You Tuber ગૌરવ તનેજાએ રચ્યો ઈતિહાસ, અમેરિકાના આકાશમાં બનાવ્યો ભારતનો નકશો
યુટ્યુબર ગૌરવ તનેજાએ ગણતંત્ર દિવસના અવસર પર ઈતિહાસ રચ્યો છે. અમેરિકાના આકાશમાં ભારતનો નકશો બનાવીને તેણે જે રેકોર્ડ બનાવ્યો છે તેનાથી દરેક ભારતીય ખુશ છે. તેણે 350 કિમીમાં ભારતનો નકશો બનાવ્યો છે.
પ્રજાસત્તાક દિવસ હોય કે સ્વતંત્રતા દિવસ… દરેક ભારતીયનો ઉત્સાહ આ બે દિવસોમાં હંમેશા ઊંચો રહે છે. દેશભક્તિ ખાતર દરેક વ્યક્તિ કોઈને કોઈ પરાક્રમ બતાવીને દેશભક્તિની લાગણી જગાડવા માંગે છે. હાલમાં યુટ્યુબર ગૌરવ તનેજાએ અમેરિકાના આકાશમાં કંઈક આવું જ કર્યું છે, જેને જોઈને દરેક ભારતીયનું દિલ ગર્વથી ભરાઈ જશે.
યુટ્યુબર ગૌરવ તનેજાએ ગણતંત્ર દિવસના અવસર પર ઈતિહાસ રચ્યો છે. અમેરિકાના આકાશમાં ભારતનો નકશો બનાવીને તેણે જે રેકોર્ડ બનાવ્યો છે, તેનાથી દરેક ભારતીય ખુશ છે. તેણે 350 કિમીમાં ભારતનો નકશો બનાવ્યો છે. તેમની પત્ની રિતુ રાથી તનેજા સાથે મળીને તનેજાએ 3 કલાકમાં આ મિશન પૂરું કર્યું. તેણે પોતાના મિશનનું નામ ‘ભારત આકાશમાં’ રાખ્યું છે.
યુટ્યુબર ગૌરવ તનેજાએ રચ્યો ઈતિહાસ
We created History, the largest map of Bharat . Flew for almost 3 hrs and made a, 350 Km long map. . Aapke support auur Bharat Mata ke aashirvaad ke bina possible nahi tha. .#AasmanMeinBharat #HappyRepublicDay @captriturathee pic.twitter.com/EtGMw2ZeHy
— Gaurav Taneja (@flyingbeast320) January 26, 2023
આ તનેજા દંપતીનો દાવો છે કે આજ સુધી કોઈએ ભારતનો આટલો મોટો નકશો નથી બનાવ્યો. તેણે ટ્વીટ કરીને કહ્યું, ‘અમે ભારતનો સૌથી મોટો નકશો બનાવીને ઈતિહાસ રચ્યો છે. લગભગ 3 કલાક સુધી ઉડાન ભરીને 350 કિમી લાંબો નકશો બનાવ્યો. તમારા સમર્થન અને ભારત માતાના આશીર્વાદ વિના આ શક્ય ન હોત.
‘ફ્લાઈંગ બીસ્ટ’ તરીકે ઓળખાય છે આ દંપતી
જણાવી દઈએ કે ગૌરવ અને રિતુ તનેજા પ્રખ્યાત યુટ્યુબર અને પાયલોટ છે. આ કપલ સોશિયલ મીડિયા પર ‘ફ્લાઈંગ બીસ્ટ’ તરીકે ઓળખાય છે. સોશિયલ મીડિયા પર તેના લાખો ફોલોઅર્સ છે. દિલ્હીના રહેવાસી ગૌરવ અને રિતુ પણ કોમર્શિયલ પાઈલટ છે.
દંપતીએ એક ચેનલ સાથેની વાતચીતમાં કહ્યું કે તેઓ 350 કિમીમાં ભારતનો સૌથી મોટો નકશો બનાવીને ખૂબ ખુશ છે. ગૌરવ તનેજા વિશે વાત કરીએ તો, તે આઈઆઈટીયન, એરલાઈન કેપ્ટન, લો સ્ટુડન્ટ, નેશનલ લેવલ બોડી બિલ્ડર અને સેલિબ્રિટી વ્લોગર છે.
આજે 74માં પ્રજાસત્તાક દિવસે ભારતમાં કાશ્મીરથી કન્યાકુમારી સુધી ભારતનો ત્રિરંગો ઝંડો લહેરાયો હતો. દિલ્હીના કર્તવ્ય પથ પર પણ ભારતના શૌર્ય અને ભવ્યતાનું પ્રદર્શન કરવામાં આવ્યું હતું. વિદેશની ધરતી પર પણ ભારતીય મૂળના લોકો આ રાષ્ટ્રીય તહેવાર ઉજવતા જોવા મળ્યા હતા.