પર વાયરલ થઈ ગયો છે. 

પોરબંદરની લોકસભા સીટ પર ભાજપે આ વખતે રમેશ ધડૂકને મેદાને ઉતાર્યા છે જ્યારે તેમની સીધી ટક્કર કોંગ્રેસના ઉમેદવાર લલિત વસોયાની સાથે છે. ભાજપના ઉમેદવાર રમેશ ધડુક મત આપવા ગયા હતા ત્યારે તેની સાથે મીડિયાની ટીમ પણ કવરેજ માટે પહોંચી હતી. રમેશ ધડૂકે મતદાન કર્યું પણ કેવી રીતે પોતાની સ્યાહીવાળી આંગળી રાખીને ફોટો પડાવવો તેને લઈને તેઓ મુંઝાઈ ગયા હતા.

બાદમાં તેમની સામે ઉભેલાં લોકોએ તેમને કઈ આંગળી સાથે ફોટો પડાવવો તે કહ્યું હતું પણ તેઓ તાત્કાલિક રીતે સમજી શક્યા નહોતા. તેઓ મુંઝવણમાં જ રહી ગયા હતા અને પોતાના હાથ અને આંગળીઓ જ ફેરવતા જ રહી ગયા હતા.  તેઓ અટવાયા તેને લઈને વીડિયો સોશિયલ મીડિયામાં વાયરલ થયો હતો.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=” Watch more interesting videos on TV9 Gujarati YouTube channel”]