Kenya News : આ તો કેવો શોખ ! નેકલેસ બનાવવા માટે કેન્યાથી જિરાફનું મળ લાવી મહિલા, કસ્ટમના હાથે પકડાતાં થયો ચોંકાવનારો ખુલાસો
કેન્યા પ્રવાસ દરમ્યાન એક મહિલાને જિરાફના મળમાંથી નેકલેસ બનાવવામાં રસ પડ્યો. જે બાદ આ કરવા માટે તેણે જિરાફણું મળ ભેગું કરવાનું શરૂ કર્યું અને તેને સાચવીને બેગમાં છુપાવી દેવામાં આવ્યું. આ મહિલા જિરાફના મળ સાથે જ્યારે મિનેપોલિસ-સેન્ટ પોલ એરપોર્ટ પર પહોંચી ત્યારે આ મહિલાના સામાનની તપાસ કરવામાં આવી. ત્યારે મહિલા પાસેથી જિરાફના મળનું નાનું બોક્સ મળી આવ્યું. જોકે આ બાબતે અધિકારીઓએ પૂછતાં મહિલાએ જે કારણ બતાવ્યું તે આશ્ચર્ય જનક હતું.
દરેક વ્યક્તિ પોતાના સૌથી મોટા શોખને પૂરો કરવા ઈચ્છે છે. આ માટે લોકો સખત મહેનત કરે છે. પરંતુ એવું જરૂરી નથી કે તમામ લોકો પ્રવાસના શોખીન હોય કે કંઈક મોટું હાંસલ કરવાના શોખીન હોય. ઘણા એવા છે જેમણે વિચિત્ર શોખ પણ હોય છે. તમને આ વિશે જાણીને નવાઈ લાગશે.
હા, હવે જરા અમેરિકાના મિનેસોટાની એક મહિલાને જ જુઓ. જિરાફના મળને કારણે તે એરપોર્ટ પર કસ્ટમની ચુંગાલમાં ફસાઈ ગઈ. ખરેખર, તે ગળાનો હાર બનાવવા માટે જિરાફના મળનો ઉપયોગ કરવા માગતી હતી. તેણીની ઇચ્છા પૂર્ણ કરવા માટે, તેણીએ કેન્યાથી જિરાફના મળથી ભરેલા બોક્સ સાથે નીકળી. પરંતુ તે એરપોર્ટ પર કસ્ટમના નિશાના હેઠળ આવી હતી. જે બાદ અધિકારીઓએ મળનો બોક્ષ જપ્ત કર્યો હતો.
રિપોર્ટ અનુસાર, પ્રારંભિક તપાસ દરમિયાન, મહિલાએ અધિકારીઓને કહ્યું કે તેણે કેન્યાના પ્રવાસ દરમિયાન જિરાફનો મળ ફક્ત એટલા માટે જ સાથે લાવી હતી જેથી તેના દ્વારા તે પોતા માટે ગળાનો હાર બનાવી શકે. મહિલાના કહેવા પ્રમાણે, આ પહેલીવાર નથી જ્યારે તેણે આવું કંઈ કર્યું હોય. અગાઉ તેણીએ હરણના છાણમાંથી હાર બનાવીને પહેર્યો હતો.
મહિલાને શા માટે અટકાવવામાં આવી ?
જાણકારી માટે તમને જણાવી દઈએ કે અમેરિકા જેવા દેશોમાં જિરાફનો મળ લાવવો સરળ નથી, મિનેસોટા પબ્લિક રેડિયો અનુસાર, તેને ત્યારે જ લાવી શકાય છે જો વ્યક્તિ પાસે તેને લાવવાની પરમિટ હોય અને તેનું યોગ્ય રીતે નિરીક્ષણ કરવામાં આવે. મળતી માહિતી અનુસાર, મહિલાએ આ પ્રતિબંધોનો સામનો કરવો પડ્યો ન હતો કારણ કે તેણે મળ તેની પાસે હોવાને લઈ અધિકારીઓને કસ્ટમ ફી પણ ચૂકવી હતી.
કસ્ટમ્સ એન્ડ બોર્ડર પ્રોટેક્શનના શિકાગો ક્ષેત્રના ડિરેક્ટર લાફોન્ડા ડી. સટન-બર્કે એક નિવેદનમાં જણાવ્યું હતું કે, “યુનાઈટેડ સ્ટેટ્સમાં આવા મળના પદાર્થને લાવવામાં એક વાસ્તવિક ખતરો છે. જો આ વ્યક્તિ યુ.એસ.માં દાખલ થયો હોત અને તેણે આ વસ્તુઓ જાહેર કરી ન હોત, તો આ દાગીનામાંથી વ્યક્તિને કોઈ રોગ થયો હોત અને ગંભીર સ્વાસ્થ્ય સમસ્યાઓ થઈ હોત.” કેટલાક એવા રોગ છે જેવા કે આફ્રિકન સ્વાઈન ફીવર, ક્લાસિકલ સ્વાઈન ફીવર, ન્યુકેસલ ડિસીઝ, ફુટ એન્ડ માઉથ ડિસીઝ અને સ્વાઈન વેસ્ક્યુલર ડિસીઝ કેન્યામાં એવા રોગો છે જેને યુએસ કસ્ટમ અધિકારીઓ આને નોંધપાત્ર જોખમ તરીકે ઓળખાવ્યા છે.
આંતરરાષ્ટ્રીય તમામ સમાચાર વાંચવા માટે અહીં ક્લિક કરો
