જો કોઈ તમને જાનથી મારી નાખવાની ધમકી આપે તો શું કરશો ? પોલીસની મદદ લેવાથી શું થાય છે કાર્યવાહી

ઘણીવાર આપણે કોઈક રીતે વિવાદમાં પડી જતા હોઈએ છે ત્યારે પૈસા બાબતનો વિવાદ હોય કે અન્ય કોઈક રીતે. અમુક વખત લોકો જાનથી મારી નાખવાની ધમકી આપે છે.  ત્યારે આવી પરિસ્થિતીમાં વ્યક્તિએ શું કરવુ તે સમજાતુ નથી અને જગ્યા કે શહેર છોડીને ભાગી જવાની તૈયારીઓ કરે છે.

આવી પરિસ્થિતીમાં તમે શું કરશો? કોની મદદ લેશો?  પોલીસને શું કહેશો તો તાત્કાલિક પગલા ભરાશે તેમજ કાયદાના દૃષ્ટિએ જાનથી મારી નાખવાની ધમકી કેટલો મોટો અપરાધ છે અને તેની સજા શું હોઈ શકે છે? ચાલો સમજીએ સમગ્ર બાબત

જાનથી મારી નાખવાની ધમકી મળે તો શું કરશો ?

આજકાલ વિવાદોમાં એકબીજાને જાનથી મારી નાખવાની ધમકીઓ આપવી સામાન્ય બની ગઈ છે. હવે જાહેર સ્થળો પર પણ આવી વસ્તુઓ ઘણી જોવા મળી રહી છે. લોકો આવી ધમકીઓ ખૂબ આપે છે. જો કોઈ તમને આવી ધમકીઓ આપે છે, તો તમારે સૌથી પહેલા તો શાંત રહેવું તે બાદ પરિવાર અને નજીકના મિત્રોને જાણ કરી દેવી તે સાથે આ પરિસ્થિતિમાં પોલીસની મદદ લઈ તરત જ રિપોર્ટ નોંધાવી દેવો જે બાદ તેની સામે પગલાં લઈ શકો છો.

7 વર્ષ સુધીની જેલની જોગવાઈ

જાનથી મારી નાખવાની ધમકી એ કોઈ સામાન્ય ગુનો નથી. ભારતીય દંડ સંહિતાની કલમ 506 સ્પષ્ટપણે જણાવે છે કે જો જાનથી મારી નાખવાની ધમકી આપવામાં આવી રહી છે તો આમ કરવું ગુનો ગણવામાં આવશે. આવી ધમકી આપનાર વ્યક્તિને 7 વર્ષ સુધીની જેલની સજા પણ થઈ શકે છે. આ મામલે નક્કર રિપોર્ટ દાખલ કરવામાં આવશે. આ અંગેનો કેસ તૈયાર કરીને સંબંધિત મેજિસ્ટ્રેટને મોકલવામાં આવશે. જો કે આવા કેસમાં સરળતાથી જામીન મળી જાય છે અને પછી કેસ ચાલે છે.

આવા કેસમાં શું પગલા લેવાય છે ?

આવા ગુનાઓ પર સીઆરપીસીની કલમ 154 હેઠળ સીધા પોલીસ સ્ટેશનમાંથી એફઆઈઆર નોંધવામાં આવે છે. ભારતીય દંડ સંહિતાની કલમ 294 હેઠળ એકબીજાને અશિષ્ટ રીતે દુરુપયોગ કરવો એ સજાપાત્ર ગુનો છે. જો કે, આવા મોટાભાગના કિસ્સાઓમાં, સમાધાન કરાવામાં આવે છે, પરંતુ કલમ 294 હેઠળ, બંને પક્ષો સમાધાન પણ કરી શકતા નથી કારણ કે દુરુપયોગ કરવાથી માત્ર પીડિત પક્ષને જ નુકસાન થતું નથી, પરંતુ તે આસપાસના સામાન્ય લોકોને પણ નુકસાન પહોંચાડે છે.