જો અમેરિકામાં શટડાઉન લાંબુ ખેંચાયુ તો મહાસત્તાનું સિંહાસન ડોલવા લાગશે કે કેમ?- વાંચો

અમેરિકાના ઈતિહાસમાં હાલ બીજુ સૌથી લાંબુ શટડાઉન ચાલી રહ્યુ છે. પહેલા પણ ડોનાલ્ડ ટ્રમ્પના જ કાર્યકાળમાં લગભગ સવા મહિના સુધી સરકારી કામકાજ બંધ રહ્યુ હતુ. જો કે જે પ્રકારે વિગતો સામે આવી રહી છે તે મુજબ મોટાભાગના સરકારી અધિકારીઓ ફુડ ડિલિવરી જેવા તેમની ક્ષમતા બહારના કામ કરી રહ્યા છે કારણ કે તેમનો વિભાગ હાલ અસ્થાયી ધોરણે બંધ છે. જો આ શટડાઉન લાંબુ ખેંચાયુ તો તેની અસર માત્ર નાગરિકો પુરતી સીમિત નહીં રહે પરંતુ તેનાથી દેશની તાકાતને પણ અસર થશે.

Mina Pandya | Updated on: Oct 28, 2025 | 9:05 AM

યુદ્ધ બંધ કરવાનો દાવો કરનારા ડોનાલ્ડ ટ્રમ્પને બે શટડાઉનનો શ્રેય પણ મળ્યો છે. હકીકતમાં, ભંડોળ અંગેના મતભેદોને કારણે અનેક બિલો પસાર થવામાં અવરોધ આવ્યો, જેના કારણે ફેડરલ શટડાઉન થયું. પરિણામે, અસંખ્ય સરકારી વિભાગો અસ્થાયી રૂપે બંધ થઈ ગયા. લાખો કર્મચારીઓને ઘરે રહેવાની અથવા તેમની ક્ષમતાની બહાર કામ કરવાની ફરજ પડી છે. આ પરિસ્થિતિ તેના ત્રીજા અઠવાડિયામાં છે. જો શટડાઉન લાંબા સમય સુધી ચાલુ રહેશે, તો મહાસત્તા તરીકે અમેરિકાની સ્થિતિ હચમચી શકે છે, ખાસ કરીને ત્યારે જ્યારે સમગ્ર વિશ્વમાં અસ્થિરતાનો માહોલ છે. ઓક્ટોબરની શરૂઆતમાં શટડાઉનની પણ શરૂઆત થઈ. શા માટે શટડાઉન થયુ તેના કારણો પર નજર કરીએ. function loadTaboolaWidget() { window._taboola = window._taboola || []; ...