Govt Scheme : હવે દર મહિને સરકાર આપશે 3 હજાર રૂપિયા, આ રીતે કરો અરજી, જાણો સમગ્ર પ્રક્રિયા અને પાત્રતા

PM કિસાન માનધન યોજનાના લાભો મેળવવા માટે, ઉમેદવારો સત્તાવાર સાઇટની મુલાકાત લઈને નોંધણી કરાવી શકે છે. આ યોજના હેઠળ ખેડૂતોને ત્રણ હજાર રૂપિયા મળવા પાત્ર છે. આ યોજનામાં તમે 60 વર્ષના થયા પછી તમને દર મહિને ત્રણ હજાર રૂપિયા પેન્શન મળે છે. મહત્વનુ છે કે ક્યાં ખેડૂતો આ યોજના માટે અરજી કરી શકે છે જેને લગતી તમામ માહિતી અહીં આપવામાં આવી છે.

TV9 Gujarati | Edited By: Sagar Solanki | Updated on: Oct 08, 2023 | 8:58 PM

ખેડૂતોની મદદ માટે સરકાર દ્વારા ઘણી યોજનાઓ ચલાવવામાં આવી રહી છે. આમાંની એક યોજના PM કિસાન માનધન યોજના (PM Kisan Mandhan Yojana) છે. આ યોજના હેઠળ સરકાર ખેડૂતોને દર મહિને ત્રણ હજાર રૂપિયાનું પેન્શન આપી રહી છે.

માત્ર 18 થી 40 વર્ષની વયના ખેડૂતો જ આ યોજના માટે અરજી કરવા પાત્ર છે. રોકાણની રકમ અરજદારની ઉંમરના આધારે નક્કી કરવામાં આવે છે. જો તમે 18 વર્ષની ઉંમરે આ પ્રોગ્રામ માટે અરજી કરો છો તો તમારે દર મહિને 55 રૂપિયાનું રોકાણ કરવું પડશે. જો તમે 40 વર્ષની ઉંમરે અરજી કરો છો, તો તમારે દર મહિને 200 રૂપિયાનું રોકાણ કરવું પડશે.

તમે 60 વર્ષના થયા પછી તમને દર મહિને ત્રણ હજાર રૂપિયા પેન્શન મળે છે. નજીકના જાહેર સેવા કેન્દ્રની મુલાકાત લઈને અરજી કરી શકો છો. આ પછી તમારે તમારા બધા જરૂરી દસ્તાવેજો VLE (Village Level Entrepreneur) ને આપવા પડશે. આ પછી તે તમારી અરજીને યોજનામાં સામેલ કરશે. આ ઉપરાંત, તમે પ્રધાનમંત્રી કિસાન માનધન યોજનાની સત્તાવાર વેબસાઇટ પર જઈને જાતે જ આ યોજના માટે અરજી કરી શકો છો. બે હેક્ટરથી ઓછી જમીન ધરાવતા ખેડૂતો આ યોજના માટે અરજી કરી શકે છે.