તાલિબાને પાકિસ્તાનને તોડી બીજું બાંગ્લાદેશ બનાવવાની આપી ધમકી, પાકિસ્તાનીઓ થયા ગુસ્સે, કહી ભારત માટે આ વાત

તાલિબાન શાસિત પાકિસ્તાન અને અફઘાનિસ્તાન વચ્ચે સતત તણાવ ચાલી રહ્યો છે. જ્યારથી અમેરિકન સેના અફઘાનિસ્તાનમાંથી બહાર નીકળી છે ત્યારથી તાલિબાનો પાકિસ્તાન પર ગુસ્સે છે. પાકિસ્તાન ભલે મુસ્લિમ બ્રધરહુડના ગમે તેટલા ગુણગાન ગાય, પરંતુ જમીની હકિકત અલગ જ છે.

અફઘાનિસ્તાન હવે 1971ની જેમ પાકિસ્તાનને ટુકડાઓમાં વહેંચવાની ધમકી આપી રહ્યું છે. જેના પર પાકિસ્તાનીઓ નારાજ છે. તેમનું કહેવું છે કે ભારતે અફઘાનિસ્તાનમાં ઘણો વિકાસ કર્યો છે, જેના કારણે તાલિબાન હવે ભારત તરફ ઝુક્યું છે.

સોશિયલ મીડિયા પર હાલમાં એક વીડિયો શેર થઈ રહ્યો છે. જેમાં તાલિબાન પ્રશાસનના નાયબ વિદેશ મંત્રી શેર મોહમ્મદ અબ્બાસ સ્ટેનેકઝાઈ પાકિસ્તાનને 1971ની જેમ ભાગલા પાડવાની ધમકી આપી રહ્યા છે. 1971માં, પાકિસ્તાનનો પૂર્વી ભાગ અલગ થઈને બાંગ્લાદેશ બન્યો.

તાલિબાન તરફથી આ ધમકી ત્યારે આવી છે જ્યારે થોડા મહિના પહેલા પાકિસ્તાને લાખો અફઘાન શરણાર્થીઓને દેશમાંથી બહાર કાઢવાનું શરૂ કર્યું હતું. પાકિસ્તાની યુટ્યુબરે આ અંગે લોકો સાથે વાત કરી હતી. તેમણે આવા નિવેદનો માટે ભારતને જવાબદાર ઠેરવવાનો પ્રયાસ કર્યો હતો.

પાકિસ્તાન પહેલેથી જ વિભાજિત

વાતચીત દરમિયાન એક પાકિસ્તાનીએ કહ્યું કે પાકિસ્તાને યુદ્ધમાં અમેરિકાને સાથ આપીને ખોટું કર્યું છે, જેના કારણે તાલિબાન અમારાથી નારાજ છે. તેમણે કહ્યું કે તાલિબાન સાથે અમેરિકાનું સમર્થન પાકિસ્તાન માટે પણ ખરાબ સાબિત થયું છે.

અન્ય એક યુવતીએ વાતચીત દરમિયાન કહ્યું કે અમે સંપ્રદાયો અને પ્રાંતોમાં વહેંચાયેલા છીએ. આવી સ્થિતિમાં, બીજું કોણ આપણને વિભાજિત કરી શકશે? તેણે વધુમાં કહ્યું કે એક સમયે અમે અફઘાન લોકોને આશ્રય આપીએ છીએ અને પછી તેમને બહાર કાઢીએ છીએ. આવી સ્થિતિમાં પાકિસ્તાનની વિદેશ નીતિના નિર્ણયો સમજી શકાય તેવા નથી.

કોઈની સાથે નથી સારા સબંધ

વાતચીતમાં આ પાકિસ્તાની યુવતીએ કહ્યું કે પાકિસ્તાને બધા સાથે સંબંધો બગાડ્યા છે. અફઘાનિસ્તાન, ઈરાન અને ભારત સાથે સંબંધો ખરાબ છે. તેમણે કહ્યું કે જો ભારત સાથે સંબંધો સારા હોત તો અમારી સ્થિતિ ખરાબ ન હોત. જ્યારે તેમને પૂછવામાં આવ્યું કે શું તાલિબાન આ વાત ભારતના સમર્થનથી કહી રહ્યું છે.

તેના પર યુવતીએ કહ્યું કે આપણે બીજાના ખભા પર બંદૂક ન રાખવી જોઈએ. અન્ય એક વ્યક્તિએ વાતચીતમાં કહ્યું કે જો તાલિબાન સાથે લડાઈ થાય છે તો તેના ઘણા કારણો હોઈ શકે છે. પરંતુ પાકિસ્તાન આવું ક્યારેય ઈચ્છતું નથી.

આ પણ વાંચો: પાકિસ્તાનમાં હજુ પણ નથી બની શકી સરકાર, ઈમરાન ખાન શિયા સુન્નીની જાળમાં ફસાઈ ગયા ?