Russia-Ukraine War: યુક્રેનથી માત્ર 100 કિમી દૂર પોલેન્ડ પહોંચ્યા જો બાઈડન, નાટો માટે કેમ આટલું મહત્વનું છે આ સ્થળ ?

રશિયાના રાષ્ટ્રપતિ વ્લાદિમીર પુતિને (Russian President Vladimir Putin) યુક્રેન (Ukraine) સામે યુદ્ધ છેડ્યું છે અને બંને દેશો વચ્ચે એક મહિનાથી યુદ્ધ ચાલી રહ્યું છે. આ દરમિયાન અમેરિકી રાષ્ટ્રપતિ જો બાઈડન બ્રસેલ્સ નજીક પોલેન્ડ પહોંચી ગયા છે. હાલમાં જ્યાં બાઈડન હાજર છે, તે જગ્યા યુક્રેન બોર્ડરથી માત્ર 100 કિલોમીટર દૂર છે. બાઈડનની સાથે પોલેન્ડના નાટોના અન્ય મોટા નેતાઓ પણ આજે હાજર રહેશે. પોલેન્ડમાં દિગ્ગજોની બેઠક જણાવે છે કે નેતાઓ માટે આ સ્થાન કેટલું મહત્વપૂર્ણ છે. પોલેન્ડના રસ્તે યુક્રેનને સૈન્ય સહાય આપવામાં આવી રહી છે. પોલેન્ડ એ નાટોનું મહત્વનું લશ્કરી મથક છે. અહીં અમેરિકાએ 2 પેટ્રિઅટ મિસાઈલ ડિફેન્સ સિસ્ટમ તૈનાત કરી છે. બ્રિટન પણ અહીં મિસાઈલ ડિફેન્સ સિસ્ટમ તૈનાત કરી રહ્યું છે. પોલેન્ડે યુક્રેનથી આવેલા 20 લાખ લોકોને આશ્રય પણ આપ્યો છે.

બીજી તરફ, યુએસ અને યુરોપિયન યુનિયન રશિયાના ઊર્જા સંસાધનો પર તેમની નિર્ભરતા ઘટાડશે અને આ માટે બંનેએ નવી ભાગીદારીની જાહેરાત પણ કરી છે. યુક્રેનમાં સૈન્ય આક્રમણને કારણે રશિયાને વૈશ્વિક અર્થવ્યવસ્થાથી અલગ કરવાના ઈરાદાથી અમેરિકા અને યુરોપીય સંઘે આ ભાગીદારી કરી છે.

Today, US President Joe Biden & European Commission President Ursula von der Leyen announced a joint Task Force to reduce Europe’s dependence on Russian fossil fuels & strengthen European energy security as President Putin wages his war of choice against Ukraine: The White House pic.twitter.com/QOyTi8aDkl

— ANI (@ANI) March 25, 2022

શુક્રવારે, વ્હાઇટ હાઉસે જણાવ્યું હતું કે યુએસ પ્રમુખ જો બાઈડન અને યુરોપિયન કમિશનના પ્રમુખ ઉર્સુલા વોન ડેર લેયેને રશિયન અશ્મિભૂત ઇંધણ પર યુરોપની નિર્ભરતા ઘટાડવા અને યુરોપિયન ઊર્જા સુરક્ષાને મજબૂત કરવા માટે સંયુક્ત ટાસ્ક ફોર્સની જાહેરાત કરી છે. આ સાથે જ વ્હાઇટ હાઉસે જણાવ્યું હતું કે આ ભાગીદારી હેઠળ યુએસ અને અન્ય દેશો આ વર્ષે યુરોપમાં લિક્વિફાઇડ નેચરલ ગેસની નિકાસમાં 15 બિલિયન ક્યુબિક મીટરનો વધારો કરશે અને ભવિષ્યમાં વધુ સંસાધનો પૂરા પાડવામાં આવશે.

રશિયા યુરોપિયન યુનિયનને 40 ટકાથી વધુ કુદરતી ગેસની નિકાસ કરે છે

વ્હાઇટ હાઉસના જણાવ્યા અનુસાર, ઊર્જા કાર્યક્ષમતા અને ઊર્જાના વૈકલ્પિક સ્ત્રોતો દ્વારા લાંબા ગાળે અશ્મિભૂત ઇંધણ પરની અવલંબન ઘટાડવા તરફ પણ ભાગીદારી તૈયાર કરવામાં આવી છે. નોંધપાત્ર રીતે, ઊર્જા સંસાધનો રશિયા માટે આવક અને રાજકીય શક્તિનો મુખ્ય સ્ત્રોત છે. વીજળીનો ઉપયોગ કરવા અને વીજળી ઉત્પન્ન કરવા માટે રશિયા યુરોપિયન યુનિયનને 40 ટકાથી વધુ કુદરતી ગેસની નિકાસ કરે છે.

આ પણ વાંચો : Sri Lanka Food Crisis: શ્રીલંકામાં ફુગાવાએ હદ વટાવી, 400 ગ્રામ દુધના પાવડર 790 રૂપિયામાં, ચોખા, ખાંડના ભાવમાં ધરખમ વધારો